ໄດ້ຍິນຂ່າວວ່າທ່ານບຸນເຮືອງ ດວງພະຈັນ ໄດ້ຈັດກອງປະຊຸມປຶກສາຫາລືແລະກະກຽມກອງປະຊຸມລັດຖະມົນຕີ
ພັດທະນາຊົນນະບົດອາຊຽນຊຶ່ງຈະໄດ້ຈັດຂຶ້ນໃນປີ 2015 ເຊິ່ງມີເປົ້າໝາຍໃນການຍົກສູງຊີວິດການເປັນຢູ່ຂອງ
ປະຊາຊົນໃນເຂດຊົນນະບົດໃຫ້ມີການດໍາລົງຊີວິດແບບມີສະຫວັດດີພາບ ປາສະຈາກຄວາມທຸກຍາກອຶດຫິວ
ເພື່ອແນໃສ່ລົບລ້າງຄວາມແຕກໂຕນໃນບັນດາປະເທດສະມາຊິກອາຊຽນດ້ວຍກັນຕາມຄໍາສະເໜີຂອງທ່ານທອງສິງ
ທີ່ໄດ້ກ່າວໃນຫ້ອງສົນທະນາເສດຖະກິດໂລກທີ່ໄດ້ຈັດຂຶ້ນໃນປີ 2009 ທີ່ບາງກອກ ປະເທດໄທ.
ເປັນຫຍັງ ລັດຖະບານລາວຈຶ່ງໄດ້ມອບໃຫ້ກະຊວງກະສິກໍາ-ປ່າໄມ້ເປັນຜູ່ດໍາເນີນງານການພັດທະນາເພື່ອລົບລ້າງ
ຄວາມທຸກຍາກຂອງປະຊາຊົນໃນເຂດຊົນນະບົດ?
ສົງໃສຕ່າງປະເທດຢາກມາເບິ່ງ ແລະ ຖອດຖອນບົດຮຽນນຳກ່ຽວກັບວິທີ
ໄຊ້ກຳລັງທະຫານເຂົ້າຍຶດດິນປະຊາຊົນໄປໃຫ້ນາຍທຶນຕ່າງດ້າວ.
ທໍາມະດາ ຕັ້ງເຕົາຢູ່ບ້ານໃດເປືອງໄຟບ້ານນັ້ນ. ບັນດາປະເທດສະມາຊິກອາຊຽນຈະຊ່ອຍ
ຄົງຈະບໍ່ໄດ້ເອົາເງິນພາສີຂອງປະຊາຊົນໄປຈ່າຍຫລາຍເທົ່າໃດດອກ.
ຕາຍ! ລັດຖະບານສິບໍ່ໄດ້ລົງທຶນຊື້ລົດເບັນໄວ້ເປັນສິບຄັນອີກຫວາ?
ປຸກຫໍປະຊຸມໃໝ່ ສ້າງຫໍພັກຮັບແຂກບ້ານແຂກເມືອງໃໝ່ ຢ່າໃຫ້
ເສຍໜ້າປະເທດເຮົາເດີ້ທ່ານຜູ້ນຳ ອັນເລື່ອງທຶນເລື່ອງຮອນນັ້ນພໍ
ຢືມກໍຢືມຫະຢືມຮານໄປໂລດ ມີໄຊ້ກໍໄຊ້ໄປອັນໜີ້ນັ້ນ ບໍ່ມີກໍບໍ່ຕ້ອງ
ໄຊ້ ບອກເຈົ້າໜີ້ເຂົ້າມາຕັດເອົາໄມ້ໄປຄືເກົ່ານັ້ນໂລດ ປ່າໄມ້ຍັງເຫັນ
ເປັນຫຍ່ອມສອງຫຍ່ອມຢູ່ ແລະຜາທໍ້ໜໍ່ຄຳກໍຍັງຕັ້ງໂຈ້ໂກ້ຢູ່ເຖິງວ່າ
ບໍ່ເຊໂປນແລະພູເບ້ຍເຫືອດແຫ້ງໄປແລ້ວກໍດີ. ເຂື້ອນໄຟຟ້າສົ່ງໄຟ
ໄປຂາຍໃຫ້ຕ່າງປະເທດກໍຍັງມີຢູ່ຕັ້ງ 30 ກ່ວາແຫ່ງ ຈັກໜ້ອຍເຂື່ອນ
ຜາມອງນ້ຳຂອງສ້າງແລ້ວກໍຈະ ເຢັນສະບາຍເຢັນສະບາຍຊາວລາວ
ແຕ່ ຢ່າຮ້ອນຈະຕາຍຮ້ອນຈະຕາຍຊາວລາວ ຕອນກັບໄປຊື້ໄຟຟ້າ
ທີ່ຜະຫລິດໃນປະເທດຕົນເອງຈາກປະເທດໄທແລະວຽດນາມຄືນເດີ້.
Anonymous wrote:ທໍາມະດາ ຕັ້ງເຕົາຢູ່ບ້ານໃດເປືອງໄຟບ້ານນັ້ນ. ບັນດາປະເທດສະມາຊິກອາຊຽນຈະຊ່ອຍຄົງຈະບໍ່ໄດ້ເອົາເງິນພາສີຂອງປະຊາຊົນໄປຈ່າຍຫລາຍເທົ່າໃດດອກ.
ຈັດກອງປະຊຸມທຸກຄັ້ງ ກໍມີການຊ່ວຍເຫຼືອຈາກຕ່າງປະເທດ ແຕ່ບໍ່ຮູ້ວ່າເງິນທີ່ຊ່ວຍນັ້ນໄປຢູ່ໃສໝົດ ຊ້ຳບໍ່ພໍຍັງໄປຕິດໜີ້ຕື່ມ! ການຈັດກອງປະຊຸມຊ່ວຍຊຸກຍູ້ການຜະລິດພາຍໃນ ມັນກະຫາກແມ່ນ, ແຕ່ຖ້າຫາກໄປເພີ່ມໜີ້ສິນໃຫ້ປະເທດຊາດແລ້ວ ເພິ່ນຈັດເຮັດຫຍັງ ?? ນອກຈາກເພິ່ນຈັດໃຫ້ພວກພ້ອງເພິ່ນໃຫ້ມີໂອກາດຊີ້ລົດໃໝ່, ສ້າງເຮືອນລາຄາສູງ ແລ້ວ ມາຂາຍຫຼຸດລາຄາ ເຮັດໃຫ້ລັດຖະບານ ເສັຽຜົນປະໂຫຍດ, ເສັຽເງິນຄຳ ໂດຍເປົ່າປະໂຫຍດ ! ທ້າຍສຸດກໍແມ່ນພະນັກງານ, ປະຊາຊົນເປັນຜູ້ລຳບາກ !
