ງານບຸນອອກພັນສາປະວໍລະນາ ແລະ ຊ່ວງເຮືອປະຈຳປີ 2013, ຢູ່ທ່າວັດຈັນ, ນະຄອຫຼວງວຽງຈັນ, ໄດ້ເລີ່ມຄົບ ງັນມາ ເປັນເວລາຫຼາຍວັນ ແລະ ໄດ້ສີ້ນສຸດລົງໃນຄ່ຳຄືນຂອງວັນທີ 20 ຕຸລານີ້, ດ້ວຍຄວາມເບີກບານມ່ວນຊື່ນ ແລະ ເຕັມໄປດ້ວຍ ຄວາມເປັນລະບຽບຮຽບຮ້ອຍຂອງມວນຊົນຜູ້ເຂົ້າຮ່ວມ, ແຕ່ໃນຂະນະດຽວກັນ, ຍັງເກີດມີຫ່າງສຽງຈົມວ່າຈາກສັງຄົມກ່ຽວ ກັບຄ່າຝາກລົດໃນງານບຸນ, ທີ່ມີລາຄາແພງເກີນຂໍ້ກຳນົດ, ກົດລະບຽບທີ່ນະຄອນຫຼວງໄດ້ກຳນົດໄວ້ ໃນເບື້ອງຕົ້ນ.
ຄືດັ່ງທີ່ພວກເຮົາໄດ້ຮູ້ແລ້ວ ວ່າກ່ອນການເປີດຕະຫຼາດນັດວາງສະແດງສິນຄ້າຢູ່ໃນງານບຸນຊ່ວງເຮືອທ່ານຮອງ ເຈົ້າຄອງ ນະຄອນຫຼວງວຽງຈັນ, ໄດ້ຖະແຫຼ່ງຜ່ານນັກຂ່າວສືມວນຊົນ, ກ່ຽວກັບຂໍ້ກຳນົດ, ກົດລະບຽບການຄົບງັນ ແລະ ການໃຫ້ບໍລິ ການຕ່າງໆ, ລວມເຖິງການບໍລິການຝາກລົດ ເຊິ່ງໄດ້ລະບຸໄວ້ຢ່າງຈະແຈ້ງ ຄື: ຄ່າຝາກລົດໃຫຍ່ອະນຸຍາດ ໃຫ້ເກັບ ບໍ່ເກີນ 15 ພັນ ກີບ/ຄັນ, ລົດຈັກບໍ່ໃຫ້ ເກີນ 5 ພັນກີບ/ຄັນ, ລົດຖີບບໍ່ໃຫ້ເກີນ 2 ພັນກີບ/ຄັນ ແລະ ຄ່າບໍ ລິການຫ້ອງນ້ຳບໍ່ໃຫ້ເກີນ 2 ພັນ ກີບ/ຄັ້ງ, ແຕ່ໃນທາງປະຕິບັດຕົວຈິງຜູ້ປະກອບການຝາກລົດເກືອບທຸກບ່ອນຊ້ຳພັດບໍ່ ເຄົາລົບຕາມຂໍ້ກຳນົດດັ່ງກ່າວ ແລະ ສວຍໂອກາດຂຶ້ນຄ່າຝາກລົດຕາມລຳພັງ ດ້ວຍລາຄາສູງທົບເທົ່າຕົວເຊັ່ນ: ລົດຈັກກັບ ເຖິງ 10 ພັນກີບ/ຄັນ, ລົດໃຫຍ່ເກັບເຖິງ 30 ພັນກີບ/ ຄັນ, ຕໍ່ບັນຫາດັ່ງກ່າວຜູ້ຮັບສຳປະທານຝາກລົດບໍ່ພຽງແຕ່ລະ ເມີດຕໍ່ຂໍ້ກຳນນົດທີ່ທາງການວາງອອກເທົ່ານັ້ນ,
ແຕ່ຍັງເປັນການສວຍໃຊ້ງານບຸນປະເພນີອັນດີງາມດັ່ງກ່າວເພື່ອຫາເງິນ ເຂົ້າຖົງຕົນເອງ, ໂດຍບໍ່ສົນໃຈ, ບໍ່ຄຳນຶງເຖິງຄົນອື່ນ ແລະ ງານບຸນປະເພນີອັນດີງາມທີ່ທົ່ວສັງຄົມຮ່ວມກັນຈັດຂື້ນ ເພື່ອຮັກສາໄວ້ຮີດຄອງປະເພນີອັນດີງາມຂອງຊາດ ແລະ ເຖິງຢ່າງໃດ ກໍດີຕໍ່ບັນຫານີ້ພາກສ່ວນກ່ຽວຂ້ອງຄວນທົບທຶນຄືນ ແລະ ວາງມາດຕະການເດັດຂາດຕໍ່ພວກມັກສວຍໂອດັ່ງກ່າວ, ເພື່ອບໍ່ໃຫ້ ບັນຫາດັ່ງກ່າວນີ້ເກີດຂື້ນອີກເນື່ອງຈາກຍັງ ບໍ່ພໍ ເທົ່າໃດອາທິດຂ້າງໜ້ານີ້ງານບຸນນະມັດສະການພະທາດຫຼວງເຊິ່ງເປັນປາງບຸນໃຫຍ່ຂອງລາວເຮົາກໍຈະມາຮອດແລ້ວ, ດັ່ງ ນັ້ນຜູ້ຮັບຜິດຊອບຄວນມີມາດຕະການລະງັບໄວ້ແຕ່ຫົວທີຈຶ່ງຈະເປັນການດີ, ເພື່ອໃຫ້ງານບຸນປະເພນີ້ດຳເນີນໄປດ້ວຍ ບັນຍາກາດເບີກບານມ່ວນຊື່ນ ແລະ ຮັກສາໄວ້ໄດ້ຮີດຄອງປະເພນີອັນດີງາມຂອງຊາດລາວເຮົາ.