Pasalao

Members Login

Post Info

TOPIC: ນັກສຶກສາລາວຈຳນວນ 9 ຄົນ ໄດ້ຮັບທຶນສຶກສາຈາກສະຫະພາບເອີຣົບ

Laotian

Senior Member

Status: Offline

Posts: 183

Date: Aug 13, 2014

ນັກສຶກສາລາວຈຳນວນ 9 ຄົນ ໄດ້ຮັບທຶນສຶກສາຈາກສະຫະພາບເອີຣົບ	Permalink

ໃນປີ 2014 ອົງການສະຫະ ພາບເອີຣົບ ຫລື ອີຢູ ໄດ້ຕົກລົງສືບຕໍ່ໃຫ້ທຶນສະໜັບສະໜູນນັກສຶກສາລາວໄປຮຽນຕໍ່ຢູ່ບັນດາປະເທດສະມາຊິກສະຫະພາບເອີ ຣົບ, ຊຶ່ງຊຸດທີ 1 ມີນັກສຶກສາ ລາວ ຈຳນວນ 9 ຄົນ ພວມກະ ກຽມເດີນທາງໃນລະຫວ່າງ ເດືອນສິງຫາ-ກັນຍາ 2014ນີ້, ສ່ວນໄລຍະທີ 2 ມີຈຳນວນ 55 ທຶນ ພວມຢູ່ໃນໄລຍະການຄັດເລືອກຈາກຄະນະກຳມະການທີ່ກ່ຽວຂ້ອງຂອງລາວ ແລະ ສະ ຫະພາບເອີຣົບ ເພື່ອຈັດສົ່ງໃຫ້ຜູ້ທີ່ໄດ້ຮັບທຶນໄປຮຽນຕໍ່ໃນສົກ ຮຽນປີ 2014-2015 ທີ່ຈະມາເຖິງ. ທ່ານມີແຊນ ໂກແຟງ ອຸປະທູດສຳນັກງານສະຫະພາບເອີ ຣົບ ປະຈຳລາວ ໄດ້ໃຫ້ກຽດຈັດງານລ້ຽງສົ່ງ ບັນດານັກສຶກ ສາຊຸດທຳອິດຈຳນວນ 9 ຄົນດັ່ງ ກ່າວຂຶ້ນ ໃນຄ່ຳຄືນຂອງວັນທີ 11 ສິງຫານີ້, ຢູ່ໂຮງແຮມກຣີນປາກ ນະຄອນຫລວງວຽງຈັນ, ໂດຍມີຜູ້ຕາງໜ້າຈາກກະຊວງສຶກສາທິການ ແລະ ກິລາ, ກະຊວງການຕ່າງປະເທດ, ມະຫາວິທະຍາໄລແຫ່ງຊາດ ແລະ ບັນ ດາທູຕານູທູດປະເທດຕ່າງໆປະ ຈຳລາວເຂົ້າຮ່ວມນຳດ້ວຍ. ນັກສຶກສາທີ່ຈະເດີນທາງໄປສຶກສາຕໍ່ໃນປະເທດສະມາຊິກອີຢູ ປີນີ້ເຊິ່ງປະກອບມີ: ປະເທດໂອຕຣິດ, ຝຣັ່ງ, ໂຮງກາຣີ, ປອກຕຸຍການ, ຣູມານີ ແລະ ແອັສປາຍ ເພື່ອສືບຕໍ່ໃນລະດັບຕ່າງໆບໍ່ວ່າຈະເປັນລະດັບປະລິນຍາເອກ ຈົນເຖິງການເຝິກອົບ ຮົມວິຊາຊີບໄລ ຍະສັ້ນ. ສຳລັບຜູ້ທີ່ໄດ້ຮັບທຶນຈຳ ນວນ 55 ທຶນນັ້ນແມ່ນພວມຢູ່ໃນໄລຍະການກະກຽມເນື່ອງຈາກມະຫາ ວິທະຍາໄລແຫ່ງຊາດຢູ່ນະຄອນຫລວງວຽງຈັນ ແລະ ມະຫາວິທະຍາໄລສະຫວັນນະເຂດ, ຊຶ່ງເປັນຄູ່ຮ່ວມໃນໂຄງ ການຮ່ວມມືທີ່ຖືກຄັດເລືອກຈາກແຜນງານອີຣັສມູດ ມູນດູສ ໃນປີ 2014, ຊຶ່ງແຜນງານດັ່ງກ່າວມາຮອດປັດຈຸບັນໄດ້ປ່ຽນຊື່ມາເປັນ ເອຣັສມູສ ພຣັສ ມີໜ້າທີ່ສະໜອງທຶນການຊ່ວຍເຫລືອທາງດ້ານການເງິນໃຫ້ແກ່ສະຖາບັນການສຶກສາຕ່າງໆ ແລະ ທຶນການສຶກ ສາສຳລັບບຸກຄົນ ເພື່ອເປົ້າໝາຍຍົກສູງຄຸນນະພາບການສຶກສາ, ໂດຍຜ່ານການສະໜອງທຶນການສຶກສາ ແລະ ການຮ່ວມມືດ້ານວິຊາການລະຫວ່າງເອີຣົບ ແລະ ປະເທດຕ່າງໆໃນທົ່ວໂລກ, ທັງເປັນການປັບປຸງລະດັບການສຶກສາ ແລະ ການປະຕິບັ ດວຽກງານຂອງນັກສຶກສາ ແລະ ພະນັກງານຂອງປະເທດເຫລົ່ານັ້ນ. ທ່ານອຸປະທູດສຳນັກງານຜູ້ຕາງໜ້າສະຫະພາບເອີຣົບໄດ້ກ່າວວ່າ: ການສຶກສາມີບົດບາດສຳຄັນໃນການພັດທະນາຂອງທຸກໆປະເທດ, ໂດຍສະເພາະການສະໜອງທຶນໃຫ້ແກ່ຄົນຮຸ້ນໜຸ່ມໄດ້ມີວິໄສທັດກ້ວາງໄກ, ເພື່ອສົ່ງເສີມການແລກປ່ຽນດ້ານ ການສຶກສາລະຫວ່າງປະເທດ ຕ່າງໆໃນທົ່ວໂລກລວມທັງ ສປປ ລາວ. ນອກນີ້ ຍັງໄດ້ປະກອບ ສ່ວນເຂົ້າໃນການນຳເອົາບຸກ ຄະລາກອນທີ່ມີຄຸນນະພາບສູງກັບມາ ເພື່ອພັດທະນາປະເທດຊາດໃຫ້ນັບມື້ເຂັ້ມແຂງ. ນັບແຕ່ປີ 2003-2014 ສະຫະພາບເອີຣົບ ໄດ້ສະໜອງທຶນການສຶກສາຈຳ ນວນ 187 ທຶນ ໃຫ້ແກ່ນັກສຶກສາ ລາວເພື່ອສືບຕໍ່ການສຶກສາໃນລະດັບການເຝິກອົບຮົບວິຊາຊີບ, ປະລິນຍາຕີ, ປະລິນຍາໂທ ແລະ ປະລິນຍາເອກ ໃນປະເທດຕ່າງໆ ທີ່ເປັນສະມາຊິກອີຢູ. http://laophatthananews.blogspot.com/2014/08/9_13.html __________________

Anonymous

Date: Aug 13, 2014

RE: ນັກສຶກສາລາວຈຳນວນ 9 ຄົນ ໄດ້ຮັບທຶນສຶກສາຈາກສະຫະພາບເອີຣົບ	Permalink

ຂໍສະແດງຄວາມຍິນດີນຳ ແລະຫວັງວ່າພວກທ່ານຈະຕັ້ງໃຈສຶກສາຮ່ຳຮຽນ ແລະນຳເອົາຄວາມຮູ້ຄວາມສາມາດທີ່ທ່ານໄດ້ສຶກສາຄົ້ນຄວ້າມາປະກອບສ່ວນ ພັດທະນາບ້ານເມືອງເຮົາຕາມທີ່ໄດ້ໃຫ້ຄຳໝັ້ນສັນຍາກັບປະຊາຊົນ. __________________

Anonymous

Date: Aug 17, 2014

	Permalink
ຊົມເຊີຍ __________________

Page 1 of 1 sorted by

Create your own FREE Forum
Report Abuse