ເຈົ້າໜ້າທີ່ຕຳຫລວດນະ ຄອນຫລວງວຽງຈັນໄດ້ເຕືອນ ໃຫ້ສັງຄົມມີສະຕິລະວັງຕົວຫລາຍຂຶ້ນໃນການປົກປັກຮັກ ສາສິ່ງຂອງ ແລະ ຊັບສິນມີຄ່າຕ່າງໆຂອງຕົນ ເພື່ອຫລີກເວັ້ນ ການຈູງໃຈໃຫ້ກຸ່ມຄົນບໍ່ດີລົງມືກໍ່ເຫດຊີງຊັບໄປໄດ້ ເພາະປັດ ຈຸບັນ ສະພາບຂີ້ລັກ, ງັດແງະຊີງຊັບ, ດຶງສາຍຄໍກະເປົາພາຍອື່ນໆ ໄດ້ປາກົດມີຂຶ້ນຢ່າງລຽນຕິດ ຄືໃນວັນທີ 26 ກໍລະກົດຜ່ານມານີ້ ໄດ້ມີຄົນຮ້າຍສອງຄົນຂີ່ລົດຈັກກໍ່ເຫດດຶງກະເປົານັກທ່ອງທ່ຽວຕ່າງປະເທດຢູ່ເຂດບ້ານສີເມືອງ ເມືອງສີສັດຕະ ນາກ,ຕໍ່ມາໃນວັນທີ 29 ກໍລະກົດ ກໍມີຄົນຮ້າຍສອງຄົນລົງຈາກລົດ ຈັກມາຍາດເອົາໂທລະສັບມືຖືຂອງນັກທ່ອງທ່ຽວຕ່າງປະເທດ ຢູ່ເຂດບ້ານວັດຈັນ ເມືອງຈັນທະບູລີ ແລະ ໃນວັນທີ 30 ກໍລະກົດ ຄົນຮ້າຍສອງຄົນໄດ້ກໍ່ເຫດດຶງກະເປົາຜູ້ທ່ຽວທາງຢູ່ເຂດບ້ານອານຸ ແລະ ມື້ດຽວກັນ ກໍມີຄົນຮ້າຍສອງຄົນຂີ່ລົດຈັກດຶງກະເປົານັກສຶກສາຢູ່ເຂດບ້ານໂພນສະຫວັນ ເມືອງຈັນທະບູລີ, ຕໍ່ມາວັນທີ 31 ກໍລະກົດ ໄດ້ມີຄົນຮ້າຍກໍ່ເຫດດຶງກະເປົານັກສຶກສາຢູ່ເຂດບ້ານທົ່ງພານທອງ ເມືອງສີສັດຕະນາກ ແລະ ໃນວັນທີ 1, ວັນທີ 3 ແລະ ວັນທີ 5 ສິງຫາ ພວກຄົນບໍ່ດີດັ່ງ ກ່າວຍັງສືບຕໍ່ກໍ່ເຫດດຶງກະເປົາ ແລະ ສາຍຄໍຄຳຢູ່ຫລາຍຈຸດໃນນະຄອນຫລວງວຽງຈັນ ອັນໄດ້ສ້າງຄວາມເສຍຫາຍຕໍ່ຊັບສິນ ແລະ ພາບພົດອັນບໍ່ດີຂອງນະ ຄອນຫລວງວຽງຈັນບໍ່ໜ້ອຍ. ດັ່ງນັ້ນ ຖ້າເບື້ອງເຈົ້າໜ້າທີ່ພວກເຮົາບໍ່ເພີ່ມຄວາມເຂັ້ມແຂງໃນການສະກັດກັ້ນ ແລະ ແກ້ໄຂສະ ພາບຫຍໍ້ທໍ້ດັ່ງກ່າວ ກໍອາດຈະເຮັດໃຫ້ພາບພົດຂອງການທ່ອງທ່ຽວຫລຸດໜ້ອຍຖອຍລົງ.
Pasalao
|
|
||
