ພາຍຫລັງອອກອາກາດມາແຕ່ເດືອນກຸມພາຜ່ານມາ, ປັດຈຸບັນ ສະຖານີໂທລະ ພາບທີວີລາວ ໄດ້ອອກອາກາດໃນລະບົບຄວາມຊັດແຈ້ງສູງ (High Definition- HD) ເຊິ່ງເປັນລະບົບທັນສະໄໝທີ່ສຸດຂອງສື່ໂທລະພາບໃນປັດຈຸບັນ ເຊິ່ງເປັນສະຖານີດຽວຢູ່ ສປປ ລາວ ທີ່ນຳໃຊ້ລະບົບອັນທັນສະໄໝດັ່ງກ່າວ ແລະ ເປັນຜູ້ນຳໜ້າກ້າວໄກກວ່າບັນດາປະເທດໃກ້ຄຽງໃນອາຊຽນ.
ທ່ານ ຫົງຄຳ ສຸວັນນະວົງ ອຳນວຍການສະຖານີໂທລະພາບທີວີລາວ ໄດ້ຖະແຫລງຕໍ່ສື່ມວນຊົນ ໃນວັນທີ 18 ກໍລະກົດນີ້ວ່າ: ການອອກອາກາດຈາກລະບົບທຳມະດາມາເປັນລະບົບ HD ເປັນການປ່ຽນໃໝ່ ແລະ ຍົກລະດັບ ການພັດທະນາຄຸນນະພາບສື່ໂທ ລະພາບໃນລາວໃຫ້ທັນສະໄໝ ແລະທຽບເທົ່າສາກົນ. ເປັນຄວາມ ພາກພູມໃຈທີ່ ສປປ ລາວ ມີການພັດທະນາທາງດ້ານເຕັກໂນໂລຊີກ້າວລ້ຳໜ້າກວ່າຫລາຍປະເທດ ເຊິ່ງປັດຈຸບັນຫລາຍສະ ຖານຍັງນຳໃຊ້ລະບົບອານາລັອກຢູ່.
ສະຖານີໂທລະພາບທີວີລາວ ມີຄວາມພະຍາຍາມທີ່ຈະເປັນຜູ້ນຳສື່ໂທລະພາບໃນ ສປປ ລາວ ໂດຍຈະມີການພັດທະນາ ບໍ່ວ່າທາງດ້ານເຕັກໂນໂລຊີ ແລະ ເນື້ອຫາລາຍການຕ່າງໆໃຫ້ມີຄຸນນະພາບ, ມີຄວາມແຕກຕ່າງຫລາກຫລາຍ, ມີຄວາມທັນສະໄໝ, ທັນເຫດການ ເພື່ອໃຫ້ຄົນລາວ ແລະ ຕ່າງຊາດໄດ້ຮັບຊົມສື່ໂທລະພາບທີ່ມີຄຸນນະ ພາບ ເຖິງວ່າການອອກອາກາດ ໃນລະບົບ HD ຈະຕ້ອງມີການລົງທຶນສູງ ແລະ ຕ້ອງມີການພັດ ທະນາບຸກຄະລາກອນຢ່າງຫລວງ ຫລາຍ.
ການນຳໃຊ້ລະບົບດັ່ງກ່າວໃນການສົ່ງສັນຍານພາບອອກອາ ກາດຈະເຮັດໃຫ້ຜູ້ຊົມທີ່ນຳໃຊ້ໜ່ວຍໂທະລພາບລະບົບຈໍກວ້າງ ແລະ HD ສາມາດຮັບຊົມໄດ້ແຈ້ງຂຶ້ນຫລາຍເທົ່າຈາກລະບົບທຳມະດາ. ສຳລັບຜູ້ທີ່ນຳໃຊ້ໜ່ວຍໂທລະ ພາບລຸ້ນເກົ່າອາດຈະຮັບພາບບໍ່ຊັດແຈ້ງ ແລະ ຮູບພາບອາດຈະ ລົ້ນຈໍ.
ໂທລະພາບທີວີລາວ ປັດຈຸບັນສາມາດຮັບຊົມຜ່ານເຄເບິ້ນລະບົບສາຍຂອງບໍລິສັດມີເດັຍວັນຈຳກັດ ໂດຍສົ່ງສັນ ຍານຜ່ານລະບົບສາຍເຄເບິ້ນໄຟເບີ້ອົບຕິກໃນທົ່ວປະເທດ ເຊິ່ງທາງບໍລິສັດມີເດັຍວັນພວມຈະເປີດຕົວໃຫ້ບໍລິການເຄເບິ້ນທີວີໃນລະບົບດີຈີຕອນ ໂດຍມີ 180 ຊ່ອງ ເຊິ່ງໃນນັ້ນມີຊ່ອງ HD ຈຳນວນ 10 ຊ່ອງ ໃນທ້າຍເດືອນກໍລະ ກົດນີ້ ໂດຍມີຄວາມຫວັງທີ່ຈະນຳສິ່ງດີໆ ທັງດ້ານຄຸນນະພາບ ແລະ ເນື້ອຫາມາສູ່ຄົນລາວ. ນອກຈາກນີ້ ໃນອີກບໍ່ດົນຂ້າງໜ້າ ທ່ານຜູ້ຊົມຈະສາມາດຮັບຊົມການອອກອາກາດຂອງສະຖານີໂທ ລະພາບທີວີລາວລະບົບ HD ຜ່ານດາວທຽມໃນລະບົບ KU Band IPM ຈານຮັບສີສົ້ມ ໂດຍສາມາດຮັບຊົມໄດ້ທົ່ວປະເທດ ແລະ ບັນ ດາປະເທດອາຊຽນທັງໝົດ.
