Pasalao

 ລອງຖາມ ທ່ານ ເອກະຜີ ນໍລະສິນ ເບີ່ງເດີ ເຫັນລາວ

ເວົ້າປະຫວັດສາດ ລາວເລື້ອຍໆ ຄືຊິຮູ້ດີ

ກະແຈະ ຊຽງແຕງ ເຄີຍເປັນເມືອງພາກໃຕ້ສຸດຂອງລາວກ່ອນຝລັ່ງມາປົກຄອງ ... ເລື່ອງຕໍ່ໄປນີ້ ແມ່ນຄຳບອກເລົ່າຂອງເພື່ອນຜູ້ໜຶ່ງ ທີ່ເຄີຍສົນໃຈ ແລະຕິດຕາມປະຫວັດສາດສະໄໝໃໝ່ຂອງປະເທດເຮົາ ສ່ວນວັນ ເດືອນ ແລະ ປີ ນັ້ນ ຂ້ານ້ອຍລືມໝົດແລ້ວ ຍັງພໍຈື່ແຕ່ວ່າທ່ານກອມມິແຊຣ ທີ່ວຽງຈັນ ໄດ້ແຕ່ງຕັ້ງຄະນະໜຶ່ງໃຫ້ລົງໄປປັກຫຼັກຊາຍແດນທາງພາກໃຕ້ຂອງລາວຊຶ່ງເປັນພາກເໜືອຂອງກຳພູຊາ ຄະນະກຳມະການມີຊາດຝລັ່ງ ,ຊາດລາວ,ຊາດວຽດນາມ ແລະຊາດກຳພູຊາ ຄະນະດັ່ງກ່າວຖືກຕ້ອນຮັບຈາກເຈົ້າເມືອງຊຽງແຕງຊຶ່ງໄດ້ຈັດງານຕ້ອນຮັບຄະນະໃຫຍ່ຢ່າງສົມກຽດດ້ວຍການຈັດອາຫານທ່ຽງລ້ຽງແຂກຢ່າງເຕັມທີ່ ...ຫຼັງຈາກອາຫານທ່ຽງທີ່ມີລາບກ້ອຍ ຊອຍໄສ້ໃສ່ບີ ຊຶ່ງເປັນອາຫານຫຼັກຂອງລາວ ພ້ອມສາວສວຍແຫ່ງເມືອງໃຕ້ລິນເຫຼົົ້າຂາວລົງໄປ ຄະນະຄົນລາວກິນເຕັມອີ່ມ ແລ້ວກໍພາກັນເມົາມືນຫູມຶນຕາບໍ່ຂຶ້ນ, ສ່ວນຄະນະຊາດອື່ນ ເຂົາກິນອາຫານລາວບໍ່ເປັນ, ກີິນແຕ່ປິ້ງ ແຕ່ຈີ່ ແລະເຫຼົ້າຂາວດ້າມຈອກເຂົາກໍພາກັນຕຽມຊ້າງມ້າເດີນທາງໄປຫາຊາຍແດນເພື່ອປະຕິບັດໜ້າທີ່ຕາມມອບໝາຍ ທາງຢ່າຍຄະນະລາວເມົາເຫຼົ້າ ແລະບອກວ່າ ໃຫ້ພວກທ່ານຍ່າງກ່ອນໂລດ ພວກເຮົາຊິໄປຕາມຫຼັງ ເວົ້າແລ້ວກໍລົ້ມນອນຫຼັບສະໜິດ.   ຄະນະປັກຫຼັກຊາຍແດນແທນທີ່ຈະລົງໃຕ້ເມືອງຊຽງແຕງຄົນນຳທາງພາຄະນະຂຶ້ນເໜືອໂດຍອ້າງວ່າໄປທາງລັດ ໃກ້ກວ່າ ອີກຢ່າງລົງໄປທາງໃຕ້ມັນຮົກເຮື້ອຈົນໄປບໍ່ໄດ້ ຄະນະ ປັກຫຼັກ ເມື່ອບໍ່ເຫັນຄົນລາວຕາມມາກໍເລີຍຕັດສິນໃຈປັກຊາຍແດນລາວຢູ່ບ່ອນທີ່ເຂົາເຫັນວ່າສະດວກ ຄະນະລາວກໍບໍ່ຫຼ້ອນໜ້າທີ່ຂອງຕົນຍ້ອນເຫັນທ້ອງເປັນໃຫຍ່ກວ່າບ້ານເມືອງ ລາວກໍເລີຍເສຽດິນແດນອັນກວ້າງໃຫຍ່ໃຫ້ກັບກຳພູຊາ. ເພື່ອໃຫ້ຄົນລາວລຸ້ນຫຼັງລືມປະຫວັດແທ້ຂອງເມືອງກະແຈະ ແລະ ຊຽງແຕງຊຶ່ງເປັນເມືອງຂອງຄົນລາວ ກິນເຂົ້າໜຽວ ເຈົ້າສີຫະນຸຈຶ່ງໄດ້ປ່ຽນຊື່ຊຽງແຕງມາເປັນພາສາຂະເໝນວ່າ " ສຕຣອງສແຕຣງ " ຮອດມື້ນີ້...ເລື່ອງນີ້ຈະມີຄວາມຈິງຫຼືບໍ່ພຽງໃດນັ້ນ, ຂ້ານ້ອຍກະບໍ່ຮູ້ ໃຫ້ໄປຖາມຄົນລາວຫຼົງທີ່ຊຽງແຕງພຸ້ນ ເພີ່ນອາດຮູ້ເລື່ອງນີ້ດີ...

ເທົ້າທີ່ຮູ້ມາ ເມືອຊຽງແຕງດຽວນີ້ຂຶ້ນກັບກຳປູເຈຍ. ເປັນເມືອງທີ່ຕິດກັບແຂວງອັດຕະປື ເມືອງນີ້ ເປັນບ້ານເກີດຂອງທ່ານ ຈູມມະລີ ໄຊຍະສອນ ປະທານປະເທດລາວຄົນປະຈຸບັນ. (ອັນນີ້ຮູ້ຈາກພໍ່ແມ່ຂ້າພະເຈົ້າເອງ)