ເຈົ້າໜ້າທີ່ຫ້ອງຕຳຫຼວດ ນະຄອນຫຼວງວຽງຈັນ ໃຫ້ຮູ້ວ່າ: ໃນເວລາປະມານ 4 ຫາ 5 ໂມງແລງຂອງວັນທີ 20 ກໍລະກົດນີ້ ໄດ້ມີເຫດ ການຜົວຍິງເມຍ ຕາຍແລ້ວຍິງຕົນເອງຕາຍຕາມ ໂດຍປືນສັ້ນ T77 ຢູ່ເຮືອນເຊົ່າ ຫຼັງໜຶ່ງຢູ່ບ້ານ ຫ້ວຍຫົງ ເມືອງ ຈັນທະບູລີ ນະຄອນຫຼວງວຽງ ຈັນ, ຜູ້ເປັນຜົວຊື່ ທ້າວ ສຸກສັນ ພົມມະຈັນ ອາຍຸ 45 ປີ ອາຊີບ ນັກທຸລະກິດ, ເກີດຢູ່ບ້ານ ລິ່ງຊັນ ເມືອງທຸລະຄົມ ແຂວງວຽງຈັນ ແລະ ນາງຈັນດາວັນ (ເມຍ) ອາຍຸ 18 ປີ ອາຊີ ຄ້າຂາຍ ເກີດຢູ່ບ້ານຫຼັກ 27 ເມືອງ ໄຊທານີ ນະຄອນຫຼວງວຽງຈັນ.
ຈາກການສືບສວນ- ສອບ ສວນຜູ້ຢູ່ໃນເຫດການ ໄດ້ຮູ້ວ່າ: ໃນວັນທີ 19 ກໍລະກົດນີ້, ທ້າວ ສຸກສັນ ໄດ້ໄປຢືມປືນນຳທ້າວ ອຸດົມ ອຸດທະລັງສີ ອາຍຸ 39 ປີ ຢູ່ບ້ານ ຕານມີໄຊ ເມືອງ ໄຊທານີ, ປືນດັ່ງ ກ່າວເປັນປືນສັ້ນ T77 ຊຶ່ງມີໃບ ຢັ້ງຢືນອະນຸຍາດນຳໃຊ້ເລກທີ 028, ລົງວັນທີ 18 ມິຖຸນາ 2012 ຊຶ່ງອອກໃຫ້ໂດຍກອງບັນຊາການທະຫານເມືອງ ໄຊທານີ. ເຈົ້າໜ້າທີ່ ຫ້ອງຕຳຫຼວດ ໃຫ້ຮູ້ວ່າ: ຈາກການກວດກາສະຖານທີ່ເກີດເຫດ,ທັງສອງຄົນແມ່ນເສຍຊີວິດຢູ່ຫ້ອງນອນເຮືອນເຊົ່າດັ່ງກ່າວ ຊຶ່ງເມຍຖືກຜົວຍິງໃສ່ຂະມັບເບື້ອງຂວາຊອດອອກ ເບື້ອງຊ້າຍນອນເສຍຊີວິດເທິງຕຽງ, ຈາກນັ້ນຜົວໄດ້ຍິງໂຕເອງເຂົ້າຂະມັບເບື້ອງຂວາຊອດອອກເບື້ອງຊ້າຍເສຍຊີວິດຢູ່ຂ້າງຕຽງ ຊຶ່ງຄະດີດັ່ງກ່າວ, ເຈົ້າໜ້າທີ່ພວມເລັ່ງສືບ ສວນ- ສອບສວນຫາສາເຫດຂອງການຍິງກັນຕາຍທີ່ເກີດຂຶ້ນຄືດັ່ງກ່າວ.
