Pasalao

ບໍ່ເຂົ້າໃຈ  ບໍ່ເຂົ້າໃຈ ແລະບໍ່ເຂົ້າໃຈ

ເປັນຫຍັງຕ້ອງມ້າງຖິ້ມ

ມັນກີດຂວາງ  ມັນສ້າງຄວາມເດືອດຮ້ອນໃຫ້ເບາະ ມີແລ້ວກະໃຊ້ໄປຕີ 

ຖ້າມັນບໍ່ສາມາດສນອງຄວາມຕ້ອງການຕາມສະພາບຄວາມຈະເຣີນຂອງບ້ານເມືອງໄດ້

ອາດຈະຈຳກັດນ້ຳໜັກຣົຖລົງ ໃຫ້ແຕ່ຣົຖຈັກ ຣົຖຖີບ ແລະຄົນຍ່າງຜ່ານຕໍ່ໄປ

ມັນຍັງມີປະໂຫຍດ  ຢ່າງໜ້ອຍກໍ່ມີຄຸນຄ່າທາງປະຫວັຕສາຕຣ໌ 

ແລະຄວາມຮູ້ສຶກຂອງຊາວບ້ານທີ່ລຶ້ງເຄີຍກັບມັນ

ຖ້າຢາກສ້າງໃໝ່ ຄວນຫາຈຸດສ້າງໃໝ່ 

ມີຫຼາຍໆຂົວບໍ່ດີຫວະ  ບໍ່ເຂົ້າໃຈ

Luffy ກະຣຸນາໄປເກືອແບ້ກ່ອນມາຄໍາເມັ້ນ. ໃຜເປັນຜູ່ອອກແບຂົວໃໝ່? ນັກວິສະວະກອນລາວເຮົານີ້ຫວາ?

ຫລືນັກວິສະວະກອນວຽດນາມ?

Anonymous wrote:

---

ຂພຈ ກໍ່ບໍ່ເຂົ້າໃຈຄືກັນເປັນຫຍັງຈື່ງມ້າງ ຄືບໍ່ຮັກສາໄວ້ເປັນຮ່ອງຮອຍ

ຕົວເມືອງເກົ່າ? ຢູ່ຫລວງພຣະບາງ ເພີ່ນກໍ່ຍັງຮັກສາໄວ້, ແມ່ນແຕ່ຢູ່

ຫີນເຫີບທາງໄປວັງວຽງ ເພີ່ນກໍ່ຮັກສາໄວ້. ທີ່ຈີງແລ້ວຢູ່ປາກເຊກໍ່ມີຂົວ

ທີ່ກໍ່ສ້າງໃໝ່ຢູ່ແລ້ວ ບໍ່ໄດ້ມີບັນຫາສຳລັບໃຫ້ລົດໜັກຜ່ານຢູ່ແລ້ວ, ອັນນີ້

ແມ່ນຫາວຽກໃຫ້ກັນເຮັດຊື່ໆດອກ

ຢູ່ທີ່ຕັ້ງຂົວເກົ່ານີ້ ມັນເປັນເຂດໃຈກາງເມືອງ ຈະໃຫ້ລົດໜັກແລ່ນເຂົ້າໃນເມືອງ

ຊັ້ນບໍ່?, ຖ້າວ່າມີຄວາມຈຳເປັນ ວ່າການສັນຈອນແອອັດ ກໍ່ສ້າງຂົວເພີ່ມອີກ

1 ເລນ ຮຽງຂ້າງອັນເກົ່ານັ້ນກໍ່ພຽງພໍແລ້ວ

---

 ລາວຈຳປາສັກ

ໂອຍ ຂໍນຳແດ່ທ້ອນ ຂໍເອົາໄວ້ເປັນປະຫວັດສາດແດ່ທ້ອນ 

ດຽວນີ້ພວກທ່ານບໍ່ເຫັນຄຸນຄ່າຂອງມັນ  ບາດປະເທດເຂົ້າກຸ່ມເອຊຽນ ຕໍ່ໜ້າມັນຈະມີຄຸນຄ່າທາງປະຫວັດສາດການທ່ອງທ່ຽວຫລາຍເດີຫລາຍເດີ

ເບີ່ງປະເທດໄກ້ຄຽງເຮົາແມ້  ອັນໃດເປັນຂອງເກົ່າສະໄໝ່ຢີ່ປຸ່ນເຂົ້າມາ ເຫລືອແຕ່ຊາກຮ້າງໆເພີ່ນກໍຍັງປັບແຕ່ງໃຫ້ມັນຄົບຖ້ວນ ເພື່ອໃຊ້ເປັນແຫລ່ງໂຄສະນາການທ່ອງທຽວ

ສ້າງໂຕໃໝ່ຄຽງຄູ່ກັນໄປກໍໄດ້ ໂຕນີ້ເອົາໄວ້ໃຫ້ຄົນຂ້າມ ລົດຖີບ ລົດຈັດ ລົດຕຸກໆ ລົດຈຳໂບ້ຂ້າມກໍໄດ້

ອັນຫົວໜ້າພະແນກທ່ອງທ່ຽວແຂວງຈຳປາສັກກໍໃຫ້ສະເໜີເພີ່ນເອົາໄວ້ແດ່

ຂອບໃຈ

  2 ເລນກະດີກ່ວາ ເລນດຽວ 

Anonymous wrote:

---

Anonymous wrote:

---

ຂ້ອຍຄິດວ່າໂຄງການນີ້ຄົງຜ່ານການລົງຄະແນນສຽງຈາກໝູ່ປະຊາຊົນ

ແຂວງຈຳປາສັກແລ້ວລະເພິ່ນຈຶ່ງໄດ້ງົບ.

ພັກນຳພາ ລັດຄຸ້ມຄອງ ປະຊາຊົນເປັນເຈົ້າ !

---

 ຍ້ອນການສຶກສາຕ່ຳຍັງເຮັດຊາວບ້ານບໍ່ມີຄວາມຄຶດທັນສມັຍແລະກວ້າງໄກ

ເຈົ້ານາຍເພິ່ນເວົ້າຫຍັງກໍ່ໄດ້ເວົ້າຕາມ  ເພິ່ນອ້າງຫຍັງມາກໍ່ເຫັນດີຕາມ

ຄົນລາວບໍ່ມັກຄຶດຫຼາຍ  ບໍ່ມັກຄຶດເລິກ ບໍ່ມັກພິຈາຣະນາ 

ເລີຍເຮັດໃຫ້ຄຳຊັກຊວນໂນ້ມນ້າວແນວຄຶດໄດ້ງ່າຍ

ເມືອງລາວຍັງຂາດໜ່ວຍງານອິສຣະທີ່ເຮັດວຽກປະເມີນ ກວດສອບວຽກການຂອງຣັຖ

ຫຼືຊົມຣົມອະນຸຮັກສ໌ນິຍົມ  ຊົມຣົມປະຊາເພື່ອປະຊາທີ່ມີແນວຄຶດຂອງໂຕເອງ

ຊົມຣົມສາມາດຊີ້ທາງໃຫ້ຊາວບ້ານໄດ້ເຫັນຂໍ້ດີຂໍ້ເສັຽ ເຫັນອີກດ້ານຂອງປັນຫາ

ດັ່ງນັ້ນ  ປະຊາມະຕິຢ່າງທຸກມື້ນີ້ບາງເທື່ອຈຶ່ງເປັນປະຊາມະຕິທີ່ບໍ່ສົມບູນໃນຫຼັກທິສດີ

 ເວົ້າໄປກໍ່ທໍ່ນັ້ນ  ຜູ້ຂ້າກະໄດ້ແຕ່ເສັຽດາຍແທນຊາວປາກເຊທໍ່ນັ້ນ 

---

 ຂ້ພະເຈົ້າຄິດວ່າເພີ່ນຄົງຈະບໍ່ໄດ້ເຮັດປະຊາມະຕິປານນັ້ນດອກ

ລະບົບເມືອງລາວສ່ວນຫລາຍແມ່ນຂັ້ນເທີງຕັດສີນແລ້ວກໍ່ຈົບ

ອາດຈະຜ່ານກອງປະຊຸມໃນລະດັບການນຳເພີ່ນເທົ່ານັ້ນແລ້ວ.

ເຖີງວ່າເອົາມາຜ່ານ ປະຊາຊົນ ກໍ່ບໍ່ມີໃຜກ້າຂັດດອກ ກໍ່ມີແຕ່ວ່າ

ສຸດແລ້ວແຕ່ຂັ້ນເທີງ ກໍ່ແນວນັ້ນແລ້ວ.

ສົມບັດອັນນີ້ມັນບໍ່ແມ່ນແຕ່ຂອງຊາວເມືອງປາກເຊເດີ ມັນເປັນ

ຂອງ ປຊຊລ ທົ່ວປະເທດຫັ້ນແລ້ວ. ຂົວເຫລັກໃນຮູບຊົງຂອງຝຣັ່ງ

ນີ້ຫາຍາກແລ້ວໃນຢຸກນີ້ເຂົາບໍ່ຜະລິດອີກແລ້ວ, ພາກສ່ວນໂຍທາ

ເພີ່ນກໍ່ໜ້າຈະຮູ້ດີ ແມ່ນແຕ່ຂົວຂອງປະທານສຸພານຸວົງສ້າງຕາມ

ເສັ້ນທາງໂຮຈິມີນ (ເຂດແຂວງສາລະວັນ) ເປ່ເພໄປແລ້ວເພີ່ນກໍ່

ຍັງໃຫ້ຮັກສາໄວ້ ບໍ່ໃຫ້ຮື້ຖອນ

ຂົວຂ້າມແມ່ນ້ຳແຄວຂອງໄທຍ  ສ້າງໃນສົງຄາມໂລກເທື່ອທີ່ສອງ

ເປັນຂົວທີ່ມີປະຫວັດໂດ່ງດັງຈົນຮອລລີວຸດເອົາໄປສ້າງໜັງ  ເຮັດໃຫ້ຂົວມີຊື່ສຽງໄປທົ່ວໂລກ

ນັກທ່ອງທ່ຽວແຫ່ໄປເບິ່ງຂົວເກົ່າອາຍຸປະມານ70ປີນີ້  ປີລະຫຼາຍລ້ານຄົນ

ເຮັດໃຫ້ເມືອງການຈະນະບຸຣີມີຣາຍໄດ້ປີລະຫຼວງຫຼາຍ

ຂົວປາກເຊມີອາຍຸເກົ່າກວ່າ  ເຖິງບໍ່ມີປະຫວັດສະເທືອນໃຈຄືຂອງເຂົາ

ແຕ່ມັນກໍ່ເປັນສິ່ງກໍ່ສ້າງທາງປະຫວັດສາສຕ໌ຄຽງຄູ່ກັບເມືອງປາກເຊ

ຖ້າຂ້ອຍເປັນທ້າວດາວເຮືອງເສດຖີເມືອງປາກເຊ 

ຂ້ອຍຈະຫາທາງຢຸດຢັ້ງການຮື້ມ້າງຂົວນີ້(ຈັກແມ່ນວ່າເລົາເອງບໍ່ເປັນຄົນສັ່ງມ້າງ)

ແລ້ວຄຶດຫາວິທີທາງເຮັດໃຫ້ຂົວນີ້ເປັນຈຸດທ່ອງທ່ຽວໃນເມືອງ(ຈະສ້າງເຫດການຂື້ນຫຼືເລົ່ານິທານຫຍັງກະວ່າກັນໄປ)

ໃນໂຕເມືອງປາກເຊແຮ່ງບໍ່ມີຫຍັງໃຫ້ນັກທ່ອງທ່ຽວໄດ້ທ່ຽວຊົມ  ນອກຈາກອອກໄປນອກເມືອງ

ເຮັດຫຍັງກະເຮັດທ້ອນ  ມີເງິນຫຼາຍເປັນພັນລ້ານດອນລາ

ຖອນຂົນໜ້າແຄ່ງຈັກສິບຊາວລ້ານບາທ  ມາສ້າງໜັງກ່ຽວກັບຄວາມຮັກທີ່ເປັນໂສກນາຕະກັມ

ທີ່ເກີດຂື້ນເທິງຂົວນີ້  ຖ້າບໍ່ມີໄອເດັຽ ບໍ່ມີພລັອດເຮື່ອງ  ຂ້ອຍຊິຊ່ອຍຄຶດໃຫ້ດອກ

ໃຜຮູ້ຈັກທ້າວດາວເຮືອງຊ່ອຍໄປບອກເລົາແດ່ເດິ

ນີ້ຄືຄວາມຄືບໜ້າ ຂອງການພັດທະນາ

ການກໍ່ສ້າງ ຂົວດອນໂຂງ...

ບໍລິສັດໃດຮັບເໝົາກໍ່ສ້າງ? ຄົງບໍ່ຫວິດບໍລິສັດກໍ່ສ້າງທີ່ມີສາຍສຳພັນກັບນາງດາວເຮືອງ.

Anonymous wrote:

---

ບໍລິສັດໃດຮັບເໝົາກໍ່ສ້າງ? ຄົງບໍ່ຫວິດບໍລິສັດກໍ່ສ້າງທີ່ມີສາຍສຳພັນກັບນາງດາວເຮືອງ.

---

 ຕາມທີ່ຮູ້ມາ ຖ້າບໍ່ແມ່ນກໍ່ຂໍອະໄພນຳ, ຜູ້ລົງທືນກໍ່ສ້າງແມ່ນ ບໍລິສັດ ລາວເວີລ (ເຈົ້າຂອງໂຮງແຮມຈຳປາສັກແກຣນ)

ແຕ່ເຂົາຈະຈ້າງຜູ້ໃດມາກໍ່ສ້າງຕໍ່ກໍ່ບໍ່ຮູ້.

ນີ້ລະຄືຜົນຮ້າຍຈາກການບໍ່ໄດ້ປະມູນຄັດເລືອກຜູ້ຮັບເໝົາທີ່ມີຄວາມສາມາດທາງດ້ານເຕັກນິກ ວິຊາການ

ບໍ່ມີການຈັດຈ້າງວິສະວະກອນທີ່ປືກສາທີ່ມີຄວາມຮູ້ ຄວາມສາມາດ ທີ່ຈະເຮັດວຽກລະດັບນີ້ໄດ້

ເຮັດວຽກຢູ່ກາງນ້ຳ ແລະ ໃນລະດູຝົນອີກ ແມ່ນໃຜຈັ່ງວ່າຊິເຮັດຄືວຽກກໍ່ສ້າງອາຄານຢູ່ເທີງໂຄກນີ້

ສະແດງວ່າບໍລິສັດຮັບເໝົາກໍ່ສ້າງນີ້ ບໍ່ມີຄວາມຮູ້ດ້ານເຕັກນິກການກໍ່ສ້າງຂົວຂ້າມນ້ຳ

ບໍ່ຮູ້ວາງແຜນດຳເນີນງານການກໍ່ສ້າງຕາມລຳດັບຂັ້ນຕອນ

ເຈົ້າຂອງໂຄງການກໍ່ບໍ່ສົນ ບໍ່ກ່ຽວເລີຍ ປ່ອຍຕາມໃຈຊ່າງບໍ່ມີການກວດກາເລີຍ

ຕາມທີ່ຮູ້ມາ ຖ້າບໍ່ແມ່ນກໍ່ຂໍອະໄພນຳ, ຜູ້ລົງທືນກໍ່ສ້າງແມ່ນ ບໍລິສັດ ລາວເວີລ (ເຈົ້າຂອງໂຮງແຮມຈຳປາສັກແກຣນ)

ແຕ່ເຂົາຈະຈ້າງຜູ້ໃດມາກໍ່ສ້າງຕໍ່ກໍ່ບໍ່ຮູ້.

"""""""""""""""""""""""""""""""""""""""""""""""""""""""""""""""""""""""

ໝາຍຄວາມວ່າຈັ່ງໃດ ຜູ້ລົງທຶນກໍ່ສ້າງ ?

ຂົວໃໝ່ນີ້ເປັນຂອງເອກກະຊົນເບາະ ເຮັດແລ້ວພວກມັນຈະເກັບເງິນຄ່າຜ່ານຕິ