Pasalao

Anonymous wrote:

---

ເກີດເຫດໄວຫນຸ່ມຕີກັນຈົນເສຍຊີວິດ

 

 

             ຕາມ​ການ​ລາຍ​ງານ​ຂອງ​ເຈົ້ນໜ້າທີ່ ​ໃນ​ຕອນ​ເຊົ້າ​ວັນ​ທີ 27 ຕຸລານີ້ ໃຫ້​ຮູ້​ວ່າ:​ໄດ້​ມີ​ກຸ່ມ​ໄວ​ໜຸ່ມຕີ​ກັນ​ຕາຍ​ຢູ່​ແຄມ​ທາງ​ຂ້າງ​ສູນ​ຂາຍ​ລົດຈັກ ນິວຈິບ​ເຊັງ ບ້ານເກົ້າຍອດ ​ເມືອງສີ​ສັດຕະ​ນາກ ນະຄອນຫຼວງວຽງຈັນ ເຊິ່ງ​ໃນເວລາ 20 ໂມງ ຂອງ​ວັນ​ທີ 26 ຕຸລາ, ​ທ້າວ ອຳພອນ ແລະ ໝູ່​ໄດ້​ໄປ​ນັ່ງ​ດື່ມ​ເບຍ​ຢູ່​ແຄມ​ຂອງ, ​ເວລາ​ປະມານ 1 ໂມງ​ຂອງ​ວັນ​ທີ 27 ຕຸລາ ພາຍຫຼັງອອກ​ຈາກ​ຮ້ານ​ເບຍ ແລະ ​ໄດ້​ຊວນ​ກັນ​ຂີ່​ລົດຈັກ​ເລາະຫຼິ້ນ ມີ​ລົດ 5 ຄັນ ແລະ ມີ 12 ຄົນ ເຊິ່ງ​ທ້າວ ອຳພອນ ຜູ້​ເສຍ​ຊີວິດໄດ້​ຂັບ ຂີ່​ຊ້ອນ​​ເພື່ອນ​​ແມ່ຍິງ 2 ຄົນ ເລາະ​ມາ​ແຕ່​ເສັ້ນທາງປາກ​ປ່າ​ສັກ​ ໄປ​ທາງ​ໄຟ​ແດງ​ທາດ​ຂາວ,​ ແຕ່​ພໍ​ຂັບ​ຂີ່​ລົດ​ມາ​ຮອດ​ເຂດ​ບ້ານເກົ້າ ຍອດ ​ລົດ​ຂອງ​ທ້າວ ອຳພອນ​ ຖືກ​ລົດຈັກ​ຍີ່​ຫໍ້​ຮອນ​ດາສະ​ກຸບ​ປີ ບໍ່ມີ​ປ້າຍ​ທະບຽນເກາະ​ເອົາ ​​ແລະ ​ເຮັດ​ໃຫ້​ລົ້ມ. ຈາກ​ນັ້ນຈຶ່ງ​ໄດ້​ຂີ່​ຕາມ​ໄປ​ທາງ​ວັດສີ​ເມືອງ, ​ແຕ່​ມີ​ກຸ່ມ​ໄວ​ໜຸ່ມທີ່​ຂີ່​ລົດຈັກ​ມາ​ຕາມຫຼັງ 30 ກວ່າ​ຄັນ ພ້ອມ​ລົດ​ໃຫຍ່ 4 ຄັນເຊິ່ງ​ມີ​ກຸ່ມ​ໄວ​ໜຸ່ມ 50 ກວ່າ​ຄົນຂີ່​ລົດ​ມາ​ຈອດ ​ແລະ ມີ​ການ​ຜິດ​ຖຽງກັນ ເຊິ່ງ​ກຸ່ມ​ໄວ​ໜຸ່ມດັ່ງກ່າວ ກໍ​ໄດ້​ໃຊ້​ເຫຼັກຍາວ ​ແລະ ໝວກກັນ​ກະທົບ​ຕີ​ຫົວ

ທ້າວ ອຳພອນ ແລ້ວ​ຫຸ້ມຕີ​ຈົນໝົດສະຕິ ກ່ອນ​ຈະ​ພາກັນ​ຂີ່​ລົດຫຼົບໜີ​ໄປ, ຂະນະ​ທີ່ໝູ່​ເພື່ອນ​ຂອງທ້າວ ອຳພອນ​ ຂີ່​ມາ​ເຫັນ​ຜູ້ ກ່ຽວ​ ຈຶ່ງໄດ້​ຟ້າວ​ນຳ​ສົ່ງ​ໂຮງໝໍ ກ່ອນ​ຈະ​ເສຍ​ຊີວິດ. ປັດຈຸ​ບັນ​, ​ເຈົ້າໜ້າທີ່ ປກສ ນະຄອນຫຼວງວຽງຈັນ ເລັ່ງນຳ​ຈັບ​​ກຸ່ມ​ໄວ​ໜຸ່ມ ທີ່​ກໍ່​ເຫດມາ​ດຳ​ເນີນ​ຄະດີໃຫ້​ໄດ້​ໂດຍ​ໄວ.

 

ໝັງສືພິມລາວພັດທະນາ

---

 ຂໍໃຫ້ເຈົ້າໜ້າທີ່ເອົາໃຈໃສ່ຮີບຮ້ອນຈັບຜູ້ກະທໍາຜິດມາລົງໂທດໃຫ້ໄດ້ໂດຍໄວ

ແລະ ມີມາດຕະການຕໍ່ກັບໄວໜຸ່ມທີ່ຕັ້ງກຸ່ມກ້ອນຂີ່ລົດກວນບ້ານກວນເມືອງ

ເພາະປະຈຸບັນນີ້ເຫັນວ່າມີລັກສະນະແຜ່ຂະຫຍາຍອອກຂຶ້ນເລື້ອຍໆແລ້ວ ໂດຍບໍ່ຍ້ານລະບຽບກົດໝາຍບ້ານເມືອງເລີຍ ແລະ ສ່ວນຫຼາຍກໍເປັນນັກຮຽນມັດທະຍົມທັງນັ້ນ

ຫວ່າງບໍ່ດົນມານີ້ກໍມີໄວລຸ້ນຂັບຂີ່ລົດຈັກເປັນພຶງເປັນແພແລະໃຊ້ອາວຸດປືນຍິງຂູ່ຄົນທີ່ໃຊ້ຍານພາຫະນະໃຫ້ເກີດຄວາມຍ້ານເກງ

ຕໍ່ບັນຫາດັ່ງກ່າວເຫັນວ່າສ້າງບັນຫາ ແລະ ຄວາມວຸ້ນວາຍໃຫ້ແກ່ສັງຄົມຫຼາຍ

ສະເໜີເຈົ້າໜ້າທີ່ກ່ຽວຂ້ອງຊອກຫາວິທີແກ້ໄຂ ດ່ວນແນ່

ຂ້າພະເຈົ້າໃນນາມພົນລະເມືອງລາວຜູ້ໜຶ່ງຂໍສະເໜີວິທີແກ້ໄຂຕໍ່ເຈົ້າໜ້າທີ່ກ່ຽວຂ້ອງພິຈາລະນາຄື:

1 ອອກລະບຽບມາຫ້າມແລະປາບປາມ(ຫ້າມຂັບຂີ່ລົດເປັນພຶງເປັນແພ , ຈັບກຸ່ມແຂ່ງລົດ , ຂັບຂີ່ລົດກໍ່ກວນ ຍົກລໍ້ ໃຊ້ສຽງດັງ......)

2 ໃຫ້ເຈົ້າໜ້າທີ່ຕໍາຫລວດເຄື່ອນທີ່ ແລະ ຕໍາຫຼວດຈາລະຈອນ ມີມາດຕະການໃນການກວດກາ ແລະ ປາບປາມຢ່າງເຂັ້ມງວດ (ປ່ຽນຈຸດກວດກາຕະຫຼອດເພື່ອບໍ່ໃຫ້ໄວໜຸ່ມຮູ້ຈຸດກວດທີ່ແນ່ນອນ, ໃຊ້ວິທີສຸ່ມກວດໂດຍການປ່ຽນມື້ ປ່ຽນເວລາ ປ່ຽນຈຸດກວດກາໄປເລື້ອຍໆ)

ໂດຍສະເພາະເຈົ້າໜ້າທີ່ຕໍາຫຼວດເຄື່ອນທີ່ນັ້ນຄວນໄດ້ມີການສຸ່ມກວດໃນເວລາເດິກໂດຍອາດຈະຂີ່ລາດຕະເວນສາມສີ່ຄັ້ງຕໍ່ເດືອນເພື່ອນາບຂູ່ພວກໄວລຸ້ນ ບໍ່ແມ່ນປະໃຫ້ພວກໄວລຸ້ນມານາບຂູ່ສັງຄົມ

ໃຜມີຂໍ້ຄິດເຫັນ ຫຼື ວິທີແກ້ໄຂອື່ນໆກໍຂໍໃຫ້ຊ່ວຍປະກອບຊ່ວຍກັນແນ່ ເພື່ອເປັນການສ້າງຄວາມສະຫງົບແກ່ສັງຄົມ

ສະໄໝນີ້ ພໍ່ແມ່ຢ້ານລູກ ຕາມໃຈລູກທຸກຢ່າງ ອີກກຸ່ມໜຶ່ງ ພໍ່ແມ່ມາແຕ່ວຽກເມື່ອຍນອນຫລັບແຕ່ຫົວຄ່ຳ ເປັນໂອກາດອັນດີໃຫ້ລູກຫົວແກ້ວຫົວແຫວນຫລອຍອອກຈາກບ້ານພ້ອມດ້ວຍລົດ ວີໂກ້ ຄັນໃໝ່ ໄປຮັບເພື່ອນອອກຊິ້ງ

ພໍ່ແມ່ເອົາບໍ່ໄຫວແລ້ວຄັນທາງອົງການຈັດຕັ້ງຂອງລົດບໍ່ເບິ່ງຊ່ວຍ ເດັກນ້ອຍພວກນີ້ມັນຫົວແຫຼມໄປທາງລົບ ບ່າຍໂມງກາງຄືນຍັງຢູ່ຮ້ານເບັຽ ...ມັນເຫຼືອຂໍອີ່ຫຼີໃດທ່ານຜູ້ວ່ານະຄອນຫຼວງ !