ເລັ່ງກວດກາພະນັກງານທະນາຄານບາງແຫ່ງຮຽກເປີເຊັນນຳລູກຄ້າ ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ ໄດ້ໃຫ້ສຳພາດຕໍ່ສື່ເມື່ອບໍ່ດົນນີ້ວ່າ: ພາຍຫລັງມີປະ ຊາຊົນໄດ້ສະເໜີຕໍ່ສະພາແຫ່ງຊາດວ່າມີພະນັກງານສິນເຊື່ອທະນາຄານຂອງລັດບາງແຫ່ງມີພຶດ ຕິກຳບໍ່ເໝາະສົມໃນການບໍລິ ການລູກຄ້າໂດຍສະເພາະການກູ້ຢືມເງິນຕ້ອງໄດ້ເສຍຄ່ານາຍໜ້າ ຫລື ເປີເຊັນປະ ມານ 1-2% ຂອງວົງເງິນກູ້ ເຊິ່ງບັນຫາດັ່ງກ່າວ ຄະນະນຳທະນາຄານແຫ່ງ ສປປ ລາວ ໄດ້ມອບໃຫ້ຄະນະຜູ້ບໍລິຫານຂອງບັນດາທະນາຄານດຳເນີນການກວດກາພະນັກງານຂອງຕົນຄືນ, ຖ້າຫາກພົບກໍລະນີຄືດັ່ງມີປະຊາຊົນມາຮ້ອງຮຽນແທ້ແມ່ນຕ້ອງປະຕິບັດລະບຽບວິໄນຢ່າງເຂັ້ມງວດຕາມລະ ບຽບທະນາຄານ ເນື່ອງຈາກວ່າບັນ ຫາດັ່ງກ່າວເປັນການກະທຳທີ່ສ້າງພາບພົດອັນບໍ່ດີເສຍຫາຍຕໍ່ອົງການ, ສ້າງພາລະລາຍຈ່າຍໃຫ້ລູກຄ້າສູງຂຶ້ນຕື່ມ ແລະ ກໍ່ໃຫ້ເກີດບັນຫາອັນບໍ່ດີຕໍ່ເສດຖະກິດຂອງປະເທດຕາມມາ. ທ່ານຮອງຜູ້ວ່າການທະນາ ຄານ ຍັງກ່າວວ່າ: ຕະຫລອດໄລ ຍະຜ່ານມາ, ທະນາຄານແຫ່ງ ສປປ ລາວ ໃນຖານະຜູ້ຄຸ້ມຄອງຄວາມໝັ້ນຄົງຂອງລະບົບທະ ນາຄານທຸລະກິດໃນ ສປປ ລາວ ໄດ້ເອົາໃຈໃສ່ແນະນຳຜູ້ບໍລິຫານທະນາຄານທຸລະກິດໃຫ້ຍົກສູງສະຕິປະຕິບັດກົດໝາຍ, ຮັກສາຄວາມໝັ້ນຄົງທີ່ທະນາຄານແຫ່ງ ສປປ ລາວ ວາງອອກຢ່າງເຄັ່ງຄັດ, ສ້າງ ແລະ ປັບປຸງພາບພົດຂອງອົງກອນໃຫ້ດີ ເພື່ອສ້າງຄວາມເຊື່ອໝັ້ນຂອງມະຫາຊົນ ແລະ ສ້າງຈັນຍາບັນໃຫ້ພະນັກ ງານຂອງທະນາຄານມີຄວາມຊື່ສັດ, ຮັກອົງກອນພ້ອມທັງເດັດ ຂາດເຂັ້ມງວດປະຕິບັດມາດຕະ ການຕໍ່ທະນາຄານທຸລະກິດທີ່ລະເມີດຕໍ່ລະບຽບກົດໝາຍ.
ຂອບໃຈຂ່າວຈາກ ລາວພັດທະນາ
ຖ້າພວກທ່ານຢາກແກ້ໄຂປັນຫາ ໄຫ້ໄດ້ແລະມິປະສິດທິພາບ ເປັນຫຍັງຈັ່ງເອົາຄົນໃນທະນາຄານກວດກາກັນເອງ ເປັນຫຍັງບໍຕັ້ງອົງກອນ ຫນຶ່ງຕ່າງຫາກແລະມອບອຳນາດພິເສດໃຫ້ ກວດສອບກວດກາ ໃຫ້ອຳນາດພວກກວດນີ້ສາມາດ ກວດສອບກວດກາໄດ້ ໂດຍບໍ່ຕ້ອງເກງກົວໄຜ ອອກກົດຫມາຍພິເສດຄຸ້ມຄອງ ດີກ່ອນຊິເສຍຫຍ້າປົກຂີ້ຫມາ ຄົນໂກງກະຍ້າຍຫນ້າທີ່ ຍ້າຍບອ່ນໃຫ້ກິນ,
ແລະ ເປີດບ່ອນຮ້ອງທຸກໃຫ້ປະຊາຊົນສາມາດຕຳນິສົ່ງຂ່າວ ທີ່ຕົນເອງຢາກນຳສະເຫນີ ທີ່ຕົນເອງໄດ້ຮັບຜົນກະທົບ ສົ່ງໃຫ້ຜູ້ຮັບຜິດຊອບເປັນຕົວແທນ ຂອງຊາວບ້ານກວດສອບກວດກາ ຮ້ອງຟ້ອງຕາງກະໄດ້ ຄັນເຮັດແທ້ທຳຈິງ ມັນກໍບໍ່ຍາກປານໄດດອກ ນອກຈາກຄົນເຮັດຫລອກຕາປະຊາຊົນ ແລະອົງກອນສາກົນ ຄັນເຮັດແທ້ທຳຈິງ ເອົາຄົນຜິດກະລົງໂທດ ອອກກົດຫມາຍໃຫ້ເຄັ່ງຄັດປະຕິບັດໄດ້ ບໍແມ່ນຄືປະຈຸບັນ ອອກກົດຫມາຍຄັນແມ່ນໄຜໂກງຮອບພັນລ້ານຈັ່ງມິໂທດປະຫານ ຄັນເຮັດແທ້ທຳຈິງໂກງສິບຊາວລ້ານກະປະຫານ ຖິ້ມໂລດຫນ້າ ຄົນໂກງມັນທຳລາຍຊາດ ທຳລາຍຄວາມເຊື້ອຖືຂອງພັກລັດ ທຳລາຍຊື່ສຽງປະເທດ. ອັນນິ້ເບິ່ງຄື ເວົ້າໄປແລ້ວກະແລ້ວ. ຮຽນນຳແດ່ສິງກະໂປເກົາຫລີໄຕ້ ຮຽນນຳແດ່ປະເທດທີ່ເຂົາເຮັດແທ້ທຳຈິງ.
ໂຄງການກໍ່ສ້າງເສັ້ນທາງຕ່າງໆບໍ່ແລ້ວກໍ້ຍ້ອນທະນາຄານສົມຮູ້ຮ່ວມຄິດນຳບໍລິສັດໂດຍການອອກບັນຊີເງີນຝາກປອມ ແລະອອກໃບຢັ້ງຢືນຄໍ້າປະກັນໃຫ້ບໍລິສັດເພື່ອເປັນເງື່ອນໄຂໃນການປະມູນໂຄງການສຸດທ້າຍບໍ່ມີເງີນເລີຍປະໂຄງການຮ້າງຄືທາງຫົວຂົວ ຫາ ນາຄວາຍ ໂຊກໃຫ່ຍ ຫາ ຫົວຂົວ ແລະ ທາງຮ່ອມຕ່າງໆ ສ່ວນ ທນຄ ແດກໄປແລ້ວ 5% ຂອງມູນຄ່າໂຄງການ
ສຸພາສິດບູຮານລາວເວົ້າວ່າ:
ເຮັດຕາງລີ້ ຂີ້ຕາງເຊົາ
ຖ້າເຮັດເອົາຈີງ ເອົາຈັງມັນກໍ່ເຫັນແນ່ນອນ ແຕ່ອັນນີ້ຈະຈີງປານໃດ?
ກວດໄປ ກວດມາກໍ່ສະລຸບວ່າ: ບໍ່ມີ, ອັນນັ້ນເປັນພຽງການໃສ່ຮ້າຍປ້າຍສີກັນຊື່ໆ
ຈົບ ຕົບມືຊົມເຊີຍ ເລີກປະຊຸມ
