Pasalao

Anonymous wrote:

---

Anonymous wrote:

---

Anonymous wrote:

---

ບັກຮູຂີ້ນິແມ່ນຫັຍງກໍ່ໄປຕີໃສ່ການເມືອງໝົດ ຄິດແຕ່ແນວບໍ່ດີ ໄປນົບຕີນ ສຸເທບ ເປັນຂ້ອຍມັນພຸ້ນ ບັກຄົນມັກເລື້ອງ

ແມ່ນຄວາມທ່ານ ເຫັນຄວາມຜິດຂອງຄົນອື່ນຄືມາໃຫຍ່ປານພູເຂົາເອົາແທ້ໆ

ຕາມສາຍຕາຂອງຜູ້ຂ້າແລ້ວສິ່ງທີ່ຜູ້ນຳລາວກໍ່ຄືປະຊາຊົນລາວເຮັດສິ່ງດີໆແນວນີ້ຂຶ້ນມາມັນລ້ວນແລ້ວແຕ່

ເປັນປະກົດການອັນໃໝ່ໆໃນໜ້າປະຫວັດສາດຂອງຊາດລາວທັງນັ້ນ!

ຫຼືວ່າແນວໃດກໍ່ຈະຕ້ອງຫວ່ານຂອງເໜົ່າຂອງເໝັນໄປໃສ່ຊາດຂອງຕົນເອງລູກດຽວ!

ຖ້າເປັນໄປໄດ້ເລື່ອງແນວນີ້ຄວນຫຼີກເວັ້ນແລະບໍ່ຄວນເອົາມາເປັນບັນຫາການເມືອງຖ້າຫາກນັບຖືສາສນາພຸດຄືກັນ.

 

---

 

---

ເຖິງຜູ້ໂຕໜັງສືສີຟ້າກ່ອນອື່ນຂໍຂອບໃຈທີ່ທ່ານມາມີຄວາມເຫັນປະກອບທີ່

ພົວພັນທາງອອ້ມກັບຄວາມເຫັນຂອງເຮົາເນາະ.ອີກເທື່ອນຶ່ງເຮົາຂໍນັບຖືສິດ

ເສລີພາບຂອງການອອກຄວາມເຫັນທີ່ເປັນເອກະລັກສເພາະຂອງທ່ານ .

ຈະໄປໃຫ້ຄົນນື່ງທີ່ຢູ່ໃນຈຸດຢືນ,ຄວາມເປັນຢູ່,ຖານະພາບ, ຜົນປະໂຫຍດ,

ສະພາບແວດລ້ອມຕ່າງກັນມາມີຄວາມເຫັນກົງກັນນັ້ນກໍ່ຄົງຍາກເໝືອນ

ກິ້ງຄົກຂື້ນພູ.ແຕ່ກໍບໍ່ໝາຍວ່າຈະເຮັດບໍ່ໄດ້, ແຕ່ຈຳເປັນຕ້ອງນຳໄຊ້ເທັກນິກ

ບາງຢ່າງເຂົ້າມາຊ່ວຍ.ເຊັ່ນດຽວກັນຂໍ້ຂັດແຍ່ງທາງຄວາມເຫັນລະຫວ່າງຄົນ

ລາວເວົ້າຮວມ,ເວົ້າສເພາະກະຄືທ່ານ ແລະ ອີກທ່ານທີ່ເອີ້ນເຮົາວ່າບັກຮູຂີ້.

ກະບໍ່ເປັນຫັຽງຄິດວ່າຮູຂີ້ຄົງມີປະໂຫຍດສຳລັບເຂົາເພາະຖ້າກິນແລ້ວບໍ່

ມີທາງລະບາຍສິ່ງທີ່ຮ່າງກາຍບໍ່ຕ້ອງການອອກໄດ້ກະຢ້ານໝໍນັ້ນສຸຂະພາບ

ຈະອອ່ນເພຍໄປເຖິງຂັ້ນເສຍໝູ່ເພື່ອນຮ່ວມຊາດທີ່ມີຄວາມຄິດຕ່າງ..

ແຕ່ເຮົາເອງບໍ່ໄດ້ຖືກວ່າເປັນສັດຕູຫຼືຄູ່ປໍລະປັກແຕ່ຢ່າງໃດ.ເຊັ່ນດຽວຫົວໂຄຍ

ກໍ່ຈະບໍ່ຂີ້ຊົ່ວໄປກວ່າຮູຂີ້.ຖ້າຂາດສິ່ງໃດນຶ່ງຂອງສິ່ງດັ່ງກ່າວໃນຮ່າງກາຍຂອງ

ຄົນກໍ່ຄິດວ່າຄົງບໍ່ມີມະນຸດສືບພັນໃນໂລກນີ້ແນ່ນອນ .

ທີ່ທ່ານວ່າ “ ຖ້າເປັນໄປໄດ້ເລື່ອງແນວນີ້ຄວນຫຼີກເວັ້ນແລະບໍ່ຄວນເອົາມາເປັນ

ບັນຫາການເມືອງຖ້າຫາກນັບຖືສາສນາພຸດຄືກັນ .”

ບໍ່ວ່າຕິທ່ານຊິບໍ່ໄດ້ອ່ານ ຫຼື ຮຽນພົງສະວະດານກ່ຽວກັບເຈົ້າຟ້າງຸ່ມ ກໍ່ ຄືເຈົ້າ

ອະນຸວົງ .ເຈົ້າຟ້າງຸ່ມສະໄໝເພິ່ນທ້ອນໂຮມຫົວເມືອງຕ່າງໆໃຫ້ເປັນເອກະພາບ

ແລະ ປົກຄອງເພິ່ນກໍ່ໄດ້ນຳເອົາສາດສະໜາພຸດ ແລະ ພະບາງມາຈາກຂະເໝັນ

ແມ່ນບໍ່? ຄົງບໍ່ປະຕິດເສດວ່າມັນກ່ຽວພັນກັນ.ແມ່ນແຕ່ເວລາປະກາດຢຶດ

ອຳນາດກ່ອນຈະກາຍມາເປັນ ສປປ.ລາວ ກໍ່ມີພະມະຫາວິຈິດ ໃນນາມຝ່າຍ

ສົງນັ່ງຢູ່ເທິງຫໍພິທີຖ້າມກາງເຈົ້າໜ້າທີຝ່າຍບ້ານເມືອງອື່ນໆ .

ຖ້າທ່ານອ່ານບົດຂຽນຂອງເຮົາຄັກໆກໍ່ບໍ່ມີບ່ອນໃດວ່າ: ການສ້າງຮູບປັ້ນຂອງ

ບັນພະບຸລຸດຂອງລາວນັ້ນບໍ່ດີ, ບໍ່ວ່າຈະເປັນ ຂອງເຈົ້າຟ້າງຸ່ມ,ເຈົ້າອະນຸວົງ.

ທີ່ເຮົາວ່າບໍ່ຄັກນັ້ນແມ່ນເພິ່ນບໍ່ໄດ້ປະຕິບັດຕາມເນື້ອໃນຈິດໃຈ ແລະ ການກະ

ທຳຂອງກະສັດທັງສອງ, ທັງໆທີ່ສ້າງຮູບປັ້ນ ແລະ ເຮັດພິທີອັງເຊີນຈິດວິນ

ຍານຂອງພຼະອົງທ່ານມາສະຖິດສະຖານໃນຮູບປັ້ນ.

ເປັນຫັຽງເຮົາຈຶ່ງວ່າແນວນັ້ນ, ເຫດຜົນກໍ່ເພາະວ່າເມື່ອເຈົ້າຟ້າງຸ່ມທ້ອນໂຮມ

ປະເທດເພິ່ນນຳສາດສະໜາເຂົ້າມາເພິ່ນກໍ່ບໍ່ໄດ້ໄປເຂັ່ນຂ້າບຽດບຽນເຮັດໃຫ້

ປະຊາຣາສດອນທີ່ນັບຖືຜີນັ້ນແຕກຕື່ນຢ້ານກົວແລ້ວເອົາຕົວປົບໜີໃນ

ທາງກົງ ແລະ ທາງອອ້ມແຕ່ປະການໃດ.ຕົງກັນຂ້າມການສະຖາປະນາ ສປປ.ລາວ

ຄົນລາວກາຍເປັນອົບພະຍົກ ເຄິ່ງລ້ານກວ່າໆ.ຕາຍຕາມແຫ່ງຕ່າງໆບໍ່ວ່າກາງ

ນໍ້າຂອງກໍ່ຄືສູນສັມມະນາໃນນັ້ນຮ່ວມທັງພະມະຫາກະສັດລາວ ພອ້ມເຊື້ອພະວົງ

ອົງອື່ນໆ. ສ່ວນເຈົ້າອານຸວົງເພິ່ນກໍ່ກະທຳການກູ້ຊາດເພື່ອປົດປ່ອຍປະຊາຊົນລາວ

ອອກຈາກການເປັນທາດຂອງສະຫຍາມ,ພ້ອມທັງຢາກຮິບໂຮມດິນດອນທີ່ສະຫຍາມ

ຍຶດຄອງນັ້ນຄືນມາໃຫ້ປະຊາຊົນລາວໄດ້ຊົມໄຊ້.ເມື່ອເພິ່ນສ້າງຮູບປັ້ນຂອງເຈົ້າອານຸວົງ

ຂື້ນ ແລະ ສະຫຼອງວຽງຈັນ 450 ປີ.ເຮົາກະຄິດວ່າເພິ່ນຄົງຈະເຮັດສິ່ງໃດສິ່ງໜຶ່ງອັນເປັນ

ສັນຍາລັກທີ່ພະອົງທ່ານເຄີຍກະທຳໄວເພື່ອປວງຊົນລາວໃຫ້ເປັນກຽດເທີດທູນແກ່

ພຼະອົງທ່ານໃນວາລະອັນເປັນສີລິມຸງຄຸນນັ້ນ .

ແຕ່ແລ້ວກໍ່ຜິດຫວັງປະຊາຊົນເຊື້ອຊາດລາວທີ່ຕ່າງແດນເຄິ່ງລ້ານກວ່າຄົນ

 ຫຼື ອາດເຖິງ 1ລ້ານຄົນ (ເພາະອອກລູກແຜ່ພັນ)ບໍ່ຖືກເອີຍເຖິງ ຫຼື ມີ

ນະໂຍບາຍແນວໃດກັບພວກເຂົາຊຶ່ງມັນຜິດແປກກັບຈິດໃຈ

ແລະ ການກະທຳຂອງເຈົ້າອະນຸວົງທີ່ຍາມໃດກໍ່ເປັນຫ່ວງ ແລະ ຢາກຮິບໂຮມກັບຄືນ

ສູ່ປິຕິພູມປວງຊົນຊາວລາວທຸກທົ່ວໜ້າທີ່ຖືກພັດພາກຈາກບ້ານເກີດເມືອງນອນ.

ໃຫ້ພວກເຂົາໄດ້ກັບມາຮ່ວມສ້າງສາ ,ສັບສ່າວບຸກເບີກດິນດອນລາວເພີ່ມຄຸນຄ່າ

ສ້າງຜົນປະໂຫຍດຈາກທີ່ດິນໃຫ້ມີຄວາມຕິດພັນຫວງແຫນບໍ່ປ່ອຍໃຫ້ຄົນຊາດອື່ນ

ຄອບຄອງ .

ຖ້າບົດຂຽນກໍ່ຄືຄວາມຄິດຈາກໃຈຈິງຊຶ່ງນຳມາບັນຍາຍໃນໜ້າຈໍນີ້ບໍ່ກົງ , ບໍ່ປະສົບ

ຕໍ່ອາລົມ ກໍ່ຄືຈິດໃຈຂອງພວກທ່ານກໍ່ຂໍອະໄພດ້ວຍ .ເຖິງແນວໃດ ກໍ່ຍັງດີທີ່ພວກເຮົາ

ໄດ້ແລກປ່ຽນຄວາມຄິດກັນ.

ຈົບ

 

 

 

---