ກອງປະຊຸມແມ່ນຈະໄດ້ສຸມໃສ່ຄົ້ນຄວ້າພິຈາລະນາບັນຫາສຳຄັນຂອງຊາດຈຳນວນໜຶ່ງ ເຊັ່ນ:
1.ຮັບຟັງການລາຍງານຂອງລັດຖະບານ ກ່ຽວກັບການສະຫຼຸບກາງສະໄໝຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII (2011-2015)
2. ພິຈາລະນາ ແລະ ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນສົກປີ ແລະ ແຜນວຽກຈຸດສຸມ 6 ເດືອນທ້າຍ ປີ 2012-2013 ແລະ ຮ່າງແຜນການສົກປີ 2013-2014 ພິຈາລະນາຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນສົກປີ ສະເໜີດັດແກ້ແຜນງົບປະມານແຫ່ງລັດ 6 ເດືອນທ້າຍສົກປີ 2012-2013 ແລະ ຄາດຄະເນແຜນງົບປະມານສົກປີ 2013-2014
3. ຮັບຟັງການລາຍງານຄວາມພ້ອມຂອງ ສປປ ລາວ ໃນການກະກຽມເຂົ້າເປັນປະຊາຄົມເສດຖະກິດອາຊຽນ ໃນປີ 2015
4. ພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານກວດສອບປະຈຳສົກປີ 2011-2012 ແລະ ທິດທາງການເຄື່ອນໄຫວວຽກງານປະຈຳສົກປີ 2012-2013 ຜົນການກວດສອບບົດສະຫຼຸບຂາດຕົວງົບປະມານແຫ່ງລັດ ສົກປີ 2010-2011 ພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານສົກປີ 2012-2013 ແລະ ທິດທາງວຽກງານສົກປີ 2013-2014 ຂອງສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ
5. ຮັບຟັງ-ພິຈາລະນາໃນບົດລາຍງານການເຄື່ອນໄຫວວຽກງານກາງສະໄໝຂອງສະພາແຫ່ງຊາດ ຊຸດທີ VII ການເຄື່ອນໄຫວວຽກງານສົກປີ 2012-2013 ແລະ ທິດທາງວຽກງານສົກປີ 2013-2014
6. ຮັບຟັງ-ການປະກອບຄຳເຫັນຂອງອົງການແນວລາວສ້າງຊາດ ແລະ ຜູ້ຕາງໜ້າອົງການຈັດຕັ້ງມະຫາຊົນຂັ້ນສູນກາງ ຕໍ່ການເຄື່ອນໄຫວວຽກງານຂອງສະພາແຫ່ງຊາດ
7. ພ້ອມນັ້ນຍັງຈະໄດ້ພິຈາລະນາ ແລະ ຮັບຮອງເອົາກົດໝາຍ ຈຳນວນ 5 ສະບັບ ໃນນັ້ນກົດໝາຍທີ່ສ້າງຂຶ້ນໃໝ່ 3 ສະບັບ ເຊັ່ນ: ກົດໝາຍວ່າດ້ວຍວິທະຍາສາດ-ເຕັກໂນໂລຊີ ກົດໝາຍວ່າດ້ວຍການປະກັນສັງຄົມ ກົດໝາຍວ່າດ້ວຍສະຫະພັນແມ່ຍິງ ສ່ວນກົດໝາຍສະບັບປັບປຸງປະກອບມີ ກົດໝາຍວ່າດ້ວຍອາຫານ ແລະ ກົດໝາຍວ່າດ້ວຍການທ່ອງທ່ຽວ ແລະ ຍັງໄດ້ຮັບຟັງການລາຍງານຮ່າງນະໂຍບາຍທີ່ດິນແຫ່ງຊາດ.
ໃນໂອກາດດັ່ງກ່າວ ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຂຶ້ນຜ່ານບົດລາຍງານຂອງລັດຖະບານ ກ່ຽວກັບການສະຫຼຸບກາງສະໄໝ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VII ຊຶ່ງເຫັນໄດ້ວ່າມີຫຼາຍໆດ້ານທີ່ພົ້ນເດັ່ນ ເຊັ່ນ:
ຖ້າເພິ່ນຍົກເອົາກົດໝາຍວ່າດ້ວຍອາຫານຂຶ້ນມາເວົ້າ ກະລຸນາເອົາຄລິປມາລົງໃຫ້ເບິ່ງໃຫ້ຟັງແດ່ເດີ
ຂອບໃຈລ່ວງໜ້າ.
