Pasalao

ຄິດວ່າ ແມ່ນຜູ້ໂຊກດີແທ້ບໍ ຫລືຜູ້ທີ່ຖືກເລືອກ

http://www.kpl.net.la/lao/record/2012/October/30.10.2012/dnl%2010.htm

(ຂປລ): ໃນ​ຕອນ​ແລງ​ຂອງ​ວັນ​ທີ 30 ຕຸລາ 2012 ນີ້ ລາວ​ໂທລະ​ຄົມ ​ໄດ້​ມອບ​ລາງວັນ​ໃຫ້​​ລູກ​ຄ້າ​ຜູ້​ໂຊກ​ດີ​ ທີ່​ຖືກ​ລາງວັນ​ຈາກ​ການ​ຂູດ​ບັດ​ຕື່ມ​ເງິນ​ ໃນ​ໂຄງການ ”ຂູດບັດ​ຊິງ​ໂຊກ“ ຊຶ່ງພິທີ​ມອບ ລາງວັນ​ໄດ້​ຈັດ​ຂຶ້ນ​ທີ່ຮ້ານ​ວາງສະ​ແດງ​ສິນຄ້າ​ ຂອງ​ລາວ​ໂທລະ​ຄົມ​ ໃນ​ງານ​ບຸນຊ່ວງ​ເຮືອ​ທ່າ​ວັດ​ຈັນ​ນະຄອນຫລວງ​ວຽງ​ຈັນ. ​ລູກ​ຄ້າ​ຜູ້​ໂຊກ​ດີ ​ຊື່ ທ່ານ ສີທາ ດວງ​ມະນີ ຢູ່​ບ້ານ​ເມືອງ​ນ້ອຍ​ ເມືອງ​ໄຊ​ເສດ​ຖາ ນະ​ຄອນ​ຫລວງ​ວຽງ​ຈັນ,​ ເຈົ້າ​ຂອງ​ເບີ​ໂທລະສັບ​ໝາຍ​ເລກ :020 55070599 (​ເບີ M-phone) ໄດ້ຮັບລາງວັນ ເປັນລົດໃຫຍ່ TOYOTA Fortuner ຈຳນວນ 1 ຄັນ ຈາກການຂູດບັດຕື່ມເງິນລາຄາ 25,000 ກີບ ​ໃຫ້​ກຽດ​ມອບ​ໂດຍ ​ທ່ານ ທອງ​ໃສ ຊານໄຊ​ຍະ, ຜູ້​ອຳນວຍ​ການ​ໃຫຍ່​ລາວ​ໂທລະ​ຄົມ, ມີ ພະນັກງານທີ່ກ່ຽວຂ້ອງຂອງລາວໂທລະຄົມ ແລະ ສື່ມວນຊົນທຸກຂະແໜງການ ພ້ອມດ້ວຍບັນດາ ລູກຄ້າທີ່ມາທ່ຽວຢ້ຽມຊົມ Booth ຂອງລາວໂທລະຄົມ ເຂົ້າຮ່ວມ.

ສຳລັບລົດໃຫຍ່ TOYOTA Fortuner ທີ່ນຳມາມອບໃຫ້ລູກຄ້າໃນຄັ້ງນີ້ ເປັນຄັນທຳອິດ ແລະ ກໍເປັນລູກຄົນທຳອິດ ທີ່ໄດ້ຮັບລາງວັນລົດໃຫຍ່ ນັບແຕ່ເລີ່ມໂຄງການນີ້ມາ ແຕ່ວັນທີ 04 ກໍລະກົດ 2012 ຊຶ່ງເປັນລາງວັນໃຫຍ່ສຸດໃນໂຄງການນີ້ ສ່ວນລົດໃຫຍ່ TOYOTA Fortuner ອີກ 1 ຄັນ, ລົດ Hyundai Accent blue 02 ຄັນ ແລະ ລາງວັນອື່ນໆອີກ ຍັງລໍຖ້າຜູ້ເປັນເຈົ້າຂອງຢູ່.

ໂຄງການຂູດບັດຊິງໂຊກຂອງລາວໂທລະຄົມ ທີ່ເລີ່ມມາແຕ່ວັນທີ 25 ພະຈິກ 2011 ມີລາງວັນລວມທັງໝົດ 160.000 ກວ່າລາງວັນ ນັບແຕ່ເລີ່ມຕົ້ນໂຄງການນີ້ ມາເຖິງປັດຈຸ ບັນ ມີລູກຄ້າຖືກລາງວັນຈາກລາວໂທລະຄົມທົ່ວປະເທດ ລວມທັງໝົດ 43.111 ລາງວັນ ຂອງລາງວັນທັງໝົດ, ໃນນັ້ນນະຄອນຫລວງວຽງຈັນ 18.965 ລາງວັນ ເປັນລາງວັນລົດ ໃຫຍ່ TOYOTA Fortuner 1 ຄັນ, ລົກຈັກ Honda wave 100 ຈຳນວນ 49 ຄັນ, I-pad 40 ເຄື່ອງ, I-phone 43 ເຄື່ອງ, computer Laptop ແລະ Net book Samsung ຈຳນວນ 95 ເຄື່ອງ ແລະ ລາງວັນອື່ນໆ. ສ່ວນສາຂາ ແຂວງທົ່ວປະເທດ 24.146 ລາງວັນ ເປັນລາງວັນລົດຈັກ Honda wave 100 ຈຳນວນ 56 ຄັນ,I-pad 40 ເຄື່ອງ,computer Laptop ແລະ Net book Samsung ຈຳນວນ 70 ເຄື່ອງ ແລະ ລາງວັນອື່ນໆ./.