ພວກເຮົາກຸ່ມທຸລະກິດພາກັນດີໃຈທີ່ ສປປລ ໄດ້ເຂົ້າເປັນສະມາຊິກຂອງ WTO ແລະກຽມເຂົ້າ AEC ໃນ 2015 ເພື່ອວ່າບັນດາຂໍ້ຫຍ້ງຍາກຕ່າງໆ ແລະກຳແພງທາງພາສີຈະໄດ້ຖືກແກ້ໄຂ ເຮັດໃຫ້ສາມາດດຳເນີນທຸລະກິດໄດ້ຢ່າງຄ່ອງຕົວ ລວມທັງການຊອກຫາຄູ່ຮ່ວມທຸລະກິດກໍ່ຊີ່ງ່າຍຂຶ້ນ ແຕ່ໃນພາກປະຕິບັດຕົວຈິງແມ່ນຍັງມີຫລາຍຫນ່ວຍງານຂອງລັດຖະບານທີ່ຍັງບໍ່ທັນຮັບຮູ້ ເຂົ້າໃຈ ກົນໄກດັ່ງກ່າວ ແລ້ວພາກັນຊອກຫາວິທີການສ້າງເງື່ອນໄຂໃຫ້ຂະແຫນງການຕົນເອງເຂົ້າມາມີບົດບາດໃນການຄຸ້ມຄອງຂັ້ນຕອນການນຳເຂົ້າ ສົ່ງອອກ ການລົງທຶນ ແລະ ການຜະລິດ ສ້າງຂອດ ຂັ້ນຫລາຍຂຶ້ນກ່ວາເກົ່າ ມີການຮຽກເກັບຄ່າທຳນຽມຕ່າງໆຫລາຍຂຶ້ນ ແພງຂຶ້ນ ຈົນບໍ່ຮູ້ຊີ່ເຮັດແນວໃດແລ້ວ
ຕົວຢ່າງ: ເຈົ້າຫນ້າທີ່ການຄ້າ, ກະຊວງ ອກຄ; ເຈົ້າຫນ້າທີ່ປ່າໄມ້, ກະຊວງ ກສປມ; ເຈົ້າຫນ້າທີ່ຄຸ້ມຄອງຊັບສີນຂອງລັດ, ເຈົ້າຫນ້າທີ່ອາກອນ, ກະຊວງການເງີນ ແລະອື່ນໆ ທັ້ງທີ່ລັດຖະທຳມະນູນກຳນົດໄວ້ວ່າ ເຈົ້າຫນ້າທີ່ຈັດຕັ້ງປະຕິບັດກົດຫມາຍມີ ເຈົ້າຫນ້າທີ່ຕຳລວດ, ພາສີ, ປ່າໄມ້ ເທົ່ານັ້ນ. ເຈົ້າຫນ້າທີ່ ທີ່ມັກຮ່າງລະບຽບການອອກມາເພື່ອເປັນເຄື່ອງມືຫາຜົນປະໂຫຽດເຂົ້າຕົນເອງທີ່ເດັ່ນກ່ວາຫມູ່ແມ່ນ ກົມຄຸ້ມຄອງຊັບສີນຂອງລັດ, ການຄ້າ ແລະ ປ່າໄມ້.
ຖ້າຈະເຮັດຄືແນວນີ້ ມີຄວາມຈຳເປັນຫັຍງພາກັນໄປເຂົ້າ WTO ແລະ AEC ໃຫ້ເສຍເງີນຄ່າທຳນຽມປີນຶ່ງເປັນແສນໂດລາ ເຂົ້າລ້າໆພັດບໍ່ເຮັດຕາມກົດລະບຽບເຂົາ ເພິ່ນບອກໃຫ້ຫລຸດຂັ້ນຕອນເພື່ອອຳນວຍຄວາມສະດວກທາງການຄ້າ ໂຕພັດເພີ້ມເຂົ້າມາ, ເພິ່ນຍົກເລີກການເກັບພາສີຂາເຂົ້າ ໂຕເອງພັດແຮງເຮັ່ງໄປກ່ວານັ້ນເກັບຮອດພາສີຂາອອກ, ເພິ່ນໃຫ້ຍົກເລີກໂກຕາ ແລະອານຸຍາດນຳເຂົ້າ ໂຕພັດແຮງກຳນົດໃຫ້ມີການຂໍອະນຸຍາດຮອດການສົ່ງສີນຄ້າອອກ, ເຈົ້າຫນ້າທີ່ປະຈຳດ່ານເພິ່ນໃຊ້ລະບົບ CIQ (CUSTOMS, IMMIGRATION, QUARANTINE) ແລະກ້າວໄປໃຊ້ລະບົບ CQ ໂຕເອງພັດເພີ້ມ ອາກອນ ຊັບສີນ ປ່າໄມ້ ໂອຍສາລະພັດໄປຢູ່
ຕົວຢ່າງລ້າສຸດ: ເຈົ້າຫນ້າທີ່ຊັບສີນເປັນທັງຜູ້ອະນຸຍາດຕັດໄມ້, ຂາຍໄມ້ ຢູ່ສະຫນາມ1 ແລະ2, ເປັນຜູ້ກວດກາໄມ້ເຂົ້າໂຮງງານ, ເມື່ອຜະລິດແລ້ວເປັນຜູ້ກວດກາໄມ້ຂຶ້ນລົດ ພ້ອມທັງຫນີບກົ່ວເພື່ອສົ່ງອອກຕ່າງປະເທດ ແລ້ວມັນຊີ່ໂປ່ງໃສໄດ້ແນວໃດ ອະນຸຍາດກໍ່ໂຕເອງ ຈັດຕັ້ງປະຕິບັດກໍ່ຕົນເອງ ເກັບເງີນຄ່າຂາຍໄມ້ກໍ່ຕົນເອງອີກ ຄຸ້ມຄອງການສົ່ງອອກຕ່າງປະເທດກໍ່ຕົນເອງ ໃນໂລກນີ່ບໍ່ມີໃຜເຮັດດອກເດີ
ຂໍໃຫ້ພິຈາລະນາຄືນໃຫມ່ເດີ
ຂ້ອຍວ່າ ເພິ່ນເຮັດດີຂຶ້ນກ່ວາເກົ່າ ປະມານ ເຄິ່ງຂີດ
ຕອນນີ້ບໍ່ຮູ້ສຶກຫຍັງ ອານາຄົດກະບໍ່ຕ່າງຫຍັງ
ຕ່າງແຕ່ວ່າເງິນເດືອນກ່ອນເຂົ້າ WTO ຈ່າຍທຸກເດືອນ
luffy wrote:ຕອນນີ້ບໍ່ຮູ້ສຶກຫຍັງ ອານາຄົດກະບໍ່ຕ່າງຫຍັງຕ່າງແຕ່ວ່າເງິນເດືອນກ່ອນເຂົ້າ WTO ຈ່າຍທຸກເດືອນ
ນ່າຄຶດ ຫຼືວ່າເພິ່ນເອົາເງິນໄປເສຍຄ່າທຳນຽມປີນຶ່ງເປັນແສນໂດລ້າຕິເບາະ ເຖິງບໍ່ມີເງິນຈ່າຍໃຫ້ພະນັກງານພັກລັດ
Anonymous wrote:luffy wrote:ຕອນນີ້ບໍ່ຮູ້ສຶກຫຍັງ ອານາຄົດກະບໍ່ຕ່າງຫຍັງຕ່າງແຕ່ວ່າເງິນເດືອນກ່ອນເຂົ້າ WTO ຈ່າຍທຸກເດືອນ ນ່າຄຶດ ຫຼືວ່າເພິ່ນເອົາເງິນໄປເສຍຄ່າທຳນຽມປີນຶ່ງເປັນແສນໂດລ້າຕິເບາະ ເຖິງບໍ່ມີເງິນຈ່າຍໃຫ້ພະນັກງານພັກລັດ
ທ່ານນິພົນ ສະເດັດຕັນ ຈ່າຍຄ່າທໍານຽມໃຫ້ລ່ວງໜ້າ 10 ປີ ບໍ່ຕ້ອງຫ່ວງເດີ.
ຕັ້ງແຕ່ໄດ້ເຂົ້າເປັນສະມາຊິກ WTO ແມ່ນມີການປ່ຽນແປງຫຼາຍ ໂຕທີ່ເດັ່ນທີ່ສຸດແມ່ນ ບໍ່ມີເງິນເດືອນຈ່າຍໃຫ້ພະນັດງານລັດ
ລາວເດັ່ນຂື້ນໃນເວທີສາກົນຈົນຜູ້ນຳບໍ່ມີເວລາເປັນຂອງຕົວເອງໂດຽສະເພາະ ທ່ານ ສຈ ປະທານປະເທດ
ແລະ ທ່ານາຍົກ ຖືກຕ່າງປະເທດນິມົນໃຫ້ໄປປາຖະກະຖາທິດສະດີທີ່ຄົ້ນຄິດຢ່າງເປັນເອກະລັກແບບລາວໆ
ທີ່ເຂົາຢາກຮໍ່າຣຽນເອົາໄປພັດທະນາປະເທດເຂົາ.ໃນກາງເດືອນນີ້ກໍ່ໄດ້ຍິນວ່າຍີ່ປຸ່ນນິມົນຜູ້ນຳລາວໄປສະແດງ
ທິດສະດີການໝູນທີ່ດິນໃຫ້ເປັນທຶນທີ່ເຮັດໃຫ້ພນັກງານບໍ່ໄດ້ຮັບເງິນມາຫຼາຍເດືອນຖືວ່າເປັນວິທີການປະຫຍັດ
ທີ່ຫຼາຍປະເທດຢາກຮຽນເອົາ.
ກອງປະຊຸມລັດຖະມົນຕີ WTO ຫາກໍ່ສິ້ນສຸດ ຈັດຢູ່ ບາຫລີ ເພິ່ນຕົກລົງໃຫ້ຍົກເລີກເກັບພາສີລະຫວ່າງກັນ ລົບລ້າງຂັ້ນຕອນຕ່າງໆທີ່ບໍ່ແມ່ນພິທີການທາງພາສີ ຖ້າເບິ່ງ ສປປລ ຊີ່ເຮັດນຳເຂົາບໍ່ ໂດຍສະເພາະ ຊັບສີນ ການຄ້າ ປ່າໄມ້ ພາກັນຮ່າງລະບຽບໃຫມ່ອອກມາເລີຍໆ ລັດຖະມົນຕີກໍ່ເຊັນອະນຸມັດຕະລອດ ຕົກລົງວ່າ ທ່ານ ນາມ ວິຍະເກດ ໄປປະຊຸມກໍ່ເຂົ້າໃຈຢູ່ຫວາເຂົ້າຕົກລົງຫັຍງກັນ ປະຊຸມມາແລ້ວມາລາຍງານກອງປະຊຸມລັດຖະບານຢູ່ຫວາ ລັດຖະມົນຕີກະຊວງອື່ນຄືເຮັດໄປຄົນລະທາງ
