ກະຊວງພະລັງງານ ແລະ ບໍ່ແຮ່ລາວ,ຈະເລີ່ມການສຶກສາຄຸນປະໂຫຍດຈາກລົມ ແລະ ແສງຕາເວັນເພື່ອໃຫ້ກາຍມາເປັນພະ ລັງງານທົດແທນໃນຕໍ່ໜ້າ, ເຊິ່ງການສຶກ ສານີ້,ໄດ້ຮັບການຮ່ວມມືກັບບໍລິສັດຈາກ ສປ ຈີນ ແລະ ມີ ພິທີລົງນາມເຊັນສັນຍາ ໃນວັນທີ 13 ມັງກອນນີ້, ຢູ່ໂຮງແຮມລາວ ພາຊານະຄອນຫລວງວຽງຈັນ ລະຫວ່າງ ທ່ານ ຫັດສະດີ ສີສຸ ລາດ ຫົວໜ້າສະຖາບັນສົ່ງເສີມພະລັງງານທົດແທນ, ກະຊວງ ພະລັງງານ ແລະ ບໍ່ແຮ່ ແລະ ທ່ານ ດຣ ເຊັນກວນຟູ ຮອງປະ ທານບໍລິສັດໄຟຟ້ານ້ຳຕົກ ສປ ຈີນ.
ການສຶກສາດັ່ງກ່າວ ແມ່ນຈະໄດ້ມີການສຳຫລວດພື້ນທີ່ຕົວຈິງໃນຂອບເຂດທົ່ວປະເທດ ເພື່ອຊອກຫາຈຸດທີ່ເໝາະສົມໃນການພັດທະນາ ພະລັງງານລົມ ແລະ ແສງຕາເວັນ ໃຫ້ສາມາດເຊື່ອມຕໍ່ເຂົ້າກັບລະບົບຕາຂ່າຍໄຟຟ້າລາວ ແລະ ເມື່ອບໍ່ດົນມານີ້, ທີມ ຄົ້ນຄວ້າໄດ້ສຳເລັດການສຶກສາຄວາມເປັນໄປໄດ້ຢູ່ສອງຈຸດຄື: ຢູ່ເມືອງນອງ ແລະ ເມືອງ ຊົນບູລີ ແຂວງສະຫວັນນະເຂດ. ໂດຍ ການພັດທະນາພະລັງງານລົມ ແລະ ແສງຕາເວັນນີ້ ແມ່ນເລັ່ງໃສ່ຂະຫຍາຍລະບົບໄຟຟ້າແສງ ຕາເວັນຢູ່ເຂດຫ່າງໄກສອກ ຫລີກບ່ອນທີ່ຕາຂ່າຍໄຟຟ້າຂະຫຍາຍເຂົ້າບໍ່ເຖິງ.
ທ່ານ ຫົວໜ້າສະຖາບັນສົ່ງເສີມພະລັງງານທົດແທນ ກ່າວວ່າ: ສປປ ລາວ ມີທ່າແຮງດ້ານພະລັງງານລົມ ແລະ ແສງຕາ ເວັນ ໂດຍສະເພາະແມ່ນເຂດ ພາກໃຕ້, ແຕ່ໄລຍະຜ່ານມາການເຫັນຄວາມສຳຄັນໃນການພັດທະນາແຫລ່ງພະລັງງານທົດ ແທນຢູ່ປະເທດເຮົາແມ່ນມີໜ້ອຍເນື່ອງ ຈາກພວກເຮົາຍັງຂາດປັດໄຈໃນ ຫລາຍດ້ານເພື່ອສົ່ງເສີມວຽກ ງານດັ່ງກ່າວເປັນຕົ້ນ:, ບຸກຂະລະກອນ ແລະ ທຶນຮອນມີຈຳກັດ. ດັ່ງນັ້ນ ລັດຖະບານຈຶ່ງໄດ້ຮ່ວມມືກັບພາກເອກະຊົນໃນການພັດ ທະນາໂຄງການພະລັງງານທົດແທນ ເພື່ອໃຫ້ສາມາດເຊື່ອມຕໍ່ເຂົ້າກັບລະບົບຕາຂ່າຍໄຟຟ້າ ຫລື ປະສົມປະສານກັບການນຳໃຊ້ພະລັງງານອື່ນໆ.
Laopatthana
