ທ່ານ ຊູ ຢຸຍກວາງ ອຳນວຍການບໍລິສັດພັດທະນາເສດຖະກິດການຄ້າຄົບວົງ ຈອນໜອງຈັນຕອນເໜືອຈຳກັດ ເຊິ່ງ ເປັນເຈົ້າຂອງໂຄງການກໍ່ສ້າງວຽງຈັນເຊັນເຕີ ທີ່ພວມດຳເນີນການກໍ່ສ້າງໃນເຂດບ້ານໜອງຈັນ ເມືອງສີສັດຕະນາກ, ນະຄອນ ຫລວງວຽງຈັນ ໃຫ້ສຳພາດຕໍ່ນັກຂ່າວ ໃນວັນທີ 25 ກັນຍານີ້ວ່າ: ໂຄງການວຽງຈັນ ເຊັນເຕີ (VIENTIANE CENTER) ແມ່ນໂຄງການກໍ່ສ້າງສູນການຄ້າຂະໜາດ ໃຫຍ່ ແລະ ເຂດເສດຖະກິດທີ່ທັນສະໄໝອີກແຫ່ງໜຶ່ງຢູ່ໃຈກາງຕົວເມືອງນະຄອນ ຫລວງວຽງຈັນ, ປັດຈຸບັນການກໍ່ສ້າງໃນ ໄລຍະທຳອິດມີຄວາມຄືບໜ້າປະມານ 30%.
ທ່ານ ຊູ ຢຸຍກວາງ ກ່າວວ່າ: ໂຄງການນີ້, ແມ່ນການຮ່ວມມືລົງທຶນລະຫວ່າງບໍລິສັດອຸດສະຫະກຳກໍ່ສ້າງ ຢຸນນານ ກຣຸບ ຈຳກັດ ແລະ ບໍລິສັດ ກິດຕະພົງ ຈຳກັດ ມີມູນຄ່າການລົງທຶນທັງໝົດ 120 ລ້ານໂດລາສະຫະລັດ ແລະ ໄດ້ແບ່ງການກໍ່ສ້າງ ເປັນ 3 ໄລຍະຄື: ໄລຍະທີ່ໜຶ່ງແມ່ນກໍ່ສ້າງອາຄານສູນການຄ້າຂະໜາດໃຫຍ່ສູງ 4 ຊັ້ນ, ບ່ອນຈອດລົດຊັ້ນໃຕ້ດິນທີ່ສາມາດ
