19 ນາງສາວທີ່ຈະເຂົ້າຮ່ວມການປະກວດນາງສາວລາວປະຈຳປີ 2013, ໃຜຈະເປັນຜູ້ຄອງຕຳແໜງລາງວັນດັ່ງກ່າວເຊິ່ງຈະມີການຕັດສິນໃນວັນທີ 7 ທັນວານີ້, ຂະນະທີ່ໃນວັນທີ 3 ທັນວານີ້, ຢູ່ໂຮງແຮມດອນຈັນພາເລດ, ນະ ຄອນ ຫຼວງວຽງຈັນ, ໄດ້ມີການຄັດເລືອກນາງສາວຂັວນໃຈຊ່າງພາບ, ໂດຍໃຫ້ກຽດເຂົ້າຮ່ວມຂອງ ທ່ານ ສີແພງ ວົງປັນຍາ ຫົວໜ້າກົມວັດທະນາທຳມວນຊົນ ກະຊວງຖະແຫຼງຂ່າວວັດທະນາທຳ ແລະ ທ່ອງທ່ຽວ, ທ່ານ ສົມ ສະໜຸກ ມີໄຊ ຮອງປະທານສະມາ ຄົມນັກຂ່າວແຫ່ງປະເທດລາວ ແລະ ທ່ານ ນາງ ຈັນທະຈອນ ວົງໄຊ ຮອງ ປະທານ ບໍລິສັດ ເຄ ແອນ ຊີ ກຣູບ ຈຳກັດຜູ້ດຽວ ແລະ ສື່ມວນຊົນເຂົ້າຮ່ວມຢ່າງຫຼວງຫຼາຍ ເຊິ່ງຜົນການປະກາດ ລາງວັນຂວັນໃຈຊ່າງພາບຈະໄດ້ປະກາດໃນວັນທີ 7 ທັນວາຂອງການຈັດງານປະກວດນາງສາວລາວປີ 2013.
ການປະກວດຮອບຄັດເລືອກຂວັນໃຈຊ່າງພາບແມ່ນໜຶ່ງໃນລາງວັນຂອງການປະກວດນາງສາວລາວປະ ຈຳປີ 2013 ທີ່ຜູ້ເຂົ້າປະກວດທັງ 19 ນາງສາວ ຈະໄດ້ຖືກຄັດເລືອກຮ່ວມໃຫ້ຄະແນນຈາກສື່ມວນຊົນເປັນລາງວັນຂວັນໃຈຊ່າງພາບພ້ອມດຽວກັນກໍຈະໄດ້ມີການປະກາດຜົນໃນການປະກວດນາງສາວລາວ ຊຶ່ງ ຈະຈັດໃນວັນທີ 7 ທັນວານີ້. ທ່ານ ສົມສະໜຸກ ມີໄຊ
ຮອງປະທານສະມາຄົມນັກຂ່າວແຫ່ງ ສປປ ລາວ ແລະ ຄະນະກຳມະການຕັດສິນໄດ້ກ່າວໃນການປະກວດດັ່ງກ່າວວ່າ: ການປະກວດນາງສາວລາວແມ່ນມີຄວາມໝາຍສຳຄັນເປັນການຍົກສູງບົດບາດຂອງແມ່ຍິງລາວໃຫ້ພົ້ນເດັ່ນໃນສັງຄົມ, ເປັນການອະນຸລັກຮີດຄອງປະເພນີ ແລະ ເຜີຍແຜ່ວັດທະນາທຳ ລາວໃຫ້ຊາວໂລກໄດ້ຮັບຮູ້ເປັນຕົ້ນແມ່ນການນຸ່ງຖື, ມາລະຍາດ, ຄວາມຮູ້ຄວາມສາມາດຂອງແມ່ຍິງ ແລະ ອື່ນໆ. ແນວໃດ ກໍດີນັບວ່າການປະກວດປີນີ້ມີບັນຍາກາດຄຶກຄື້ນເຊິ່ງມີບັນດານັກຮຽນ, ນັກສືກສາ, ສົນໃຈເຂົ້າຮ່ວມປະກວດເປັນຈຳນວນຫຼາຍ ທັງພາຍໃນນະຄອນຫຼວງວຽງຈັນ ແລະ ຕ່າງແຂວງ ເຮັດໃຫ້ການປະກວດນາງ ສາວລາວມີ ຄວາມໝາຍສຳຄັນຍິ່ງຂື້ນ, ມາຮອດປັດຈຸບັນຄະນະກຳມະການກໍໄດ້ມີການຄັດເລືອກ 19 ນາງສາວ ເຂົ້າຮ່ວມປະກວດໃນຮອບຕັດສິນໂດຍຜູ້ທີ່ຄອງຕຳແໜ່ງນາງສາວລາວ ແມ່ນຈະໄດ້ປະກອບສ່ວນໃນການເຜີຍແຜ່ວັດທະນຳ ທຳຂອງລາວເພື່ອຍົກສູງບົດບາດແມ່ຍິງລາວພົ້ນເດັ່ນໃນພາກພື້ນ ແລະ ສາກົນ. ຄະນະກຳມະການຈັດງານ ປະກວດນາງສາວລາວ ໃຫ້ຮູ້ວ່າ: ການປະກວດນາງສາວລາວປະ ຈຳປີ 2013 ຫຼາຍພາກສ່ວນໄດ້ໃຫ້ການສະໜັບສະໜູນເງີນລາງວັນ ແລະ ທືນການສືກສາຕ່າງໆເພີ່ມຂຶ້ນ ແລະ ເພື່ອເປັນການ ຂອບໃຈການຊຸກຍູ້ປະກອບສ່ວນດັ່ງກ່າວນີ້, ຄະນະ
59 ໄປແທນສະ ເພາະມັນນ້ອຍດີ