ນາງ ວິລາວັນ ພານຸວົງ ຢູ່ບ້ານຂຸນຕາທ່າ ເມືອງສີໂຄດຕະບອງ ນະຄອນ ຫຼວງວຽງຈັນ ໄດ້ເຂົ້າແຈ້ງຄວາມຕໍ່ເຈົ້າໜ້າທີ່ ປກສ ນະຄອນຫຼວງວຽງຈັນ ວ່າ: ເວ ລາປະມານ 2 ໂມງກາງຄືນ ວັນທີ 6 ທັນວານີ້ ໄດ້ມີຄົນຮ້າຍແກວ່ງລະເບີດເຂົ້າ ມາໃສ່ ເຮືອນຂອງຕົນຢູ່ບ້ານດັ່ງກ່າວແຕ່ໂຊກດີລູກລະເບີດດັ່ງກ່າວຕົກໃສ່ເດີ່ນເຮືອນ ແຕກຂຶ້ນໂດຍບໍ່ມີຜູ້ໃດໄດ້ຮັບບາດເຈັບພຽງ ເຮັດໃຫ້ໂຖປູກດອກໄມ້ 2 ໂຖທີ່ຕັ້ງຢູ່ ທາງເຂົ້າໜ້າເຮືອນແຕກ ແລະ ລົດກະບະຮຸນໄດ ໝາຍເລກທະບຽນ ກຈ 1160 ກະທົບ ແລະ ເປ່ເພສ່ວນໜຶ່ງ.
ຜ່ານການສືບສວນ- ສອບສວນ ແລະ ເກັບກຳຂໍ້ມູນຂອງເຈົ້າໜ້າທີ່ ປກສ ນະຄອນຫຼວງວຽງຈັນ ໄດ້ຮູ້ວ່າ: ເຫດ ການດັ່ງກ່າວອາດແມ່ນການຂົ່ມຂູ່ຍ້ອນສາເຫດຍາດແຍ່ງມູນມໍລະດົກຊຶ່ງເປັນການລົງ ມືຂອງຍາດພີ່ນ້ອງກັນເອງ ສະນັ້ນ ຈຶ່ງໄດ້ ເລັ່ງນຳຈັບຕົວຜູ້ກ່ຽວມາດຳເນີນຄະດີຕາມລະບຽບກົດໝາຍ.
