ຂ້າພະເຈົ້າ ມີພໍ່ເປັນຄົນບ້ານ ໜອງໄຮໂຄກ ເມືອງ ໂພນທອງ ແຂວງຈຳປາສັກ
ເມື່ອເພີ່ນຍັງບໍ່ທັນເສັຽຊີວິດ ເພີ່ນເຄີຍເຫລົ່າເລື້ອງກ່ຽວກັບຂອງຮັກສາໃຫ້ຂ້າພະເຈົ້າຟັງວ່າ ເມື່ອເພີ່ນຍັງເປັນອ້າຍບ່າວນ້ອຍ ເພີ່ນເປັນສັງກະລີຢູ່ວັດປ່າ ທີ່ບ້ານໜອງໄຮໂຄກ
ພໍຕໍ່ມາໄລຍະນື່ງ ທ່ານເຈົ້າອາວາດວັດປ່າ ຊື່ ພະອາຈານຫົວລູງລີ( ບາງເທື່ອອາດບໍ່ຖືກຊື່ຄັກ ເພາະຂ້າພະເຈົ້າຈື່ຊື່ອາຈານບໍ່ໄດ້ດີ )ໄດ້ເອົາຂອງຮັກສາໃຫ້ພໍ່ຂ້າພະເຈົ້າໄວ້ຮັກສາ
ພະອາຈານໄດ້ບອກພໍ່ຂ້າພະເຈົ້າວ່າ ຖ້າຈະມີເຫດຮ້າຍຈະເກີດຂື້ນກັບຕົນເອງກ່ຽວກັບເລື້ອງບາດເຈັບຍ້ອນເສິກຍ້ອນເສືອ
ເມື່ອເວລານອນກາງຄືນ ຖ້າຝັນວ່າ ເຫັນພະອາຈານ ນັ່ງຮົ່ມຜ້າຄຸມສີແດງຝີງແດດຢູ່ນັ້ນ ຈະໄດ້ເຈັບຍ້ອນການສູ່ລົບ
ແຕ່ຖ້າ ຝັນເຫັນພະອາຈານ ໜຸ່ງຜ້າຄຸມສີຂາວນັ່ງຝີງແດດຢູ່ນັ້ນ ແມ່ນຈະໄດ້ເສັຽຊີວິດຍ້ອນການສູ້ລົບກັນ
ຫລັງຈາກນັ້ນມາສອງສາມປີ ພໍ່ຂ້າພະເຈົ້າກໍໄດ້ໄປເຂົ້າເປັນທະຫານຝະລັ່ງທີ່ຄ້າຍດອນຕາລາດຕໍ່ມາອີກຈັກປີຕ້ອງຂໍໂທດທ່ານທີ່ຂ້າພະເຈົ້າຈື່ບໍ່ໄດ້ວ່າປີໃດແທ້
ແຕ່ເລື້ອງມັນກໍມີຢູ່ວ່າ ຄືນໜື່ງພໍເພີ່ນໄດ້ຝັນວ່າເຫັນພະອາຈານຂອງເພີ່ນນັ່ງຮົມ່ຜ້າຄຸມສີແດງຝິີງແດດຢູ່ ພໍ່ຄິດວ່າຖ້າອີງຕາມຄຳພະອາຈານບອກແລ້ວຈະເກີດເຈັບເລືອດຕົກຢາງອອກແຕ່ບໍ່ເຖິງຂັ້ນເສັຽຊີວິດ
ພໍຕື່ນເຊົ້າມາພໍ່ເພີ່ນກໍເລີ້ມນຸ່ງເຄື່ອງປະກອບໃນຊຸດກຽມພ້ອມສູ້ລົບ ໝົດມື້ເພີ່ນກໍຄອງແລະລະວັງຢູ່ຕະຫລອດ ພໍຍາມສົນແລງສົນງາຍ ກໍໄດ້ມີກຳລັງຝ່າຍກົງກັນຂ້າມເຂົ້າມາຍິ່ງຢູ່ຄ້າຍດອນຕະລາດ ປະມານ 20 ນາທີ ກໍງຽບໄປ
ໃນການສູ້ກັນຄັ້ງນີພໍຂ້າພະເຈົ້າໄດ້ຖືກສະເກັດໝາກແຕກເຂົ້າຝັງຢູ່ໃນຝາມື ແລະ ກໍໄດ້ມາເອົາອອກທີ່ໂຮງໝໍເມືອງປາກເຊແລະຝະລັງກໍໄດ້ເຮັດໃບຢັ້ງຢືນການບາດເຈັບໃຫ້ແລະກໍຍັງເທົ່າທຸກມື້ນີ້
ອັນທີ່ຂ້າພະເຈົ້າເລົ່າມານີ້ທີ່ສົນໃຈກໍຢາກຮູ້ວ່າ ລະຫວ່າງຄວາມງົມງວບແບບນີ້ກັບວິທະຍາສາສາດ ຍຸກໃໝ່ມັນຈະມີຄວາມອະທິບາຍວ່າເປັນໄປໄດ້ແນວໃດ
ຖ້າທ່ານໃດ ຢາກຊວ່ຍອະທິບາຍກໍຍິນດີຮັບຟັງ
ຂໍຂອບໃຈລ່ວງໜ້າ
ວົງການວິທະຍາສາສາດກຳລັງກ້ອງທ່າຜູ້ມີປັນຍາມາໄຂປາກົດການທີ່ຍັງບໍ່ຮູ້ແຈ້ງຢ່າງສົມເຫດສົມຜົນ
ເລື້ອງບາງຍ່າງມັນກໍ່ອະທິບາຍຕາມຫຼັກວິດທະຍາສາດບໍ່ໄດ້ທ່ານເອີ້ຍ
ມະນຸດທົ່ວໄປເຊື່ອໃນຄວາມຮູ້ສຶກ ຈາກ 5 ສຳພັດຂອງໂຕເອງ ລີ້ນ,ດັງ,ຫູ,ຜິວຫນັງ,ຕາ.
ວິທະຍາສາດແມ່ນຫລັກການທີ່ມະນຸດຄົ້ນຄວ້າຂຶ້ນມາເພື່ອອະທິບາຍສິ່ງທີ່ໂຕຮັບຮູ້.
ສະນັ້ນ ຖ້າ 5 ສຳພັດຂອງມະນຸດດັ່ງກ່າວຍັງສຳພັດບໍ່ໄດ້ທຸກຢ່າງທີ່ຢູ່ໃກ້ໆເຮົາ ກໍ່ສະແດງວ່າ
ວິທະຍາສາດກໍ່ບໍ່ສາມາດອະທິບາຍເລື່ອງເຫລົ່ານັ້ນໄດ້ ກໍ່ເພາະ 5 ສຳພັດຂອງມະນຸດຮັບຮູ້ບໍ່ໄດ້ນັ້ນເອງ(ແຕ່ວ່າໝາອາດຮັບຮູ້ເລື່ອງວິນຍານໄດ້ດີກ່ອນຄົນ)
ກໍ່ຄືເລື່ອງ ຜີວິຍານ ການທຳນາຍ.... ອັນນີ້ມັນເປັນເລື່ອງຂອງຈິດລ້ວນໆ ເພິ່ນເລີຍວ່າສຳພັດທີ 6 ກໍ່ຄືສຳພັດຈິດ
