Pasalao

ຂ້ອຍກະຮູ້ວ່າມັນບໍ່ດີ ແຕ່ທຸກມື້ນີ້ຄົນສ່ວນຫລາຍໃນລາວຍັງກິນຢູ່ ໂດຍສະເພາະເຂດນອກ ຖ້າງານໃດບໍ່ມີລາບດິບເພິ່ນວ່າບໍ່ແຊບ

ຂອງສົດ ຂອງແຊບ ໃຜໆກໍກິນ

ຢູ່ຕ່າງປະເທດແຮ່ງຄັກ ແຕ່ຊີ້ນເຂົາປອດໃພດີກວ່າ

ສວ່ນລາວ ໂຮງຂ້າສັດ ຕອ້ງມີການກວກກາຊີ້ນແດ່ 

ບໍ່ແມ່ນວ່າ ຄອ້ນທັບຫົວປຸບ ແລວ້ປາດຊີ້ນມາກິນໂລດ

ເຫັນແຕ່ຮູບຍັງກືນນໍ້າລາຍຢາກ ຖ້າມີເຫຼົ້າເຣມີມາແຕັງວີແອສໂອພີລ່ອງຄໍຄົງຈະດີກວ່າເບັຽບັດໄວເອີ.

ຮ້ານອາຫານລາວຢູ່ຄຸ້ມບ້ານຂ້ອຍເຮັດແຕ່ມ່າບີເພາະທາງກົມອະນາໄມຫ້າມບໍ່ໃຫ້ຄົນງານໃນໂຮງຂ້າ

ສັດນໍາເອົາເພັ້ຽອອກນອກເຂດໂຮງຂ້າສັດຮວມທັງຕັບໄຕໃສ້ອ່ອນແລະເຄື່ອງໄນອື່ນໆ, ບີທີ່ເອົາມາແຊ່

ໃຫ້ກິນແມ່ນຊື້ມາແຕ່ຢູໂຣບທີ່ເຂົ້າຂ້ຽວມາຂາຍໃນຮູບປະພັນອື່ນ. ໂຮງຂ້າສັດບາງແຫ່ງກໍ່ບໍ່ອະນຸຍາດ

ໃຫ້ຂາຍງົວ ໝູ ແບ້ເປັນໂຕໃຫ້ລູກຄ້າຂ້າເອງເໝືອນຕອນຊາວປີກ່ອນ ບໍ່ສົນວ່າລູກຄ້າຄົນນັ້ທີ່ນຈະຖືສາດ

ສະໜາໃດເພື່ອຄວບຄຸມພະຍາດສັດບ້າບໍ່ໃຫ້ແຜ່ລາມໄປສູ່ມວນຊົນ.

ຄົນລາວບາງຄົນແງ້ນກິນຊີ້ນຍັດໂຜ່ນຕ້ອງໄດ້ຂັບຣົຖຂາມຣັຖເປັນເວລາ 5-6 ຊົ່ວໂມງໄປຂ້າງົວຢູ່ຣັຖທີ່

ກົດໝາຍບໍ່ຫ້າມ. ສ່ວນປາດິບທີ່ຊອຍຂາຍຢູ່ຮ້ານອາຫານຍີ່ປຸ່ນນັ້ນບໍ່ມີການຫ້າມປາມແຕ່ຢ່າງໃດ ອາດ

ຈະເປັນຍ້ອນຍີ່ປຸ່ນເປັນເຈົ້າໜີ້ອັນດັບສາມຫລືອາດຈະເປັນຍ້ອນຍີ່ປຸ່ນມີເຫຼົ້າຊາເກກິນແກ້ຄາວ !

ຖ້າລາວສົ່ງເຫຼົ້າເມືອງຄົງເຊໂດນມາຂາຍ, ບາງທີຄົນລາວອາດຈະໄດ້ກິນຕາມໃຈມັກ.

ຍ້ອນພະຍາດຫຼາຍຊະນິດບຽດບຽນ ຂ້ອຍກະເລີຍເຊົາກິນດິບ ແຕ່ສະໄໝເປັນບ່າວ ມີຜູ້ໃຫຍ່ເພິ່ນຊວນໄປຂ້າຄວາຍເພາະຂາດຜູ້ຊ່ວຍ ຕົນເອງກະບໍ່ເຄີຍເຫັນເຂົ້າຂ້າແບບໃດຈຶ່ງຕົກລົງໄປນຳພວກເພິ່ນ

ປະມານ 2 ໂມງເຄິ່ງ ຫຼື 3 ໂມງນີ້ລະ ພວກເຮົາມາຮອດບ່ອນມັດຄວາຍ ພໍມາຮອດເພັດຊະຄາດກໍປະຕິບັດໜ້າທີ່ຂອງເພິ່ນສຳເລັດ. ເມື່ອຄວາຍກຳລັງຕາຍຢູ່ນັ້ນເພິ່ນກະເອົາຄຸມາໂຕ່ງເອົາເລືອດ ສ່ວນຜູ້ລອກໜັງກໍແຫກໜັງດ້ວຍຄວາມຊຳນານ ຜູ້ລອກຂາຫຼັງປາດຊີ້ນຕ່ອນນຶ້່ງອອກມາຍຶ່ນໃຫ້ຜູ້ລອກໜັງຢູ່ທີ່ທ້ອງແລະເອິກ ຜູ້ກ່ຽວຈັບຕ່ອນຊີ້ນໄດ້ກໍເອົາມີດເຈາະໂຜ່ນແລະຍັດຊີ້ນເຂົ້າໃນໂຜ່ນນັ້ນໄວ້. ເມື່ອມາຮອດບັ້ນເອົາເຄື່ອງໃນອອກ ພວກເພິ່ນກໍປາດເອົາຕັບຊ່ຳສອງຝາມືຍື່ນໃຫ້ພໍ່ຄົວ ພໍ່ຄົວບໍ່ລັ່ງເລໃຈ ຊອຍຕັບດ້ວຍຄວາມໄວ ແລ້ວກະຍື່ນຕັບສົດໃຫ້ແຕ່ລະຄົນ ພ້ອມຫຍີ້ນເຫຼົ້າຂາວຈອກບັກໃຫຍ່ໃຫ້ແຕ່ລະຄົນ ຂ້ອຍເຂົາກະບໍ່ລະເວັ້ນ  ເອົາໂລດ ບັກຫຼ້າ ເພິ່ນວ່າ  ຄົວຜູ້ນັ້ນປາດເອົາຊີ້ນສັນໃນຕ່ອນບັກໃຫຍ່ມາວາງໄວ້ເທິງໜັງທີ່ເພິ່ນລອກອອກ  ສັງເກດຄັກໆ ລະແມ່ນເພິ່ນເອົາໜັງນັ້ນມາເຮັດຕາງຊາມເພາະມັນມີບ່ອນໜຶ່ງທີ່ຫຼຸບກ່ອນໝູ່ເພິ່ນກະເອົາຊີ້ນສັນມາຊອຍປົນກັບຕັບ ບຶດໜຶ່ງກໍມີຜູ້ຍື່ນໄສ້ອ່ອນມາໃຫ້ ພໍ່ຄົວກະບໍ່ເວົ້າຫຼາຍຄວາມ ຮີດເພັ້ຽຈາກໄສ້ລົງໃສ່ຊີ້ນທີ່ຊອຍໄວ້ທັນທີແລ້ວກໍເອົານ້ຳປາແດກກັບເຂົ້າຂົ້ວໂຮຍໃສ່ຊີ້ນ ແລ້ວກະຄົນເຂົ້າກັນລະອຽດ ແລ້ວກໍຈັບມາຊີມທັງຍົກໂປ້  ຄັກ ! ວ່າຊັ້ນ ບຶດໜຶ່ງຜູ້ຄົວໂຜ່ນກໍຍື່ນຊີ້ນທີ່ເອົາຍັດໄວ້ໃນໂຜ່ນນັ້ນມາໃຫ້ພ້ອມທັງສາມພັນຫຼືບ  ພໍ່ຄົວຈັບໄດ້ກະສັ່ນໆເອົາຫຍ້າທີ່ບໍ່ທັນລະລາຍເທື່ອນັ້ນອອກ ແລ້ວກະມາຊອຍໃສ່ ລາບທີ່ເພິ່ນປຸງຮຽບຮ້ອຍແລ້ວ ສ່ວນຊີ້ນຕ່ອນຍັດໂຜ່ນນັ້ນຊອຍຢາຍໃຫ້ທຸກຄົນພ້ອມດ້ວຍເຫຼົ້າຂາວຜູ້ລະເຄິ່ງຈອກກາເຟ  ມາເດີ ! ມາເດີ !ພໍ່ຄົວເອີ້ນ !  ໂອຍ ອັນພໍ່ຄົວນີ້ກະແມ່ນໄດ້ໃຈອີ່ຫຼີ !   ທຸກຄົນນັ່ງແຂົ້າອ້ອມ ຊາມລາບ ແລ້ວກະລົງມືກິນລາບດິບ ກັບເຂົ້າໜຽວເຢັນໆ. ດ້ວຍລິດຂອງເຫຼົ້າແດ່ ແລະດ້ວຍການອອກແຮງງານແດ່ຂ້ອຍເອງກໍຮູ້ສຶກຫິວເຂົ້າຂຶ້ນມາກັບທີ່ເລີຍ!  ບໍ່ຈື່ວ່າມີນ້ຳລ້າງມືຫຼືບໍ່ ອີອີອີ !!! ແຊບບໍ່ມີບ່ອນຕິ !  ອີ່ແມ່ເອີຍ ! ໄວປານຟ້າແລບ ບໍ່ພໍທໍ່ໃດນາທີ ຊີ້ນສັນນອກ ສັນໃນ ເຄື່ອງໃນໄສ້ເພັ້ຽຈັດເປັນລະບຽບ ທັງໝົດກິນເວລາປະມານ 1 ຊົ່ວໂມງພ້ອມທັງກິນເຂົ້າ ...

POODAM

ມາເດີຄົນລະຖ້ວຍ ສົດໆເລີຍໄດ໋

ຕັບຫວານແກ້ໜາວມາ

Anonymous wrote:

---

 

ມາເດີຄົນລະຖ້ວຍ ສົດໆເລີຍໄດ໋

---

ດິບໆເເດງໆແບບນີ້ກະພໍສິເປັນຕາແຊບນຳເເທ້!ສຳລັບຂ້ອຍຂໍໄຊ່ໝາກນາວຫຼາຍພິເສດເເນ່ເດີ.ເເຮະ ເເຮະໆໆໆ