Pasalao

ຂໍເລົ່າປະສົບການຮັກຄັ້ງແລກໃຫ້ຟັ່ງ:

ຂ້າພະເຈົ້າໃດ້ຮູ້ຈັກກັບຍີງຄົນຫນື່ງສະໃຫມ່ກຽມຢູ່ສູນຫລັກ2 ຊ້ວງປີ1988-1990. ຂ້າພະເຈົ້າເປັນນັກຮຽນທືນລັດຖະບານໃດ້ທືນໄປຮຽນຕໍ່ທີ່ປະເທດເຢຽລະມັນ, ແລ້ວກະໃດ້ມາຮູ້ຈັກກັບຍີງຄົນຫນື່ງຊື່ວ່າ ກຸ້ງ ບ້ານຢູ່ສີຖານ. ລາວເປັນຄົນຜີວຄ້ຳ, ຕາຄົມ, ອວບນ້ອຍຫນື່ງ. ຮູ້ຈັກລາວຜ່ານຫມູ່ຂອງຂ້າພະເຈົ້າເອງ. ລາວກະກຽມພາສາຢູ່ນຳກັນນີ້ລະແຕ່ຄົນລະຫ້ອງ. ຫລັງຈາກຮູ້ຈັກກັນແລ້ວຂ້າພະເຈົ້າກະເລີ້ມຕິດຕໍ່ລາວເປັນປະຈຳໂດຍສະເພາະທາງໂທລະສັບ, ສະໃຫມ່ນັ້ນມືຖືບໍ່ມີມີແຕ່ຕັ້ງໂຕະ. ແຕ່ລະມື້ຫລັງຈາກເລີກຮຽນແລ້ວກະຈອບເບີ່ງວ່າລາວລົງມາແລ້ວບໍ່ເພາະຕ້ອງການຢາກຍ່າງເມືອສົ່ງລາວທີ່ບ້ານ. ບ້ານລາວກະຢູ່ໃກ້ໆກັບໂຮງຮຽນຫັ້ນ, ຂ້າມທາງກະຮອດແລ້ວ. ຫລັງຈາກຮອດບ້ານແລ້ວກະຕ້ອງໂທມາຫາລາວອີກເພາະເວລາຢູ່ຕໍ່ຫນ້າລາວບໍ່ກ້າລົມຫຍັງ, ເປັນຄົນຂີ້ອາຍ, ເວົ້າຫຍັງບໍ່ອອກເວລາຢູ່ຕໍ່ຫນ້າລາວ. ເຮົາກຽວສູນຢູ່ນຳກັນ2ປີ, ກອ່ນທີ່ຂ້າພະເຈົ້າຈະໄປເຢຽລະມັນ, ແຕ່ລາວບໍ່ໃດ້ໄປ, ມື້ສູ່ຂວັນກະໄປຮັບລາວມາບ້ານນຳ. ເມື່ອຮອດເຢຽລະມັນ, ຈມ ສະບັບທຳອິດແມ່ນສົ່ງຫາລາວກ່ອນຫມູ່ (ກ່ອນພໍ່ແມ່ອີກຊ້ຳ), ແຕ່ລະເດືອນຂຽນຈມຫາລາວຫລາຍສະບັບຍ້ອນຄວາມຄິດຮອດ, ສະໃຫມ່ນັ້ນມັນບໍ່ມີ email, facebook, skype or line as present. ບາງຄັ້ງກະໂທຫາລາວ ແລະຖ້າມີໃຜເມື່ອລາວກໍຈະຝາກເຄື່ອງເມື່ອໃຫ້ລາວເປັນປະຈຳ. ປີ 1992 ໃດ້ກັບມາຢາມບ້ານ, ຕື່ນມື້ເຊົ້າມາກະຂີ່ລົດຈັກໄປຫາລາວເລີຍຕອນນັ້ນລາວຮຽນຢູ່ປາກປາສັກ. ແຕ່ລະມື້ກະຄ່ອຍໄປສົ່ງລາວທຸກມື້ທັ້ງທີ່ບ້ານກັບໂຮງຮຽນລາວມັນໃກ້ໆກັນ. ແຕ່ມັນເປັນຄວາມສຸກຂອງຂ້າພະເຈົ້າທີ່ໃດ້ຢູ່ໃກ້ລາວຕອນນັ້ນເພາະຂ້າພະເຈົ້າມີເວລາພຽງ2ອາທິດເທົ່ານັ້ນໃນການມາຢາມບ້ານຄັ້ງນັ້ນ. ແຕ່ສີ່ງທີ່ເຮັດໃຫ້ຂ້າພະເຈົ້າບໍ່ວະບາຍໃຈກໍຄືໃດ້ຍີນນ້ອງສາວຂ້າພະເຈົ້າເວົ້າໃຫ້ຟັງວ່າ ລາວມີຜູ້ຊາຍມາທ່ຽວຮັບສົ່ງຕະຫລອດ. ກາງປີ1995 ຂ້າພະເຈົ້າກະຮຽນຈົບມາ, ແລະຕໍ່ມາກະໃດ້ຍີນຂ່າວເສົ້າສຳລັບຂ້າພະເຈົ້າວ່າລາວໃດ້ຫມັ້ນກັບບ່າວຄົນລາວຢູ່ເມືອງນອກແລ້ວ, ວັນນັ້ນລາວກະໂທມາຫາຂ້າພະເຈົ້າແລະເວົ້າເລື້ອງລາວຕ່າງໆໃຫ້ຟັງ, ແຕ່ກະຄືວ່າລະ ຂ້າພະເຈົ້າຮູ້ສືກວ່ານີ້ເປັນຄວາມອົກຫັກຄັ້ງແລກຂອງຂ້າພະເຈົ້າ. ປະຈຸບັນນີ້ ລາວແຕ່ງງານໃຫມ່ມີລູກແລ້ວ, ດົນໆລາວກະໂທມາຫລີ້ນນຳຢູ່.....