ເຄີຍຖາມຜູ່ໃຫຍ່ຫຼາຍຄົນກ່ຽວກັບຄວາມໝາຍແລະການໃຊ້ຂອງຄຳວ່າຊ່ວງແລະແຂ່ງ
ແຕ່ກໍ່ຍັງບໍ່ທັນໄດ້ເຂົ້າໃຈແຈ້ງເທື່ອດອກ ພໍດີຄົນຂ້າງບ້ານຮ້ອງມາຖາມອາການຂອງ
ນ້ອງເຂີຍວ່າ "ບັກໂລ້ຊ່ວາງເຫຼົ້າແລ້ວບໍ?" ບໍ່ແນ່ໃຈວ່າສະກົດຖືກຫຼືບໍ່ເພາະບາງຄົນກໍ່
ບອກວ່າຕ້ອງສະກົດສ່ວາງ ຈຶ່ງໄດ້ເຂົ້າມາສຶກສາກັບບັນດາທ່ານ.
ຊ່ອຍອະທິບາຍໃຫ້ຮູ້ນຳແດ່ວ່າຊ່ວງມີຄວາມໝາຍແນວໃດ? ຊ່ວາງມີຄວາມໝາຍແນວໃດ?
ແລະສອງຄຳນີ້ມີວິທີໃຊ້ແນວໃດ?
ຂອບໃຈ ແລະຂໍອ່ວຍພອນໃຫ້ທຸກທ່ານໂຊກດີປີໃໝ່.
ຊ່ວງ = ແຂ່ງກັນ, ເສັງກັນ ຫຼື ຊີງກັນ.
ຕົວຢ່ງ: (ໄດ້ຍິນຂ່າວວ່າບຸນຊ່ວງເຮືອປີນີ້ທີ່ວັກຈັນຈະມີເຮືອອ້າຍນ້ອງຫວຽດນາມຮາໂນຍຈະເຂົ່າມາຮ່ວແຂ່ງຂັນນຳ)
ສ່ວາງ = ມາຍອອກແລ້ວ, ໄຄຂຶ້ນແລ້ວ, ຟື້ນແລ້ວ.
ຕົວຢ່າງ: (ໂອຍ! ມື້ຄືນນີ້ເມົາແຜ່ພະຄາວາເລີຍ ກ່ວາຈະສ່ວາງລຸກໄດ້ກໍເປັນມື້ພຸ້ນ)
ຊ່ວາງ = ສະກົດແບບນີ້ບໍ່ມີໃນພາສາລາວ.
ຂອບໃຈຫຼາຍໆທີ່ເຂົ້າມາອະທິບາຍ. ຖ້າຍັງບໍ່ທັນໄປຫຼິ້ນບຸນຫົດນ້ຳ
ກະລຸນາອະທິບາຍຄວາມໝາຍຂອງຄຳວ່າກວານແລະກວນໃຫ້ຮູ້
ອີກແດ່, ຂອບໃຈ.
Anonymous wrote:ຂອບໃຈຫຼາຍໆທີ່ເຂົ້າມາອະທິບາຍ. ຖ້າຍັງບໍ່ທັນໄປຫຼິ້ນບຸນຫົດນ້ຳກະລຸນາອະທິບາຍຄວາມໝາຍຂອງຄຳວ່າກວານແລະກວນໃຫ້ຮູ້ອີກແດ່, ຂອບໃຈ.
ກວານ = ໝາກຂາມກວານ, ນ້ຳອ້ອຍກວານ (ປະເພດຂອງຫວານ)
(ພາສາຂຽນ: ກວານ. ພາສາເວົ້າ: ກວນ)
ກວນ = ຕໍ່ແຫລ, ເກະກະ, ຊູຊີ, ຫີນະ, ທານັງ.
(ທັງພາສາເວົ້າແລະຂຽນ: ກວນ ອັນດຽວກັນ)
ຂອງແຖມ: ຂ້າມ ແລະ ຂ້ວາມ:
ໂດດຂ້າມຄັນນາ (ໃຊ້ ຂ້າມ ແຕ່ສິ່ງໃດເຮົາໂດດຂ້າມມັນໄດ້ເທົ່ານັ້ນ)
ລອຍຂ້ວາມນ້ຳງຶ່ມ ຫລື ຍ່າງຂ້ວາມນ້ຳງຶ່ມ (ໃຊ້ ຂ້ວາມ ແຕ່ສິ່ງໃດທີ່ເຮົາໂດດຂ້າມມັນບໍ່ໄດ້)
ພາສາເວົ້າກໍອອກສຽງ ຂ້າມ ນັ້ນແລ້ວ ແຕ່ພາສາຂຽນຕ້ອງຂຽນໃຫ້ຖືກປະໂຍກທີ່ເຮົາຂຽນ.
ຕົວຢ່າງທີ່ຂຽນຜິດ: ຂ້ອຍລອຍ ຂ້າມ ນ້ຳງຶ່ມ ====> ຂ້າມ=ຜິດ.
ສັບທີ່ຜັນສຽງຄ້າຍຄຽງກັນຂອງພາສາລາວມີຫລາຍທີ່ສຸດ ດັ່ງນັ້ນພາສາລາວເຮົາຈຶ່ງຈັດໃຫ້ມີ
ຢູ່ 2 ພາສາຄື: ພາສາຂຽນ ແລະ ພາສາເວົ້າ. ແຕ່ບໍ່ແມ່ນຈະປັກປ້ຳພາສາລາວຂອງ ສປປລ
ດອກ ທີ່ຈິງແລ້ວເກືອບບໍ່ມີ ພາສາຂຽນແລະພາສາເວົ້າເລີຍໃນຍຸກນີ້.
ທ່ານຊ່ອຍອະທິບາຍຫຼັກການໃຊ້ວັນນະຍຸດໃຫ້ຂ້ານ້ອຍຮູ້ແດ່, ຂອບໃຈ.
Anonymous wrote:ທ່ານຊ່ອຍອະທິບາຍຫຼັກການໃຊ້ວັນນະຍຸດໃຫ້ຂ້ານ້ອຍຮູ້ແດ່, ຂອບໃຈ.
ການໃຊ້ວັນນະຍຸດນັ້ນຕ້ອງວາງວັນນະຍຸດໄວ້ທີ່ເທິງສ່ວນທ້າຍຂອງພະຍັນຊະນະຕົ້ນພະຍາງສະເໝີ.
ຕົວຢ່າງທີ່ຖືກຕາມຫຼັກໄວຍະກອນ:
ກ້ອນ (ໂຕ ກ ເປັນພະຍັນຊະນະຕົ້ນພະຍາງ ໄມ້ໂທຕ້ອງຢູ່ເທິງສ່ວນທ້າຍຂອງໂຕ ກ້)
ເລື່ອຍ (ໂຕ ລ ເປັນພະຍັນຊະນະຕົ້ນພະຍາງ ໄມ້ເອກຕ້ອງຢູ່ເທິງສ່ວນທ້າຍຂອງໂຕ ລ ພ້ອມກັບ ສະລະ ່ີ່ )
ຕົວຢ່າງທີ່ບໍ່ຖືກຕາມຫຼັກໄວຍະກອນ:
ກອ້ນ ເລອື່ຍ = ຜິດ.
ສະລະ ແລະ ວັນນະຍຸດ ແມ່ນຈຳເປັນຕ້ອງວາງໄວ້ເທິງສ່ວນທ້າຍຂອງພະຍັນຊະນະຕົ້ນພະຍາງສະເໝີ.
ຂອບໃຈຫຼາຍທີ່ອະທິບາຍການວາງຕຳແໜ່ງວັນນະຍຸດ, ຕາມທີ່ສັງເກດຈາກເວັບສື່ມວນຊົນ
ຕ່າງໆຂອງຣັຖບານລາວ ບໍ່ຄ່ອຍເຫັນເພິ່ນໃຊ້ໄມ້ຕຣີແລະໄມ່ຈັດຕະວາ ຖາມນັກຮຽນທີ່ມາ
ສຶກສາຕໍ່ໃນສະຫະຣັຖຫລາຍຄົນເອີ້ນໄມ້ຕຣີວ່າໄມ້ຈຽງ ເອືີ້ນໄມ້ຈັດຕະວາວ່າໄມ້ຍີ່ ບາງຄົນ
ກໍ່ເອີ້ນວ່າໄມ້ສາມໄມ້ສີ່ ສ່ວນໄມ້ກາຣັນບໍ່ມີໃຜຮູ້ເລີຍ.
ຢາກຮູ້ວ່າ ໄມ້ຕຣີແລະໄມ້ຈັດຕະວາໃຊ້ໄດ້ແຕ່ກັບອັກສອນຕໍ່າແລະອັກສອນກາງເທົ່ານັ້ນບໍ?
ໃນກໍຣະນີຊື່ຫຼືຄຳສັບຕ່າງປະເທດທີ່ຂຶ້ນຕົ້ນດ້ວຍອັກສອນສູງ ຈະໃຊ້ໄມ້ຕຣີຫຼືໄມ້ຈັດຕະວາ
ເພື່ອຜັນສຽງໃຫ້ສູງຂຶ້ນຕື່ມອີກໄດ້ບໍ?
ຕົວຢ່າງ: ນາງລິຝຸ໋ນ, ທ້າວສຸ໊ງ,...
