Pasalao

ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ເນັ້ນໃນກອງປະຊຸມແນະນຳການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມສົກປີ 2013-2014 ເມື່ອບໍ່ດົນນີ້ວ່າ:

ລັດຖະບານໄດ້ຕັດສິນໃຈຄັ້ງສຳຄັນໃນການແກ້ໄຂໜີ້ສິນໂຄງການລົງທຶນຂອງລັດທີ່ຄຸມເຄືອແກ່ຍາວມາເພື່ອຫລຸດຜ່ອນສະພາບເຄັ່ງຕຶງທາງດ້ານການເງິນ ແລະ ແກ້ໄຂບັນ

ຫາໃຫ້ຜູ້ຮັບເໝົາທີ່ຂາດເຂີນທຶນໝູນວຽນໃນການດຳເນີນທຸລະກິດ, ລັດຖະບານໄດ້ມອບໃຫ້ກະຊວງການເງິນຂຶ້ນແຜນຊຳລະຕາມງົບປະມານທີ່ຂຶ້ນໄວ້ ໂດຍແມ່ນກະຊວງແຜນການ ແລະ

ການລົງທຶນເປັນຜູ້ລົງນາມໜີ້ສິນສົ່ງໃຫ້ກະຊວງການເງິນ ແລະ ໃນຕໍ່ໜ້ານີ້ ເພື່ອບໍ່ໃຫ້ໜີສິນໃໝ່ເກີດຂຶ້ນຕື່ມຕ້ອງເປັນເຈົ້າການປະຕິບັດວິໄນແຜນການ-ການເງິນຢ່າງເຂັ້ມງວດ,

ເດັດຂາດບໍ່ໃຫ້ປະຕິບັດໂຄງການນອກການຮັບຮອງຂອງສະພາແຫ່ງຊາດ ແລະ ໂຄງການຂໍລົງທຶນກ່ອນ

ເຊິ່ງຖືເປັນຄວາມຜິດທາງວິໄນບໍລິຫານ, ເວັ້ນເສຍແຕ່ທຶນຊຳລະໂຄງການດັ່ງກ່າວບໍ່ໄດ້ນຳໃຊ້ທຶນຂອງລັດ.

ທ່ານນາຍົກລັດຖະມົນຕີ ກ່າວວ່າ: ປັດຈຸບັນ, ສະພາບໜີ້ສິນຂອງປະເທດເຮົາແມ່ນຢູ່ໃນລະດັບສູງ ແລະ ມີຄວາມສ່ຽງກໍ່ໃຫ້ເກີດວິກິດທາງດ້ານການເງິນ. ດັ່ງນັ້ນ ນັບແຕ່ສົກປີ 2013-2014 ເປັນຕົ້ນໄປ,

ລັດຖະບານຈະເຄັ່ງຄັດໃນການຈັດສັນການລົງທຶນໃຫ້ມີຈຸດສຸມ, ພ້ອມທັງເອົາໃຈໃສ່ກວດກາໂຄງການທີ່ເຫັນວ່າບໍ່ມີປະສິດທິຜົນ ແລະ ບໍ່ທັນຈຳເປັນເຊັ່ນ: ໂຈະໂຄງການກໍ່ສ້າງຫ້ອງການ ຫລື ສຳນັກງານອົງການໃໝ່ຂອງລັດ ແລະ

ໂຄງການທີ່ບໍ່ຮັບໃຊ້ໃຫ້ແກ່ການຜະລິດຕ່າງໆ.