Pasalao

ເປັນຕາອັບອາຍປະເທດເພື່ອນບ້ານ ທີ່ພາກັນອອກອາກາດແຕ່ລາຍການຕາຍໆ ໂທລະພາບລາວສາມາດເບິ່ງຢູ່ໃສກະໄດ້ ອັນນີ້ຄວນລະວັງ ເພາະໂທລະພາບເປັນໃບຫນ້າຂອງປະເທດ. ຄົນລາວບໍ່ມັກເບິ່ງໂທລະພາບລາວ ກໍ່ຍ້ອນລາຍການບໍ່ເປັນຕາເຮືອດ ປານນັ້ນຍັງຕິປະຊາຊົນແນວນັ້ນແນວນີ້ວ່າເຂົາບໍ່ມີຄ່ານິຍົມຂອງຄວາມເປັນຊາດ ເວົ້າມາລະຍາກ ເພາະກະຊວງຖະແຫລງຂ່າວເຂົາກໍ່ພະຍາຍາມຫັນໄປສູ່ການເຮັດທຸລະກິດ ອັນໃດພໍຊິໄດ້ເຂົາເຮັດຫມົດ ນັບແຕ່ຕຶກອາຄານຕ່າງໆເຂົາກະຍັງຂາຍອອກຈົນຊິຫມົດຄືທ່ານວ່າ  ດຽວນີ້ບໍ່ມີແນວຊິຂາຍເຂົາກໍ່ຫາຊອກເງິນຄ່າຈ້າງລາວັນໃຫ້ຫມູ່ມາຈ້າງອອກອາກາດ ເງິນກໍ່ໄດ້ ພັນທະທີ່ຈະສ້າງລາຍການມາອອກອາກາດກໍ່ບໍ່ມີ, ສະບາຍ...

ຫຼ້າຫຼັງກ່ວານີ້ຄົງຈະບໍ່ມີອີກແລ້ວ!

ເລື່ອງໂລະພາບ!

Anonymous wrote:

ຂ້າພະເຈົ້າກໍ່ຫາກເບິ່ງໂທລະພາບລາວເປັນປະຈຳຢູ່ ທັງຫົກ ຊ່ອງຫັ້ນລະ, ພໍຂ້າເວລາ ເບິ່ງຍາມໃດກໍ່ຈົ່ມຍາມນັ້ນ ຍ້ອນລິລາການເວົ້າຂອງພິທີກອນ ນຳສັບຄຳເວົ້າທ່ີພວກເພິ່ນນຳມາໃຊ້ ຈົນເມັຽເວົ້າໃຫ້ພຸ້ນລະ ດ້ວຍຄວາມຫວັງດີ ຢາກໃຫ້ອົງກອນທ່ີກ່ຽວຂ້ອງມີການຄົ້ນຄວ້າ ອົບຮົມຜູ້ທ່ີຈະມາເປັນພິທີກອນນັ້ນແດ່ ຄວນມີກົດເກນຄັກແນ່ໃນການໃຊ້ສັບພາສາລາວ ແລະໃນເວລາໃດຈຶ່ງອະນຸຍາດ ໃຫ້ໃຊ້ສັບສາກົນໄດ້. ຈັດລາຍການທ່ີໃຫ້ຄວາມຮູ້ແກ່ປະຊາຊົນໃຫ້ຫລາຍ

ເຊັ່ນ: ການສຶກສາ :ການຮຽນການສອນ (ບໍ່ແມ່ນຂ່າວກ່ຽວກັບຂ່າວການສຶກສາ), ວິທະຍາສາດ, ການຮັກສາ ສຸຂະພາບ, ວິທີການດ້ານກະສິກຳ...ຜ່ານມາເຫັນວ່າຍັງມີໜ້ອຍ. ທຸກຊ່ອງແມ່ນມີລາຍການເພັງຫລາຍກວ່າລາຍການອື່ນ ໂດຍສະເພາະລາຍການເພງທ່ີຂໍມາທາງໂທລະສັບ (ທ່ີບັນດາພິທີກອນວ່າ ສາຍໜ້າໄມ) ຂ້າພະເຈົ້າແມ່ນອຶດອັດທ່ີສຸດ ຍ້ອນວ່າຜູ້ທ່ີໂທເຂົ້າມາຂໍເພງ ກໍພໍແລ້ວ

ເວົ້າງຶກໆງັກໆ (ສ່ວນຫລາຍຈະແມ່ນມາຈາກເຂດຫ່າງໄກ) ພິທີກອນກໍພໍແລ້ວ ສຸດທ້າຍວ່າແມ່ນສາຍຫລຸດ ໂອຍ ເບິ່ງເພິ່ນແລ້ວມາເບິ່ງຂອງບ້ານຕົນເອງ ສັງມາເປັນຕາອາຍແທ້ເດ. ອັນຄຳວ່າ "ຜົນງານເພງ..." ແຕ່ກ່ອນກໍ່ບໍເຄີຍໄດ້ຍິນ ປະຈຸບັນພິທີກອນທຸກຄົນແມ່ນພາກັນເວົ້າວ່າ ຜົນງານເພງ...ເຊັ່ນວ່າ ຂໍມອບຜົນງານເພງ ເອີ້ນອ້າຍໃສ່ໝໍ້ໜື້ງ ຫລືອື່ນໆ ຂ້າພະເຈົ້າວ່າເພື່ອປະຍັດເວລາ ໃຊ້ ຂໍມອບເພງ ເອີ້ນອ້າຍ... ກໍພໍແລ້ວ ບໍ່ຈຳເປັນເວົ້າຜົນງານເພງ... ມັນຄືບໍ່ເໝາະສົມປານໃດທ່ີຈະເອົາຄຳວ່າຜົນງານມາໃຊ້ກັບເພງ ໃຊ້ກັບວຽກງານອື່ນຈະເໝາະກວ່າ  ບໍ່ແມ່ນຂ້າພະເຈົ້າຊອມຈັບຜິດແນວເລັກໆນ້ອຍໆ ດອກ      ອັນນີ້ແມ່ນແນວຄິດສ່ວນຕົວດອກ ຜິດພາດຂໍອາໄພມາພ້ອມນີ້, ດ້ວຍຄວາມຈິງໃຈ

Anonymous wrote:

---

 

 

ໃນປະຈຸບັນໂທລະພາບລາວໄດ້ເປີດໃຫ້ບັນດາສໍານັກງານ ສະຖາບັນຕ່ງໆທັງພາກລັດແລະເກະຊົນ ສາມາດຈັດລາຍການຂອງຕົນອອກອາກາດເັຊັ່ນ:

ລາຍການຕໍາຫລວດ, ລາຍການທະຫານ, ລາຍການກະຊວງຂົວທາງ, ລາຍການກະຊວງການຄ້າ...ລາຍການໂຮງຮຽນລັດຕະນະບໍລິຫານທຸລະກິດ ແລະອື່ນໆ. ທາງດ້ານຫລັກການຂ້ພະເຈົ້າເຫັນວ່າດີ ແຕ່ທາງດ້ານການຈັດຕັ້ງປະຕິບັດເຫັນວ່າ ລາຍການທີ່ນໍາອອກແມ່ນເປັກລັກສະນະສະໝັກຫລີ້ນ ແລະກັບໄປສູ່ຈຸດເລີ່ມຕົ້ນພັດທະນາ ແລະທີ່ສໍາຄັນທຸກໆລາຍການມີລກສະນະດຽວກັນເຊັ່ນ: ອອກຂ່າວກອງປະຊຸມ ແລະເປີດເພງໃຫ້ກນຟັງ ຊ່ງໂດຍລວມແລ້ວ ໂທລະພາບລາວໄດ້ກາຍເປັນສະຖານີໂທລະພາບຂອງຄົນບໍ່ມີລະດັບ! ເປັນຫຍັງໂທລະພາບລາວບໍ່ມີຫົວຄິດປະດີດສ້າງຢາກພັດທະນາດ້ວຍຕົນເອງ? ເປັນຫຍັງຕ້ອງປ່ອຍໃຫ້ບັນດາກະຊວງ ແລະຂແຫນງການເອະຊົນນໍາໃຊ້ສະຖານີໂທລະພາບເປັນບ່ອນຮຽນອອກລາຍການໂທລະພາບ! ໂທລະພາບລາວພັດທະນາໄດ້ພຽງທໍ່ນີ້ບໍ?ນອກຈາກນັ້ນຍັງໃຊ້ກ້ອງໂທລະພາບບໍ່ແຈ້ງມາຖ່າຍ (ຂໍກ້ອງເກົ່າຫວຽມນາມມາໃຊ້)  ຕິບໍ່ມີເງິນແລ້ວເງິນຂາຍດິນແລະຕຶກອາຄານຕ່າງໆມັນໄປໃສຫມົດ? ເຊັ່ນ: ເງິນຂາຍທໍພິພິດຕະພັນແຫ່ງຊາດ, ຂາຍຫໍສະຫນຸດແຫ່ງຊາດ,ຂາຍຕຶດອົງການທ່ອງທ່ຽວ, ຕຶກຫນັງສືພິມພາສາຕ່າງປະເທດ, ຕຶກຫ້ອງແຖວໃນເມືອງ ແລະອື່ນທີ່ຂື້ນກັບກະຊວງຖະແຫລງຂ່າວ

---

 ກະເຮັດວຽກຕາມຄຳຊີ້ນຳຂອງກະຊວງຖະແຫຼງຂ່າວ ແລະຜູ້ໃຫຍ່ໃນວົງການພາເຮັດ ... ເປີດໂທລະພາບລາວຂຶ້ນມາຕ້ອງໄດ້ເຫັນກອງປະຊຸມ  ຫາກບໍ່ແມ່ນກອງປະຊຸມດອກ ເພາະກອງປະຊຸມຈະມີການອອກຄຳເຫັນ ກ່ຽວກັບບັນຫາທີ່ເລືອກໃຫ້ມາສົນທະນາ ແລ້ວສະຫຼຸບຜົນໃນທີ່ປະຊຸຸມ  ບໍ່ແມ່ນມານັ່ງຟັງຜູ້ດຽວເວົ້າ ໃຫ້ເອັ້ນວ່າການຟັງການບັນຍາຍໜ້າຈະຖືກກວ່າ ...ມານັ່ງຟັງກັນແບບນີ້ທຸກມື້ ທ່ານກະວ່າມັນສິມີຄວາມຈະເລີນຢູ່ບໍ??? ແນວວ່າບໍ່ເຮັດຫຍັງ ... ແຕ່ຄາວຂ້ອຍເປັນພະນັກງານຂອງອົງການໜຶ່ງທີ່ພົວພັນກັບການຮ່ວມມືນຳປະເທດໂຊວຽດ  ໄດ້ມີຊ່ຽວຊານຜູ້ໜຶ່ງລົງຈາກລົດ ແລະຍ່າງເຂົ້າມາຫາຂ້ອຍດ້ວຍຄວາມຟ້າວຝັ່ງ ແລ້ວກະຖາມຂ້ອຍວ່າຢາກພົບທ່ານຫົວໜ້າ ຂ້ອຍກະຕອບເປັນພາສາລັດເຊັຽ ແບບປູປູ ປາປາ : " ວ່າຄາປະຊຸມ " ໍ່ຊຽວຊານກະຈົ່ມພຶ່ມພ່ຳ ແລ້ວກະກົບໄປຫາລົດແລ້ວແລ່ງອອກໄປຢ່າງແຮງ ... ອີກປະມານ 20 ນາທີເພິ່ນກະກັບມາອີກທັງຟ້າວທັງຝັ່ງ ກະມາຖາມຂ້ອຍອີກ ...ຂ້ອຍກະວ່າຍັງບໍ່ທັນເລີກປະຊຸມ ຊ່ຽວຊານໂມໂຫ ດ່າອອກມາກັບບ່ອນ ວ່າ :" [ບແລດ ! ຄູຍໂຢ ! ...ມື້ໜ້າກູສິສັ່ງໃຫ້ເຂົາຜະລິດເຫຼັກຮອງກົ້ນໂສ້ງພວກນີ້ກ່ອນ ! ຢ້ານກົ້ນໂສ້ງເຂົາເປື່ອຍຍ້ອນນັ່ງປະຊຸມ...ໂອຍ ! ຈັ່ງແມ່ນມັນດ່າຄັກ !

---