ໄມ້ມະນີໂຄດສິ່ງສັກສິດຄູ່ບ້ານຄູ່ເມືອງໄດ້ຖືກປະດິດສະຖານໃນອູບແກ້ວພິເສດແຂວງຈຳປາສັກໄດ້ຈັດພິທີກຳທາງສາສະໜາ ເພື່ອເຊີນເອົາໄມ້ມະນີໂຄດ ເຊິ່ງເປັນສິ່ງສັກສິດຄູ່ບ້ານຄູ່ເມືອງຂອງລາວເຮົາ ຂຶ້ນປະດິດສະຖານໃນອູບແກ້ວແບບພິເສດ
ທີ່ມີມູນຄ່າ 1 ແສນໂດລາສະຫະລັດ.ພິທີດັ່ງກ່າວມີຂຶ້ນໃນວັນທີ 25 ຕຸລາ 2013 ນີ້ທີ່ແຫຼ່ງທ່ອງທ່ຽວນ້ຳຕົກຄອນພະເພັງ ເມືອງໂຂງ,ເຊິ່ງໃຫ້ກຽດເຂົ້າຮ່ວມຂອງທ່ານ
ດຣ ບຸນຖອງ ດິວິໄຊ ຮອງເຈົ້າແຂວງໆຈຳປາສັກ, ພຣະສົງ, ອຳນາດການປົກຄອງ ແລະ ຊາວພຸດຈຳນວນຫຼາຍ.
ພະອາຈານ ສຸວັນ ຈັນທະລາດ ປະທານອົງການພຸດທະສາສະໜາສຳພັນລາວແຂວງຈຳປາສັກໃຫ້ສຳພາດວ່າ:ເພື່ອເປັນການປົກປັກຮັກສາຕົ້ນໄມ້ມະນີໂຄດ ເຊິ່ງເປັນຕົ້ນໄມ້ສັກສິດ
ຄູ່ບ້ານຄູ່ເມືອງຂອງ ລາວເຮົາໃຫ້ຄົງຢູ່ຍາວນານເຖິງເຊັ່ນລູກເຊັ່ນຫຼານ ແລະ ເປັນບ່ອນສັກກາລະບູຊາຂອງຄົນລາວເຮົາ,ດັ່ງນັ້ນຄະນະກຳມະການກອບກູ້ຕົ້ນໄມ້ມະນີໂຄດຂັ້ນແຂວງ
ແລະ ເມືອງ,ຂະແໜງການທີ່ກ່ຽວຂ້ອງ ສົມທົບກັບພະສົງຈຶ່ງໄດ້ຈັດພິທີກຳທາງສາສະໜາ ດ້ວຍການໄຫວ້ພະ,ສູດປະລິຕະມຸງຄຸນ ເພື່ອເຊີນຕົ້ນໄມ້ມະນີໂຄດຂຶ້ນໄປປະດິດສະຖານ
ທີ່ອູບແກ້ວ ທີ່ສາມາດຮັກສາຕົ້ນໄມ້ດັ່ງກ່າວໃຫ້ປອດໄພ ແລະ ຈົບງາມ.
ທ່ານ ນາງ ສົມເລັດ ໂພສາລາດ ປະທານກຸ່ມບໍລິສັດຍິ່ງໂຊກໄຊໃຫ້ຮູ້ຕື່ມວ່າ: ອູບແກ້ວດັ່ງກ່າວແມ່ນສັ່ງຊື້ເປັນພິເສດຈາກປະເທດຈີນ ຊຶ່ງບໍ່ມີຂາຍໃນຕະຫຼາດທົ່ວໄປ, ເປັນອູບແກ້ວ
ທີ່ມີຄວາມໜາ 5 ຊັງຕີແມັດ, ເປັນແກ້ວລວງດຽວບໍ່ໄດ້ຕໍ່,ສາມາດກັນລູກປືນ,ມີລະບົບສູນຍາກາດເຊິ່ງເປັນລະບົບທີ່ສາມາດເກັບຮັກສາໄມ້ມະນີໂຄດໃຫ້ຄົງຢູ່ຍາວນານ.
ອູບແກ້ວດັ່ງກ່າວມີຄວາມກວ້າງ 2 ແມັດ,ຍາວ 8 ແມັດ ແລະ ສູງ 2,20 ແມັດ,ມີມູນຄ່າ 1 ແສນໂດລາສະຫະລັດ.
ທ່ານນາງສົມເລັດ ກ່າວຕື່ມອີກວ່າ : ສຳລັບວຽກງານການກໍ່ສ້າງຫໍປະດິດສະຖານໄມ້ມະນີໂຄດມາຮອດປັດຈຸບັນໄດ້ສຳເລັດແລ້ວ 95
%,ຍັງເຫຼືອພຽງແຕ່ວຽກງານຕົກແຕ່ງ,ປະດັບປະດາ,ເຊິ່ງເປັນວຽກງານລະອຽດອອ່ນ ແລະ ຄາດວ່າຈະສຳເລັດໃນທ້າຍເດືອນ ທັນວາ 2013 ນີ້./.
ເບິ່ງຄື ຕູ້ແກ້ວທໍາມະດາ ທໍາມະດາ ລາຄາຄືມາແພງແທ້ ?
ຕູ້ແກ້ວຫ່າອີ່ຫຍັງ 10,000 $ ກະຍັງແພງລະ
ບັກ luffy ຜີບ້າ, ເພີ່ນວ່າ 1 ແສນໂດລາ => $100,000...
ບໍ່ແມ່ນ $10,000 (ສິບພັນ)
ເບິ່ງຕູ້ດີໆຄືເຮັດຈາກແຜ່ນໄຟເບີ້ໃສທຳມະດາໆນີ່ຫຼະ ທີ່ເພິ່ນເອົາໄວ້ຕິດແປ້ນບານບ່ວງ(ແປ້ນບາດເກ້ດບອລ) ລາຄາບໍ່ນ່າສູງເຖິງແສນໂດລາ
$10,000 (ສິບພັນ) ຄືທ່ານluffyວ່າ ກະແພງເກິນແລ້ວ
ຕາມທັດສະນະຂ້ອຍ ບໍ່ໄດ້ຫມາຍຄວາມວ່າບໍ່ເຫັນດີ ຫຼື ລົບລູ່ຄວາມສັດທາຂອງຄົນອື່ນ ການທີ່ພາກັນຍົກຍໍໄມ້ມະນີໂຄດວ່າເປັນຕົ້ນໄມ້ສັກສິດ ແລະມີການຈັດກິດຈະກຳໃຫ່ຍໂຕມະໂຫຖານ ພ້ອມທັງໃຊ້ຈ່າຍງົບປະມານມະຫາສານນັ້ນ ໄດ້ມີການສຶກສາຂໍ້ມູນຄັກແນ່ແລ້ວບໍ່ ວ່າຜົນດີຜົນເສຍ ອັນໃດຫລາຍກ່ວາກັນ ມັນຊີ່ບໍ່ເປັນການຫລອກລວງປະຊາຊົນໃຫ້ເຊື່ອຖືງົມງວຍບໍ່ ພາກັນໄປເຄົາບູຊາຕົ້ນໄມ້ແທນທີ່ຈະອະທິບາຍຊີ້ແຈງຕາມຫຼັກວິທະຍາສາດ ແຕ່ກົງກັນຂ້າມ ຖ້າຫາກເຫັນວ່າຕົ້ນໄມ້ມະນີໂຄດເປັນຕົ້ນໄມ້ທີ່ຫາຍາກ ມີອັນແຕກຕ່າງຈາກຕົ້ນອື່ນ ແລະຕ້ອງການເກັບຮັກສາໄວ້ແມ່ນເຫັນດີເພາະຫລາຍໆປະເທດກໍ່ເຮັດຄືກັນແຕ່ເຮັດເປັນລັກສະນະການອານຸລັກ ເກັບຮັກສາໄວ້ ບໍ່ຄວນຈະຍົກຍໍແລະເກັບຮັກສາໂດຍອ້າງອີງແບບງົມງວຍ
ອີກປັນຫານຶ່ງເງີນທີ່ໃຊ້ຈ່າຍມະຫາສານອາດຈະນຳໄປຊ່ວຍເຫລືອປະຊາຊົນຜູ້ທຸກຍາກຈາກໄພພິບັດບໍ່ດີກ່ອນບໍ່
ຜິດພາດຂໍອະໄພ
ຊະນະໄພ wrote:ຕາມທັດສະນະຂ້ອຍ ບໍ່ໄດ້ຫມາຍຄວາມວ່າບໍ່ເຫັນດີ ຫຼື ລົບລູ່ຄວາມສັດທາຂອງຄົນອື່ນ ການທີ່ພາກັນຍົກຍໍໄມ້ມະນີໂຄດວ່າເປັນຕົ້ນໄມ້ສັກສິດ ແລະມີການຈັດກິດຈະກຳໃຫ່ຍໂຕມະໂຫຖານ ພ້ອມທັງໃຊ້ຈ່າຍງົບປະມານມະຫາສານນັ້ນ.......................................................ຜິດພາດຂໍອະໄພ
ຕາມທັດສະນະຂ້ອຍ ບໍ່ໄດ້ຫມາຍຄວາມວ່າບໍ່ເຫັນດີ ຫຼື ລົບລູ່ຄວາມສັດທາຂອງຄົນອື່ນ ການທີ່ພາກັນຍົກຍໍໄມ້ມະນີໂຄດວ່າເປັນຕົ້ນໄມ້ສັກສິດ ແລະມີການຈັດກິດຈະກຳໃຫ່ຍໂຕມະໂຫຖານ ພ້ອມທັງໃຊ້ຈ່າຍງົບປະມານມະຫາສານນັ້ນ
.......................................................ຜິດພາດຂໍອະໄພ
ເຂົ້າໃຈຢູ່ວ່າເຈົ້າເຊື່ອວິທະຍາສາດ ບໍ່ຄ່ອຍສະຫນັບສະຫນູນເລື່ອງຜີສາງ
ເຈົ້!ລອງຄິດເບິ່ງວ່າວິທະຍາສາດແມ່ນຫຍັງ.....ແນ່ນອນວິທະຍາສາດກໍ່ນິຍາມໂຕເອງຄືແມ່ນຫລັກເກນທີ່ເອົາມາອະທິບາຍປາກົດການຕ່າງໆແບບມີເຫດຜົນ
ແຕ່ເຈົ້!ມາຄິດເບິ່ງຕົວຈິງວ່າ ວິທະຍາສາດແມ່ນສິ່ງທີ່ມະນຸດໃຊ້ມາອະທິບາຍເຫດການຕ່າງໆທີ່ມະນຸດຮັບຮູ້ ເຊັ່ນ ໝາກແອັບເປິ້ນຕົກຈາກຕົ້ນມັນ ວິທະຍາສາດກໍ່ຫາວິທີມາອະທິບາຍໄດ້ກໍ່ຄືກົດການຕົກຕາມລຳພັງ
ສ່ວນຫລຸມດໍາມະນຸດບໍ່ເຫັນແຕ່ມະນຸດຮັບຮູ້ໄດ້ຈາກການເຄື່ອງທີ່ຂອງດວງດາວ
ແລ້ວເຈົ້າຫມັ້ນໃຈບໍລະວ່າມະນຸດ ທຸກຄົນສາມາດຮັບຮູ້ໄດ້ທຸກສິ່ງທຸກຢ່າງຈາກປາສາດສຳພັດທັງ 5 .ເລື່ອງວິນຍານ ຕາມທິດສະດີຂອງຜີ ຂອງຂ້ອຍແມ່ນ ດວງຈິດ ບໍ່ມີ ຮູບ ສີ ກິ່ນລົດ ທີ່ແນ່ນອນ ສະນັ້ນ
ມະນຸດບໍ່ສາມາດສຳພັດກັບຜີໄດ້ ໃນຍາມທີ່ຕ້ອງການທຸກຄັ້ງ .
ດຽວນີ້ອາເມກາມັນປະດິດເຄື່ອງທີ່ຈັບສັນຍານຄື້ນແມ່ຫລັກໄດ້ແລ້ວແປງເປັນຄຳເວົ້າ ເອີ້ນວ່າເຄື່ອງ EMF ເຮັດເວລາມັນສືບສວນເລື່ອງຜີບາງຄັ້ງຖ້າຜີມັນມີພະລັງສູງ(ສ່ວນຫລາຍແມ່ນຜີທີ່ທໍລະມານຈາກບາບ)
ເຮົາກໍ່ຈັບຄຳເວົ້າມັນໄດ້ ລອງເປີດກວ້າງ ແນວຄິດໂຕເອງເດີທ່ານ ຂ້ອຍກະເຄີຍບໍ່ເຊື່ອເລື່ອງຜີມາກ່ອນ ແຕ່ຍ້ອນຂ້ອຍຢາກຮູ້ວ່າມັນມີແທ້ຫລືບໍ່ມີ ກໍ່ເລີຍສຶກສາຈາກ internet ແລະວົງເບຍນີ້ລະ
ດຽວນີ້ເລີຍເຊື່ອ 99%
$100,000 ?... NO WAY !!!!...just for that glass ???
Maybe, there were something else included ???
ສົງໃສ ຕູ້ແກ້ວພິເສດ ກັນກະສຸນ ແລະ ບອກເລກອອກໄດ້
ຕູ້ແກ້ວ+ໄມ້ມະນີໂຄດ= 100,000 US$ ?
luffy wrote:ຊະນະໄພ wrote:ຕາມທັດສະນະຂ້ອຍ ບໍ່ໄດ້ຫມາຍຄວາມວ່າບໍ່ເຫັນດີ ຫຼື ລົບລູ່ຄວາມສັດທາຂອງຄົນອື່ນ ການທີ່ພາກັນຍົກຍໍໄມ້ມະນີໂຄດວ່າເປັນຕົ້ນໄມ້ສັກສິດ ແລະມີການຈັດກິດຈະກຳໃຫ່ຍໂຕມະໂຫຖານ ພ້ອມທັງໃຊ້ຈ່າຍງົບປະມານມະຫາສານນັ້ນ.......................................................ຜິດພາດຂໍອະໄພ ເຂົ້າໃຈຢູ່ວ່າເຈົ້າເຊື່ອວິທະຍາສາດ ບໍ່ຄ່ອຍສະຫນັບສະຫນູນເລື່ອງຜີສາງເຈົ້!ລອງຄິດເບິ່ງວ່າວິທະຍາສາດແມ່ນຫຍັງ.....ແນ່ນອນວິທະຍາສາດກໍ່ນິຍາມໂຕເອງຄືແມ່ນຫລັກເກນທີ່ເອົາມາອະທິບາຍປາກົດການຕ່າງໆແບບມີເຫດຜົນແຕ່ເຈົ້!ມາຄິດເບິ່ງຕົວຈິງວ່າ ວິທະຍາສາດແມ່ນສິ່ງທີ່ມະນຸດໃຊ້ມາອະທິບາຍເຫດການຕ່າງໆທີ່ມະນຸດຮັບຮູ້ ເຊັ່ນ ໝາກແອັບເປິ້ນຕົກຈາກຕົ້ນມັນ ວິທະຍາສາດກໍ່ຫາວິທີມາອະທິບາຍໄດ້ກໍ່ຄືກົດການຕົກຕາມລຳພັງສ່ວນຫລຸມດໍາມະນຸດບໍ່ເຫັນແຕ່ມະນຸດຮັບຮູ້ໄດ້ຈາກການເຄື່ອງທີ່ຂອງດວງດາວແລ້ວເຈົ້າຫມັ້ນໃຈບໍລະວ່າມະນຸດ ທຸກຄົນສາມາດຮັບຮູ້ໄດ້ທຸກສິ່ງທຸກຢ່າງຈາກປາສາດສຳພັດທັງ 5 .ເລື່ອງວິນຍານ ຕາມທິດສະດີຂອງຜີ ຂອງຂ້ອຍແມ່ນ ດວງຈິດ ບໍ່ມີ ຮູບ ສີ ກິ່ນລົດ ທີ່ແນ່ນອນ ສະນັ້ນມະນຸດບໍ່ສາມາດສຳພັດກັບຜີໄດ້ ໃນຍາມທີ່ຕ້ອງການທຸກຄັ້ງ .ດຽວນີ້ອາເມກາມັນປະດິດເຄື່ອງທີ່ຈັບສັນຍານຄື້ນແມ່ຫລັກໄດ້ແລ້ວແປງເປັນຄຳເວົ້າ ເອີ້ນວ່າເຄື່ອງ EMF ເຮັດເວລາມັນສືບສວນເລື່ອງຜີບາງຄັ້ງຖ້າຜີມັນມີພະລັງສູງ(ສ່ວນຫລາຍແມ່ນຜີທີ່ທໍລະມານຈາກບາບ)ເຮົາກໍ່ຈັບຄຳເວົ້າມັນໄດ້ ລອງເປີດກວ້າງ ແນວຄິດໂຕເອງເດີທ່ານ ຂ້ອຍກະເຄີຍບໍ່ເຊື່ອເລື່ອງຜີມາກ່ອນ ແຕ່ຍ້ອນຂ້ອຍຢາກຮູ້ວ່າມັນມີແທ້ຫລືບໍ່ມີ ກໍ່ເລີຍສຶກສາຈາກ internet ແລະວົງເບຍນີ້ລະດຽວນີ້ເລີຍເຊື່ອ 99%
ໃຜຊີ່ເຊື່ອຫຼືບໍ່ເຊື່ອບໍ່ແມ່ນປະເດັນ ແຕ່ການໃຊ້ງົບປະມານຫລວງຫລາຍໄປໃຊ້ຈ່າຍກັບຂອງແນວນີ້ໂດຍສະເພາະແມ່ນພາກລັດອອກຫນ້າອອກຕາເຮັດມັນບໍ່ຄັກ ແຕ່ວ່າຖ້າຫາກແມ່ນສັດທາຂອງປະຊາຊົນເຮັດເອງຂ້ອຍຄິດວ່າບໍ່ມີໃຜຕິດອກ
Anonymous wrote: ສົງໃສ ຕູ້ແກ້ວພິເສດ ກັນກະສຸນ ແລະ ບອກເລກອອກໄດ້
ໄມ້ມະນີໂຄດເປັນລຳ ພວກເຈົ້າວ່າມັນໜັກສຳໃດ ຕູ້ແກ້ວທຳມະດາ ຈະໃສ່ໄດ້ບໍ ໃຫ້ຄິດເບິ່ງ ຢ່າຄິດຄືເດັກນ້ອຍຫລາຍ
ຂ້ອຍວ່າເປັນຕູ້ແກ້ວທີ່ຜະລິດໃຫ້ແບບພິເສດແນ່ນອນ ແລະບໍ່ແມ່ນແຕ່ແກ້ວເທົ່ານັ້ນອາດລວມທັງຄ່າຂົນສົ່ງຫລື ເຄື່ອງປະກອບ ອີກຫລາຍຢ່າງ ແນວປ້ອງກັນໄພ ອີກລວມຢູ່ດ້ວຍ ຊາຂ້ອຍໄດ້ຍິນມາວ່າຊັ້ນ.
ບໍ່ແມ່ນ $10,000 (ສິບພັນ) 
