Pasalao

ຮຽນ ທ່ານ ລມຕ ການເງີນ ອີງຕາມແຈ້ງການເລດທີ່ 765 ລົງວັນທີ່ 4 ກໍລະກົດ 2013 ຂໍ້1 ທີ່ໄດ້ໃຫ້ອຳນາດເຈົ້າຫນ້າທີ່ຊັບສີນໄປກວດກາໄມ້ເພື່ອສົ່ງອອກຕ່າງປະເທດຢູ່ສະຫນາມສອງນັ້ນ ຖ້າແມ່ນໄມ່ທ່ອນ ໄມ້ແປຮູບ ພວກເຮົາບໍ່ຂັດຂ້ອງ ແຕ່ວ່າຖ້າເປັນຜະລິດຕະພັນ ເກິ່ງ ແລະ ສຳເລັດຮູບ ເຫັນວ່າບໍ່ຖືກຕ້ອງເພາະຜະລິດຕະພັນດັ່ງກ່າວໄດ້ຜ່ານການປຸງແຕ່ງແລ້ວ ແລະໄດ້ມີການຍົກເວັ້ນພາສີຂາອອກ ສະນັ້ນການທີ່ມາກວມເອົາຜະລິດຕະພັນ ເກິ່ງ ແລະສຳເລັດຮູບເຂົ້ານຳແມ່ນເປັນການສ້າງຄວາມຫຍຸ້ງຍາກ ຊັກຊ້າ ເສຍຄ່າໃຊ້ຈ່າຍເພີ້ມ ໂດຍບໍ່ຈຳເປັນ ທັງເປັນການຂັດກັບນະໂຍບາຍທີ່ທາງການຄ້າ ແລະພາສີໄດ້ຕົກລົງກັບ ອາຊຽນ ແລະການຄ້າໂລກໄວ້ ແລະຍັງເປັນການປະຕິບັດສວນທາງກັບມະຕິ 9 ຂອງກົມການເມືອງສູນກາງພັກ ວ່າດ້ວຍບຸທະລະດ້ານການອຳນວຍຄວາມສະດວກຕ່າງໆ. ພວກເຮົາບັນດາຜູ້ປະກອບການເຟີນິເຈີທາງແຂວງໄຊຍະບູລີ ຊຽງຂວາງ ວຽງຈັນ ຄຳມ່ວນ ແລະສະຫັວນນະເຂດແມ່ນໄດ້ພົບປັນຫາຫຍຸ້ງຍາກຈາກແຈ້ງການຂອງທ່ານເຊັ່ນດຽວກັນ ມີຄ່າໃຊ້ຈ່າຍໃນການໄປຮັບ ສົ່ງພະນັກງານຊັບສີນ ແດ່ ປ່າໄມ້ແດ່ ມາກວດຂຶ້ນລົດກໍ່ມາບໍ່ພ້ອມກັນ ມາແຕ່ລະຄັ້ງຢ່າງນ້ອຍສອງຫາສາມຄົນ ພັດຂໍກີນນ້ຳຄົນລະ 1000ບາດເປັນຢ່າງນ້ອຍ ເສຍເວລາເພີ້ມຂຶ້ນເພາະພະນັກງານຊັບສີນມີນ້ອຍ ຍິ່ງໄປກ່ວານັ້ນ ເວລາມາເຫັນເຟີນີເຈີພັດຂໍອີກຄົນລະຊຸດ ຍັງບໍພໍຂໍໄປຕ້ອນນາຍອີກ ຊີໃຫ້ເຮັດແນວໃດຄັນບໍ່ໃຫ້ແມ່ນຫາວິທີກັ່ນແກ້ງ ກົດຫນ່ວງຖ່ວງດຶງເອກະສານ ນີ້ຂະຫນາດວ່າເປັນສີນຄ້າຍົກເວັ້ນພາສີຂາອອກ ແລະກໍ່ມີເອກະສານຄົບຖ້ວນຫມົດທຸກປະການ ນອກຈາກປ່າໄມ້ ຊັບສີນ ແລ້ວຍັງມີ ອາກອນ ກວດການການຄ້າ ຕຳລວດເສດຖະກິດ ກວດກາປ່າໄມ້ ຊິງຊັ່ງນ້ຳຫນັກ ຈ່າຍໄປຫມົດທຸກຫນ່ວຍງານລົດລະ 2000 ຫາ 5000ບາດ ຕໍ່ ຫນ່ວຍງານ ແລ້ວແຕ່ໃຜຊີ້ຮ້ອງເອົາ ບາດໄປຮອດດ່ານພາສີກໍ່ກວດເອົາແທ້ເອົາວ່າ ຈັກເອກະສານ ຈັກຜ່ານເຄື່ອງສະແກນເນີ ຫມົດມື້ຈຶ່ງອອກໄດ້ ອັນນີ້ກໍ່ຈ່າຍເປັນບ່ອນໆໄປນັບແຕ່ຮັບເອກະສານ ເຂົ້າເລກທີ່ ເຊັນຫົວຫນ້າ ຈຸງານກວດກາແມ່ນສຸດທ້າຍ ຫາກບໍ່ແພງປານໃດບ່ອນລະ ແສນກີບ, ກົງກັນຂ້າມ ບາດໄມ້ທ່ອນ ໄມ້ແປຮູບ ບໍ່ມີຫນັງສືຈັກໂຕ ພັດບໍ່ມີການກວດກາຈາກພາກສ່ວນໃດໆ ມາຮອດດ່ານກໍ່ແລ່ນຜ່ານໄປທຶດໆເທື່ອລະ 50 ຄັນເປັນຢ່າງນ້ອຍ ຄືບໍ່ພາກັນໄປກວດແດ່ ສະເຫນີທ່ານທົບທວນຄືນແຈ້ງການດັ່ງກ່າວ ຂໍຂອບໃຈ