ກະຊວງແຮງງານ ແລະ ສະຫວັດດີການສັງຄົມເປີດເຜີຍ ວ່າ: ປັດຈຸບັນຢູ່ ສປປ ລາວ ມີແຮງງານຕ່າງປະເທດທີ່ເຂົ້າ ມາທຳມາຫາກິນ ແລະ ປະກອບທຸລະກິດຕ່າງໆເປັນຈຳນວນຫລາຍມີທັງແຮງງານຖືກຕ້ອງຕາມລະບຽບກົດໝາຍ ແລະ ລັກ ລອບເຂົ້າມາເຮັດວຽກໂດຍບໍ່ຖືກຕ້ອງຄືສົກປີ 2012- 2013 ລາວໄດ້ອະນຸຍາດນຳເຂົ້າແຮງງານຕ່າງປະເທດ ຈຳນວນ 1.779 ຄົນ, ໃນນັ້ນມີແຮງງານເພດຍິງ 211 ຄົນ ແລະ ມາຮອດດຽວນີ້ສາມາດຂຶ້ນທະບຽນໄດ້ແລ້ວ 1.500 ກວ່າຄົນ, ຍິງ 26 ຄົນ ແລະ ໄດ້ຕໍ່ບັດອະນຸຍາດໃຫ້ແຮງງານຕ່າງປະເທດ 1.358 ຄົນແລະ ໄດ້ອະນຸມັດໂກຕ້ານຳເຂົ້າແຮງງານຕ່າງປະເທດຕື່ມອີກ 20.000 ຄົນ ເພື່ອຈັດຕັ້ງປະຕິບັດໂຄງການລົງທຶນຕ່າງໆໃຫ້ສຳເລັດຜົນໂດຍໄວ.
ກະຊວງແຮງງານ ແຈ້ງວ່າ: ປັດຈຸບັນ ສະເພາະຢູ່ນະຄອນ ຫລວງວຽງຈັນໄດ້ມີແຮງງານຕ່າງປະເທດດຳລົງຊີວິດຢູ່ເປັນຈຳນວນບໍ່ໜ້ອຍເພື່ອປະກອບອາຊີບຕ່າງໆນັບແຕ່ຂາຍເຄື່ອງຕາມບ້ານຕ່າງໆ. ການນຳເຂົ້າແຮງງານດັ່ງກ່າວກໍມີທັງອັນ ຕັ້ງ ໜ້າ
ແລະ ສິ່ງຫຍໍ້ທໍ້ຂອງມັນອັນ ຕັ້ງໜ້າກໍຄືການເປີດກວ້າງການລົງທຶນຂອງຕ່າງປະເທດຊ່ວຍການຂາດເຂີນແຮງງານທີ່ມີສີມື ແລະ ອື່ນໆ, ສ່ວນຜົນເສຍກໍອາດຈະເກີດມີບັນຫາຍາດແຍ່ງອາຊີບຂອງແຮງງານພາຍໃນປະເທດ. ພ້ອມຍັງເກີດມີປາ ກົດການສ້າງຄອບຄົວກັບຄົນລາວແບບບໍ່ຖືກຕ້ອງຕາມກົດ ໝາຍ ເຊິ່ງຈະເຮັດໃຫ້ເກີດບັນຫາສັງຄົມຕາມມາ ເພື່ອແກ້ໄຂບັນຫາດັ່ງກ່າວໃຫ້ມີປະສິດທິຜົນ, ຜູ້ເຮັດວຽກຄຸ້ມຄອງການເຂົ້າ-ອອກປະເທດຈະຕ້ອງໄດ້ອອກແຮງເພີ່ມຄວາມເຂັ້ມງວດທາງດ້ານກົດ ໝາຍໃຫ້ຫລາຍຂຶ້ນ ໂດຍສະເພາະກະຊວງປ້ອງກັນຄວາມສະຫງົບ, ກະຊວງແຮງງານ ແລະ ສະ ຫວັດດີການສັງຄົມ ແລະ ກະຊວງກະ ຊວງແຜນການ ແລະ ການລົງທຶນພ້ອມກະຊວງອຸດສາຫະກຳ ແລະ ການຄ້າ. ໃນໄລຍະຜ່ານມາກໍໄດ້ມີການກວດກາ ແລະ ແກ້ໄຂຢ່າງຈິງຈັງຈາກຫລາຍພາກສ່ວນ, ແຕ່ສະພາບດັ່ງກ່າວຍັງເປັນບັນຫາທີ່ຫລໍ່ແຫລມ ແລະ ລະອຽດອ່ອນໃນການແກ້ໄຂ.