ໃນໂອກາດທີ່ ທ່ານ ບຸນທຽນ ທອງແກ້ວ ສະມາຊິກສະພາແຫ່ງຊາດຜູ້ ປະຈຳການເຂດເລືອກຕັ້ງທີ 15 ແຂວງ ຈຳປາສັກ ລົງພົບປະໂອ້ລົມ ແລະ ຮັບຟັງ ຄຳສະເຫນີຂອງປະຊາຊົນຢູ່ເມືອງປາກຊ່ອງ ແຂວງຈຳປາສັກ ໃນຕົ້ນເດືອນພະ ຈິກຜ່ານມານີ້ ບັນຫາທີ່ປະຊາຊົນໄດ້ ນຳສະເຫນີ ແລະ ຢາກໃຫ້ສະພາແຫ່ງ ຊາດຊ່ວຍແກ້ໄຂຮີບດ່ວນ ນັ້ນແມ່ນການແກ້ໄຂບັນຫາລາຄາກາເຟຕົກຕ່ຳ ເນື່ອງຈາກປະຊາຊົນເມືອງປາກຊ່ອງໄດ້ ພົບກັບບັນຫາດັ່ງກ່າວມາເປັນເວລາ 2 ປີຕິດຕໍ່ກັນແລ້ວ ອັນໄດ້ສົ່ງຜົນເຮັດໃຫ້ການດຳລົງຊີວິດກໍ່ຄືຜູ້ປະກອບການປູກ ກາເຟພົບກັບຄວາມຝືດເຄືອງພໍສົມຄວນ.
ໃນຂະນະດຽວກັນ ທາງພາກລັດ, ຜູ້ປະກອບການ ແລະ ປະຊາຊົນຜູ້ຜະລິດກໍ່ໄດ້ຮ່ວມກັນປຶກສາຫາລືເພື່ອຫາທາງອອກຫລາຍ ຄັ້ງແຕ່ກໍ່ຍັງແກ້ໄຂບໍ່ໄດ້ດີເທົ່າທີ່ຄວນ ຍ້ອນສະພາບລາຄາກາເຟໃນຕະຫລາດ ໂລກຫລຸດລົງ ແລະ ຫລ້າສຸດໃນຕົ້ນ ເດືອນພະຈິກ 2013 ນີ້ ທາງພະແນກອຸດສາຫະກຳ ແລະ ການຄ້າແຂວງຈຳປາສັກ ຮ່ວມກັບສະມາຄົມເກັບຊື້ກາເຟຂອງເມືອງປາກຊ່ອງກໍ່ໄດ້ຈັດກອງ ປະຊຸມກຳນົດນະໂຍບາຍ ແລະ ລາຄາເກັບຊື້ປະຈຳປີ 20132014 ແລະ ໄດ້ກຳນົດລາຄາເກັບຊື້ຕ່ຳສຸດ 2.000 ກີບຕໍ່ 1 ກິໂລ (ຫມາກແດງ) ແຕ່ ກໍ່ຍັງເປັນລາຄາທີ່ຕ່ຳສຳລັບປະຊາຊົນຊາວສວນຜູ້ຜະລິດ ດັ່ງນັ້ນ ປະຊາຊົນຈິ່ງໄດ້ນຳສະເຫນີຕໍ່ສະພາແຫ່ງຊາດເພື່ອຊອກຫາຊ່ອງທາງ ຊ່ວຍເຫລືອຄຽງຄູ່ກັບບັນຫາດັ່ງກ່າວ ປະຊາຊົນຍັງໄດ້ສະເຫນີໃຫ້ກວດກາຄືນການສຳປະທານທີ່ດິນຂອງນັກ ລົງທຶນຢູ່ພາຍໃນເມືອງທີ່ສະພາໄດ້ຮັບຮອງ, ການແກ້ໄຂທີ່ດິນທຳການຜະລິດຂອງປະຊາຊົນ ແລະ ບັນຫາອື່ນໆ ອີກຈຳນວນຫນຶ່ງ.
ໃນໂອກາດດັ່ງກ່າວ ທ່ານ ບຸນທຽນ ທອງແກ້ວ ສະມາຊິກສະພາແຫ່ງຊາດ ຜູ້ປະຈຳການເຂດເລືອກຕັ້ງທີ 15 ແຂວງຈຳປາສັກ ກໍ່ໄດ້ຮັບເອົາຄຳສະເຫນີພ້ອມທັງໄດ້ໂອ້ລົມຕໍ່ຄະນະພັກອຳນາດ ການປົກຄອງ ແລະ ປະຊາຊົນຊາວເມືອງປາກຊ່ອງ ເຊິ່ງທ່ານກໍ່ໄດ້ແຈ້ງສະພາບການສ້າງສາພັດທະນາປະເທດຊາດໃນ ປະຈຸບັນ, ສະພາບການຂອງພາກພື້ນ ແລະ ສາກົນ, ການກະກຽມເຂົ້າສະມາຄົມອາຊຽນ ແລະ ຍົກໃຫ້ເຫັນຜົນສຳເລັດຂອງການດຳເນີນກອງປະຊຸມສາມັນເທື່ອທີ 5 ສະໄຫມທີ VII ຂອງສະພາແຫ່ງຊາດຕື່ມອີກ ໂດຍມີ ທ່ານ ບຸນມາກ ໄຊສົມເຜົ່າ ເລຂາພັກເມືອງເຈົ້າເມືອງໆປາກຊ່ອງ ພ້ອມດ້ວຍພະນັກງານລັດຖະກອນ ແລະ ປະຊາຊົນອ້ອມຂ້າງເມືອງເຂົ້າຮ່ວມຮັບຟັງ 200 ກວ່າຄົນ.
ຂ່າວ ຈາກໜັງພິມ ເສດຖະກິດ
ແກ້ແນວໃດ ເຄີຍມີຜົນງານບໍ່ເອົາມາສະແດງເບິ່ງດຸ ມີຄວາມຈິງໃຈຢາກແກ້ບໍ່ ສູ້ກັບດາວເຮືອງແລະສີນຸກໄດ້ບໍ່ ພວກດຽວກັນມັນສິສ້າງຄວາມຂັດແຍ່ງໃຫ້ກັນສະເບາະ ໄດ້ແຕ່ສັນຍາປາກເປົ່າຫັນແລະ ກັບຮອດບ້ານລະກະນອນເສີຍ ເດືອດຮ້ອນສະເບາະ ເລື່ອງຂອງຊາວກະສິກອນ ຍິງຂົ່ມໄດ້ເທົ່າໃດກໍ່ຈະສ້າງຄວາມຮັງມີໃຫ້ກັບບໍໍລິສັດນັ້ນມັນກໍ່ໝາຍຄວາມວ່າຄອຍຄົວກູນໍາ
ທ່ານຜູ້ແທນເພິ່ນຮັບເອົາແຕ່ຂໍ້ສະເຫນີທໍ່ນັ້ນບໍ່?
ມີບໍຄຳອະທິບາຍ ມີບໍວິທີແກ້ໃຂ ມີບໍທາງອອກ ມີບໍວິທີຊອ່ຍເຫລືອ
ໃຜກົດລາຄາກັນແທ້ ບໍລິສັດຜູ້ເກັບຊື້ ຫລືລາຄາກາເຟໂລກຕົກຕຳ່
ເລື້ອງນີ້ໄດ້ຍິນມາດົນແລວ້
ພາກສວ່ນລັດຍັງບໍ່ຍອມໄປແກ້ໃຂໃຫ້
ມີບໍ່ຄະນະກຳມະການດ້ານລາຄາ ດ້ານເຈລະຈາການຄ້າ
ສະພາເດເຮັດຫຍັງໄດ້ລະ
poor farmer i paid $4.00 for a cup of coffee in sydney.
ຄອບຄົວນ້ອງສາວ ນ້ອງຊາຍຂອງ ຂພຈ ກໍ່ເປັນໜື່ງໃນຄອບຄົວທີ່ໄດ້ຮັບຜົນກະທົບຈາກລາຄາກາເຟຕຳຫລາຍ ແຕ່ຕົ້ນທຶນການຜະລິດຂອງຊາວສວນກາເຟແມ່ນສູງຫລາຍ ລາຄາ 2.000 ກີບ/ກີໂລແມ່ນບໍ່ຄູ້ມທຶນເລີຍ. ການທີ່ລາຄາກາເຟຕົກຕຳມັນບໍ່ແມ່ນຍ້ອນລາຄາຂອງກາເຟໃນຕະຫລາດໂລກຕຳລົງດອກ ແຕ່ມັນເກີດຂື້ນຍ້ອນຜູ້ຊື້ຄົນກາງໜ້າເລືອດຫລາຍກວ່າ ເອົາປຽບປະຊາຊົນ ເວົ້າຄູ່ປະຊາຊົນວ່າ ຖ້າບໍ່ຂາຍໃນລາຄານີ້ຈະບໍ່ຮັບຊື້ນຳເຂົາອີກໃນອະນາຄົດ ດັ່ງນັ້ນເຂົາຈຳໃຈຕ້ອງຂາຍເພາະບໍ່ມີທາງເລືອກເຖິງແມ່ນຈະຂາດທຶນ ນີ້ບໍທິດສະດີຂອງພັກລັດວ່າຢາກໃຫ້ປະຊາຊົນຫລຸດພົ້ນອອກຈາກຄວາມທຸກຍາກ ມີແຕ່ເພີ່ມຄວາມທຸກຍາກໃຫ້ປະຊາຊົນຫລາຍກວ່າ ຫາກລັດບໍ່ປົກປ້ອງປະຊາຊົນ ທີ່ຖືກພໍ່ຄ້າຄົນກາງເອົາປຽບຊາວສວນແບບນີ້ ຢ່າໃຊ້ພຽງທິດສະດີເພື່ອເວົ້າໃຫ້ປະຊາ ຊົນຮູ້ສຶກດີຫລາຍ ມີບໍສະໝອງ ແລະ ຄວາມຈິງໃຈໃນການຊ່ວຍເຫລືອປະຊາຊົນ ຫລື ທ່ານຈະເລືອກຢູ່ຄຽງຄ້າງພໍ່ຄ້າທີເຂົາມີເງິນໃສ່ຊອງໃຫ້ທ່ານ
ເພິ່ນຊິບໍ່ສົນດອກ,ມີແຕ່ຊິເຮັດຫູໜວກກິນຟານບ້ານຄືແນວນັ້ນລະ ເພາະມັນກຳລັງເຂົ້າຕະຄ່າຍການ
ເກງຂອງເພິ່ນຢູ່ດີໆ.ການເກງທີ່ວ່ານັ້ນຄືແນວນີ້: ຖ້າວ່າປະຊາຊົນຊາວສວນກາເຟທົນບໍ່ໄດ້ກັບການຂາດ
ທຶນແລ້ວເລິກເຊົາໄປເພິ່ນຈະຈັບເອົາເປັນຂໍ້ອ້າງເພື່ອສ້າງໂອກາດໃຫ້ອ້າຍນ້ອງຫວຽດນາມ(ຂອງເພິ່ນ)
ເຂົ້າມາເຮັດແທນແນ່ນອນ.ຂໍໃຫ້ພີ່ນ້ອງປະຊາຊົນລາວຊາວສວນຈົງສັງວອນ ແລະ ຕະໜັກໃຫ້ດີໃນປະເດັນ
ທີ່ ຂພລ ຍົກຂື້ນມາກ່າວເພື່ອເປັນອຸທາຫອນແກ່ເພື່ອນຮ່ວມຊາດຊາວລາວທຸກຂະແໜງອາຊີບທີ່ໄຊ້
ເຮື່ອແຮງເປັນຫຼັກ.
ອິຕົນຊາດ ຍາມໄດ໋ກະເສັດຕະກອນລາວສິລືມຕາອ້າປາກໄດ້ຄືບ້ານອື່ນເມືອງອື່ນເຂົາເທື່ອ
Anonymous wrote:poor farmer i paid $4.00 for a cup of coffee in sydney.
You stupid, you pay a lot. haha
