Pasalao

ຄົນເໜືອ; ນັກທ່ອງທ່ຽວຊາວຕ່າງປະເທດໄດ້ເລືອກໃຫື້ເມືອງມໍລະດົກໂລກ ຫຼວງພະບາງ ເປັນເມືອງ ອັນດັບ 1 ຂອງໂລກ ທີ່ບັນດານັກທ່ອງທ່ຽວຕ່າງປະເທດ ຢາກຈະເດີນທາງມາຢ້ຽມຢາມ ຫລາຍທີ່ສຸດ

ທ່ານຄໍາຕັນ ສົມພັນວິໄລ ຮອງຫົວໜ້າພະແນກການທ່ອງທ່ຽວຂອງແຂວງຫຼວງພະບາງ ໄດ້ສະແດງຄວາມເຊື່ອໝັ້ນວ່າ ບັນດານັກທ່ອງທ່ຽວທັ້ງຈາກພາຍໃນື ແລະຕ່າງປະເທດຈະພາກັນຫລັ່ງໄຫລເຂົ້າມາທ່ອງທ່ຽວໃນືແຂວງຫຼວງພະບາງຫຼາຍເປັນພິເສດໃນືຕະຫລອດປີ ເນື່ອງຈາກວ່າ ຫຼວງພະບາງບໍ່ພຽງແຕ່ຈະເປັນເມືອງມໍລະດົກໂລກ ທີ່ມີນັກທ່ອງທ່ຽວເດີນທາງມາຢ້ຽມຢາມເພີ້ມຂຶ້ນທຸກປີເທົ່ານັ້ນ ຫາກແຕ່ສໍາລັບໃນືປີ 2012  ຫຼວງພະບາງກໍຍັງໄດ້ຖືກເລືອກໃຫື້ເປັນເມືອງອັນດັບ 1 ຂອງໂລກທີ່ບັນດານັກທ່ອງທ່ຽວຈາກທົ່ວໂລກ ຢາກຈະເດີນທາງມາຢ້ຽມຢາມຫລາຍທີ່ສຸດອີກດ້ວຍ

ການຖືກເລືອກດັ່ງກ່າວເປັນຜົນມາຈາກການສໍາຫລວດຂອງ The Wanderlust ແຫ່ງປະເທດອັງກິດ ຊຶ່ງເປັນວາລະສານການທ່ອງທ່ຽວຊັ້ນນໍາຂອງໂລກ ທີ່ໄດ້ເປີດໂອກາດໃຫື້ບັນດາສະມາຊິກຂອງວາລະສານໃນືທົ່ວໂລກ ໄດ້ເລືອກເອົາເມືອງທີ່ພວກຕົນຊົມຊອບຫລາຍທີ່ສຸດ ຈາກທັງໝົດຫລາຍກວ່າ 1,000 ເມືອງໃນືທົ່ວໂລກ ຊຶ່ງກໍປະກົດວ່າ ເມືອງມໍລະດົກໂລກຫຼວງພະບາງໄດ້ຮັບຄວາມນິຍົມສູງສຸດ ແລະພ້ອມກັນນັ້ນລາວຍັງໄດ້ຖືກເລືອກ ໃຫື້ເປັນປະເທດ ອັນດັບທີ 6 ຂອງໂລກທີ່ນັກທ່ອງທ່ຽວຕ່າງປະເທດ ຢາກຈະເດີນທາງມາຢ້ຽມຢາມຫລາຍທີ່ສຸດ ໃນືຕະຫລອດປີນີ້ອີກດ້ວຍ

ເນື່ອງຈາກມີຜົນສໍາເລັດດັ່ງກ່າວ ປະກອບກັບໃນືຕະຫຼອດປີ ກໍຍັງເປັນປີທ່ອງທ່ຽວລາວ (Visit Lao Year) ອີກດ້ວຍນັ້ນ ຈຶ່ງເຮັດໃຫື້ພະແນກການທ່ອງທ່ຽວຂອງແຂວງຫຼວງບາງເຊື່ອໝັ້ນວ່າ ຈະມີນັກທ່ອງທ່ຽວທັ້ງທີ່ເປັນຄົນລາວ ແລະຊາວຕ່າງປະເທດ ເດີນທາງເຂົ້າໄປໃນືແຂວງຫຼວງພະບາງຫຼາຍກວ່າ 2 ລ້ານຄົນຢ່າງແນ່ນອນ

ການທີ່ປະກົດວ່າມີນັກທ່ອງທ່ຽວເດິນທາງເຂົ້າໄປໃນືແຂວງຫຼວງພະບາງເພີ່ມຂຶ້ນຢ່າງຕໍ່ເນື່ອງນັ້ນກໍຍັງເປັນຜົນເຮັດໃຫື້ມີບໍລິສັດທ່ອງທ່ຽວໄດ້ພາກັນໄປເປີດໃຫື້ບໍລິການຢູ່ໃນືແຂວງຫຼາຍກວ່າ 50 ສາຂາແລ້ວ ອີກດ້ວຍ