Pasalao

 

ຂ້ອຍກໍ່ເບິ່ງຂ່າງ ຊ່ອງນີ້ ຄືກັນ 

ຮູ້ສຶກວ່າ ເຂົາເຈົ້າເວົ້າ ວົກໄປວຽນມາ

ໂດຍສະເພາະຂ່າວ ຕອບສະໜອງກະແສໄຟຟ້າ ຂອງໄຟຟ້າລາວ ພິທີກອນຊາຍເວົ້າແລ້ວ ພິທີກອນຍິງ ມາເວົ້າອັນເກົ່າ ຊໍ້າອີກ ແລະ ພິທີກອນຊາຍ ກໍ່ເວົ້າອັນເກົ່າຊໍ້າອີກ

ສະຫຼຸບ ຂ່າວອັນດຽວ ເວົ້າ ວົນໄປວຽນມາ ໄດ້ປະມານ ສາມຮອບ ຫຼືເພິ່ນຢາກເວົ້າ ຈົນກ່ວາ ຮູບພາບໃນຂ່າວໜົດ. ຄວນໃຫ້ມັນກະທັດຮັດ ກ່ວານີ້ 

ຊ່ອງ NLTV ກາທາດຫລວງກໍ່ຄືກັນຫັນລະ ທ້າວ ຫຸມພັນ ກັບ ນາງ ອາໂນມາ

ເພີ່ນຫັ້ນ, ບາງຄັງກໍ່ເວົ້າເກີນໜ້າທີ່ຂອງໂຕເອງ, ບາງຄັງກໍ່ຍາດກັນເວົ້າ

 

ດີບ່ດີມັນຕັດສີນຢູ່ສ້າງລາຍການທີ່ມີປະໂຫຍດແລະໜ້າສົນໃຈ ບໍແມ່ນລະບົບHD

 

ຢ່າໄປທຽບຂ່າວລາວ ໃສ່ ຂ່າວໄທ ຫຼາຍ ເຂົາເຈົ້າມີພະນັກງານເປັນພັນ ເຮັດວຽກ ຢູ່ສະຖານີໜຶ່ງ

ໄປທຽບໃສ່ຄົນເກ່ງແລ້ວ ຂອງເຮົາ ມັນກໍ່ບໍ່ດີໄປໜົດແລ້ວ

ຄວນທຽບສະຖານີລາວ ໃສ່ສະຖານີ ຂອງກໍາປູເຈຍ ຫຼື ປະເທດ ດ້ອຍພັດທະນາ ອື່ນໆ ແລ້ວ ເຮົາ ຈະຍ້ອນ ສະຖານີຂອງເຮົາເອັງ ວ່າ ພັດທະນາຫຼາຍ

 

ຂ້ອຍບໍ່ຈຳເປັນໄປສະມັກວຽກເພີ້ມເຕີມດອກ ຂ້ອຍມີວຽກເຮັດງານທຳທີ່ຫມັ້ນຄົງ ເງີນຂ້ອຍຕັ້ງສະຖານີແຂ່ງທີວີລາວກໍ່ຄືຊີ່ໄດ້ແບບສະບາຍໆຖ້າຂ້ອຍຢາກເຮັດ ເພາະຂ້ອຍລວຍ ທີ່ຂ້ອຍອອກມາເວົ້າເພາະຢາກເຕືອນສະຕິພວກເຈົ້າວ່າ ຢ່າດູຖູກຄົນລາວ ຢ່າຄິດວ່າຄົນລາວໂງ່ ການກະທຳຂອງພວກເຈົ້າໃຜໆກໍ່ເບິ່ງອອກ ຂຽນ SMS ຍ້ອງຕົນເອງ ອອກຊ້ຳໄປຊຳມາ (ພິທີກອນຄືເກັ່ງແທ້, ລາວນຳໜ້າໃນອາຊຽນ, ຂ່າວທັນເຫດການ, ລາຍການອັບເດດຕະລອດ ແລະອື່ນໆ) ບາດຕົວຈິງໄປເອົາລາຍການເກົ່າໂທລະພາບແຫ່ງຊາດມາອອກລົບໄປລົບມາ, ພິທີກອນວາງມາດເອົາແທ້ເອົາວ່າ ນາງຜູ້ຍີງເຮັດຕາຢືດ ໜ້າຍາວປານຢາປວດຫາຍ ຍອມຮັບຄວາມຈີງແລ້ວນຳໄປປັບປຸງຄືນ SMS ຂີ້ຕົວະເຊົາອອກສາ ມັນຊີ່ເສຍຊື່ປະເທດລາວ

Anonymous wrote:

---

ເຈົ້ານັ້ນໂງ່ທີ່ ສຸດ ຄົນລວຍເຂົາບໍ່ອອກ ມາອ້າງໂຕເອງວ່າລວຍດອກ 

---

ອອກຊີ່ຜິດໃຜແນວບໍ່ໄດ້ເອົາຮູບມາລົງ ເອົາຊື່ມາບອກ ແຕ່ວ່າທີ່ແນ່ໆ ເຈົ້າແມ່ນເຈົ້າຂອງທີວີຫລອກລວງນີ້ແມ່ນບໍ່ ຄັນບໍ່ແມ່ນກໍ່ຄືຊີ່ແມ່ນຂີ້ຂ້າເຂົາເນາະ ເພິ່ນເຕືອນດີໆພັດປະຕິເສດ ເຈົ້ານັ້ນລະໂງ່ ສຸພາສິດເວົ້າວ່າ ຈົ່ງເຕືອນຄົນທີ່ເຕືອນໄດ້ ຂ້ອຍຊີ່ເຊົາຕອບໂຕ້ເຈົ້າແລ້ວເດີ ເວົ້າໄປເອງໂລດ

hahahahahaha!!!! self-overestimated people, it doesn't existe anywhere in this world but in our country : Lao PDR

ຂາກຖຸ່ຍ...!

ໂອ...!ຂໍໂທດຖືກສາຍTV

Anonymous wrote:

---

ຊ້ອງລາວສະຕາກະຄືກັນຫັ້ນລະ ພີທີກ່ອນຊາຍ3ບັກຫັ້ນແຫ່ງຄັກ (ບັກກິນ້ອຍ, ບັກປ້ອມ, ບັກຈອ່ຍ)

ຍາດກັນເວົ້າ, ເຮັດຄືຕົນເອງຮູ້ດີກວ່າຜູ້ຊົມ, ຢາກເຫັນລະເບີ່ງລາຍການສະໂມສອນຊາວບ້ານ ວັນເສົາວັນທິດເດີ້

---

 ຫະຫະຫະຫະ ບັກມືດກວ່າໝູ່ຫັ້ນແຮ່ງເຕັກ

ລາຍການຂອງ ບັກໂຈ້ ດອນແດງຫລື ໂຈ້ແອດເວັນເຈີ້ກະຄືກັນ.

ທີເຮັດລາຍການ ສາລະຄະດີກ່ຽວກັບລາວຫັ້ນ, ອ້າຍນີ້ກະເຮັດຄືຮູ້ດີກວ່າຫມູ່ຫມົດ, ລາຍການສ່ວນຫລາຍກະເນັ້ນແຕ່ຂັບລົດລຸຍຂີ້ຕົ້ມຂັບຂື້ນມາໃດ້ລະກະວ່າໂຕເກັ່ງ

ຢາກສະແດງວ່າອັນໃດໂຕກະຮູ້ຫມົດ

Anonymous wrote:

---

ຂໍສອດນໍາແດ່

ເຂົ້າເອີ່ນວ່າດ້ອຍພັດທະນາ ໝາຍຄວາມວ່າການສ້າງລາຍການບໍ່ມີກອບຄິດ ແລະຄິດແບບຮອບຄອບ 

ແນວຄິດຫຼື concept ເປັນສິ່ງທີ່ສໍາຄັນກວ່າໝູ່ ສິ່ງທີ່ເຈົ້າຕ້ອງການນໍາສະເໜີຫັນແມ່ນຫຍັງ ວິທີທີ່ຈະນໍາສະເໜີເຮັດແນວໃດ ໃຜຄວນທີ່ຈະນໍາສະເໜີມີຄວາມຮູ້ຄວາມສາມາດໃນເລື່ອງນັ້ນແລະເປັນຜູ້ຊ່ຽວຊານພ້ອມທັ້ງມີສິນລະປະໃນການນໍາສະເໜີ ແຕ່ວ່າລາຍການຂອງລາວເປັນລັກສະນະຂອງການຈັບຈູດບໍ່ມີຄວາມເປັນມືອາຊີບ ສ່ວນຫຼາຍເປັນພວກມວຍວັດ ຂາດຂໍ້ມູນ ການນໍາສະເໜີລາຍການແບບນີ້ເປັນການດູຖູກຜູ້ຊົມ ເພາະຜູ້ຊົມເປັນຄົນຈໍານວນຫຼາຍຂອງສັງຄົມແລະມີທຸກຄວາມຊ່ຽວຊານແລະສາຂາອາຊີບ ຖ້າເຈົ້າເປັນຜູ້ສື່ຂ່າວຫຼືຜູ້ຈັດລາຍການທີ່ບໍ່ເປັນມືອາຊີບຢ່າເຮັດດີກວ່າເພາະມັນເປັນການທໍາລາຍຕົນເອງ ຖ້າຈະເຮັດຕ້ອງລົງທຶນສູງແດ່ສັນຫາຜູ້ທີ່ຊ່ຽວຊານມາເຮັດ ຖ້າເຮັດຄືປະຈຸບັນກະຫັນໄປເປັນທໍລະທັດດາວທຽມຂາຍຢາ ຂາຍສິນຄ້າດີກວ່າ ແລະບໍ່ຕ້ອງເປັນທໍລະທັດສາທາລະນະ ເພາະມັນບໍ່ຕ້ອງການຄວາມເປັນມືອາຊີບສູງ. 

---

 ຂ້ອຍຄິດວ່າບຸກຄະລາກອນຂອງເຂົ້າເຈົ້າຄືຊິຄັດເອົາຄົນທີ່ມີຄວາມກ້າສະແດງອອກ ເວົ້າຈາລຽນໄຫລໄວປານຟ້າແມບມາອັນດັບຕົ້ນ

ສ່ວນວ່າຊິມີຄວາມຮູ້ ມີວິຊາການ ລະດັບມືອາຊີບຄົງຈະມາທີຫລັງ ເອີ່ ແຕ່ລະຄົນຈື່ງອອກມາແນວນັ້ນ/ ແຕ່ເລີ້ມເຫັນຜູ້ອ່ານຂ່າວຊ່ອງ ໂທລະທັດລາວແຫ່ງຊາດ

ເລີ້ມມີການປັບປຸງພັດທະນາ ທັ້ງທາງດ້ານ ເສື້ອຜ້າຫນ້າຜົມ ການເວົ້າວ່າ ກິລິຍາມາລະຍາດ ເລີ້ມດີຂື້ນແລ້ວ ອັນນີ້ກະຊົມເຊີຍເຂົາເຈົ້າທີ່ຕື່ນຕົວເນາະ

ປຊຊ ຖີ່ນຕົມ wrote:

---

ທໍລະທັດລາວ ບໍ່ວ່າ ສະຖານີໃດ ກະຄືກັນໝົດ ໂດຍສະເພາະໂຄສົກ ສະຖານີ ຕຳຫລວດ ຫັ້ນເວົ້າອະລຳພະບົດຈັບໃຈຄວາມໄດ້ ຍາກເວົ້າໄປແບບຄືວ່າເພີ່ນເກ່ງໝົດ, ຮູ້ໝົດ ແລະ ອັນເປັນຕາໜ່າຍ ກວ່າໝູ່ ແມ່ນທຸກເຫດການປະກົດການຫຍໍ້ທໍ້ໃນສັງຄົມ ບັນຍາຍໄປນຳ ແລະ ສຸດທ້າຍ ກໍ່ສັ່ງສອນຜູ້ຊົມເກືອບ ທຸກໆເລື້ອງ, ຈົບຂ່າວໜື່ງ ກີນເວລາເກືອບ ສີ່ ຫາ ຫ້າ ນາທີ...

ເບີ່ງກັນຄືນໃໝ່ໄດ້ແລ້ວ ທ່ານເຈົ້ານາຍເອີຍ ບ້ານໄກ້ເຮືອນຄຽງ ເພີ່ນໄປໄກຫລາຍແລ້ວ....

---

 ຂ້ອງໃຈຫລາຍໆ ເປັນຫຍັງໂຄສົກ ຊ່ອງຕຳຫລວດ ມາຈັດການກ່າວແຕ່ສະບາຍ ແຕ່ບໍ່ຍົກມືໄຫວ້ ເຫດຜົນຫຍັງຈຶ່ງເປັນແບບນັ້ນ

ເບື່ອຫລາຍແມ່ນລາຍການສະໂມສອນຊາວບ້ານອອກອາກາດວັນເສົາແລະວັນອາທິດ ປະມານ 8 ໂມງນີ້ລະ.

ມີ4 ພີທີກອນຊາຍ: ຫນຸ່ມປ້ອມ, ຫນຸ່ມກິນ້ອຍ, ບັກລີງກິນ້ອຍ, ບັກຈ່ອຍດຳ.

ເບີ່ງມັນດຳເນີນລາຍການແລ້ວຄືມັນບໍ່ເຮັດການບ້ານມານີ້ລະ,ມານັ່ງອ່ານຫນັງສືພີມໃຫ້ຜູ້ຊົມຟັງ, ອ່ານກະຕຸກກະຕັກ, ລະກະເວົ້າເລື້ອງນັ້ນເລື້ອງນີ້ ຄືເພີ່ນເປັນຄົນດີມີລະບຽບກວ່າຫມູ່ໃນສັງຄົມນີ້ລະ,

ບາງເທື່ອກະມີສາຍໂທເຂົ້າມາໃນເວລາອອກອາກາດ ເພີ່ນກະຮັບສາຍເສີຍນີ້ລະ. ບາງຄັ້ງກະເອົາໂທລະສັບມາໂຊວ່າເພີ່ນມີໄອໂຟນ ໄອແພດໃຊ້. ບັກກິນ້ອຍແຮ່ງຄັກຕັ້ງແຕ່ມາແຕ່ອາເມລີກາແຮ່ງໂມ້ໃຫ່ຍ.

ບາງຄັ້ງກະຍາດກັນເວົ້າໂດຍບໍ່ເປີດໂອກາດໃຫ້ຄົນອື່ນເວົ້າແດ່...

Anonymous wrote:

---

Anonymous wrote:

---

ຂ້ອຍຢູ່ວຽງຈັນແທ້ໆຂ້ອຍຍັງບໍ່ເບິ່ງທີວິລາວຈັກຊ່ອງເລີຍເພາະວ່າ

ບໍ່ມັກລາຍການແລະທັງຜູ່ຈັດລາຍການ. ມີຕາຍແຕ່ເພງກັບລຳ

24-7 ເອົາໂລດຈົນເບື່ອ, ເວົ້າເລື່ອງຂ່າວປະຈຳວັນວ່າເປັນຂ່າວສົດໆ

ຂອງແຕ່ລະສະຖານນີນັ້ນແມ່ນມີເຫດການເກີດຂຶ້ນຜ່ານມາໄດ້ເປັນ

2-3 ອາທິດແລ້ວຈັ່ງເອົາມາອອກອາກາດ. ເບິ່ງທີວີໄທດີກ່ວາ.

---

 ຂ່າວຊ່ອງລາວມີແຕ່ຂ່າວ ແຊ່ເຢັນ ຂ່າວແຮມຄືນເກືອບທັງຫມົດເລີຍ

---

ຖ້າເປັນຂ່າວແຮມຄືນກໍຍັງໄຄຕົ້ວ ແຕ່ຂ່າວທຸກຂ່າວແມ່ນຂ່າວແຮມທິດແຮມເດືອນນັ້ນຕິ.

ຂ່າວຄົນຂີ້ລັກລົດ ດຶງສ້ອຍຄໍແລະມືຖື ງັດແງະຂຶ້ນເຮືອນໄທບ້ານ ແບບນີ້ແຮງມິດໄປເລີຍຢ່າງ

ບໍ່ເອົາອອກມາເປັນຂ່າວ ຫລືຂ່າວເຫດຮ້າຍປະຈຳວັນເລີຍ ເພາະທາງ ກຊ ປ້ອງກັນຄວາມສະ

ຫງົບຢ້ານເສຍໜ້າວ່າຮັກສາຄວາມປອດໄພໃຫ້ປະຊາຊົນບໍ່ໄດ້ ແລະສຳຄັນທີ່ສຸດພວກທີ່ເປັນ

ຄົນຮ້າຍແລະຖືກຈັບໄດ້ນັ້ນລ້ວນແລ້ວແຕ່ເປັນຄົນວຽດຄົນແກວເຂົ້າເມືອງຜິດກົດໝາຍທັງ

ນັ້ນ ກໍເລີຍຖືກໄມ້ສີ່ແປດອົງເດືອກອັນປາກໄວ້ບໍ່ໃຫ້ນຳເອົາຂ່າວມາອອກເພື່ອປິດຫູບັງຕາຄົນ

ລາວເຈົ້າຂອງບ້ານເພື່ອບໍ່ໃຫ້ມີອັກຄະຕິກັບອ້າຍນ້ອງຄົນແກວ.

ອັນອອກຂ່າວໄວແລະທັນໃຈທີ່ສຸດນັ້ນແມ່ນຂ່າວລະຫວ່າງຜູ້ນຳລາວແລະແກວຜ່ຽນຝຽນກັນ

ໄປມາຫາສູ່ກັນ ບໍ່ວ່າໃນກໍລະນີໃດກໍຕາມ ຫລືມີເລື່ອງໃດກໍຕາມ ແມ່ນຂ່າວອອກມາຕົງເປະກັບ

ວັນເວລານັ້ນໆໂລດ ອັນ Live News ປະເພດນີ້ນັ້ນ ຊາໃຈທາງກົມຂ່າວສານປະເທດລາວຢາກ

ເອົາຂ່າວມາອອກກ່ອນວັນເວລາພຸ້ນສາລະລາ.

ເວົ້າພື້ນລາຍການບັນເທີງເພິ່ນຫັ້ນ ບໍ່ວ່າຊອ່ງໃດກໍຄືກັນແມ່ນເປີດເພງແລະລຳກ້ຽວໄປວຽນມາ

ຢູ່ຫັ້ນແລ້ວໝົດມື້ໝົດຄືນເອົາໂລດ, ທາງລາຍການໜັງຫລືຮູບເງົາກໍເອົາແຕ່ໜັງສາກົນຝຣັ່ງ

ອັງກິດມາສາຍ ໜັງລາວໜັງໄທອັນຄົນລາວນິຍົມເບິ່ງຫລືມັກນັ້ນແມ່ນເກືອບບໍ່ມີເລີຍ. ຍັງໄກ

ກັບຄວາມຈະເລີນຫລາຍຖ້າທຽບໃສ່ປະເທດເພື່ອນບ້ານແລ້ວ. ເບື່ອໆໆໆໆໆໆໆໆໆໆໆໆໆໆໆໆໆໆໆ

ຢູ່ປະເທດຍີ່ປຸ່ນ ເຂົາເປີດກວ້າງສຸດໆ ເຊີນຄົນຕ່າງປະເທດແຕ່ລະປະເທດມາອອກ ລາຍການ ໃຜເວົ້າຫຼາຍໄດ້ເງິນຫຼາຍ ໃຜບໍ່ເວົ້າໄດ້ໜ້ອຍດຽວ

ເຮັດແນວນີ້ ກໍ່ເປັນສ່ວນໜຶ່ງເຮັດໃຫ້ສັງຄົມເຂົາເຂັ້ມແຂງ ຍ້ອນຄົນຕ່າງປະເທດວິຈານໃຫ້ຟັງແບບ ກົງໄປກົງມາ ບໍ່ຕ້ອງເກງໃຈ,..........

 

ໃຜກະໃດ້ຊ່ວຍເອົາໄປໂຟດສໃຫ້ມັນຮູ້ແດ່ວ່າມີຄົນວີຈານມັນຢູ່ນີ້

ບາງເທື່ອເຫັນທ້າວກິນ້ອຍແລ້ວເຮົາລະຍ້າຍສະຖານີເລີຍ, ທ້າວອັນນີ້ບໍ່ຄ່ອຍມີໝາລະຍາດປານໃດ ລາວສະແດງໂຕແບບບໍ່ແຄຜູ້ຊົມເລີຍ ແລະບໍ່ສົນວ່າຜູ້ຊົມນັ້ນອາດແມ່ນພະສົງ ອົງຄະເຈົ້າ, ບັນດາລັດຖະມົນຕີ ຫົວໜ້າກົມ, ພະນັກງານ, ຜູ້ຊົງຄຸນວຸທິ ສະນັ້ນລາວຄວນປ່ຽນວິທີໃນການສະແດງອອກຂອງລາວໃຫ້ເໝາະສົມກວ່ານັ້ນ.