ຂ່າວດີ! ມີແຜນປູກດອກສ້ຽວເປັນສັນຍະລັກຫົງສາ
ເພື່ອຕ້ອນຮັບວັນປູກຕົ້ນໄມ້ແຫ່ງຊາດ 1 ມິຖຸນາ,ເມືອງຫົງສາ ມີແຜນປູກດອກສ້ຽວນັບຫມື່ນຕົ້ນໃຫ້ກາຍເປັນ ສັນຍະລັກຂອງເມືອງແລະເພື່ອສົ່ງເສີມການທ່ອງທ່ຽວແບບຍືນຍົງ;ປະຕິຮູບໂຄງການ “ຮ່ວມສ້າງຫົງສາໃຫ້ເປັນ ເມືອງສີຂຽວ, ປູກຕົ້ນດອກສ້ຽວໃຫ້ກາຍເປັນສັນຍະລັກ”.
ໃນວັນທີ 1 ມິຖຸນາ 2013 ບໍລິສັດ ໄຟຟ້າຫົງສາ ຈຳກັດ ຮ່ວມກັບອຳນາດການປົກຄອງເມືອງຫົງສາ ໄດ້ວາງແຜນປູກຕົ້ນດອກສ້ຽວໃຫ້ກາຍເປັນສັນ ຍະລັກຂອງເມືອງ ແລະ ເພື່ອເປັນການ ສົ່ງເສີມການທ່ອງທ່ຽວແບບຍືນຍົງ.
ທ່ານ ຊົມເຊີຍ ທອງສະຫວ່າງ ຫົວຫນ້າຂະແຫນງປ່າໄມ້ເມືອງຫົງສາ ໄດ້ໃຫ້ສຳພາດຜ່ານໂທລະສັບເມື່ອບໍ່ດົນ ມານີ້ຮູ້ວ່າ: ຕົ້ນດອກສ້ຽວເປັນພັນໄມ້ ໃນທ້ອງຖິ່ນທີ່ມີເອກະລັກສະເພາະ, ດອກສີຂາວ ແລະ ຈະບານໃນລະດູຫນາວລະຫວ່າງເດືອນມັງກອນກຸມພາຂອງທຸກໆປີເຊິ່ງຈະເລີ່ມປູກໃນວັນທີ 1 ມິຖຸນາ ປີ 2013 ນີ້ ໂດຍມີຈຸດສຸມທີ່ເດີ່ນກີລາເມືອງ, ຢູ່ບ້ານ 3 ສ້າງນາປົ່ງ ແລະ ຕາມເສັ້ນທາງສາຍຕ່າງໆ ເພື່ອຄວາມງົດງາມ, ຄວາມຮົ່ມເຢັນ ແລະ ຍັງສາມາດເກັບດອກມາບໍລິໂພກໄດ້ນຳອີກ ການປູກຕົ້ນດອກສ້ຽວຄັ້ງນີ້ ແມ່ນສົມຄູ່ກັນກັບພືດພັນອື່ນໆນຳອີກ.
ທ່ານ ຄົມເພັດ ແກ້ວພິລາ ວິຊາການຝ່າຍປະຊາສຳພັນໂຄງການປະຈຳບໍລິສັດ ໄຟຟ້າຫົງສາ ໃຫ້ຮູ້ວ່າ: ນີ້ເປັນປີທຳອິດທີ່ຈະເລີ່ມປູກຕົ້ນດອກສ້ຽວຢູ່ເມືອງຫົງສາ ເພື່ອເປັນສັນຍະລັກ ແລະ ສົ່ງເສີມການທ່ອງທ່ຽວແບບຍືນຍົງ ໃນໂຄງການຍຸດທະສາດ “ຮ່ວມສ້າງຫົງສາ ໃຫ້ເປັນເມືອງສີຂຽວ, ປູກຕົ້ນດອກສ້ຽວໃຫ້ກາຍເປັນສັນຍະລັກ” ເຊິ່ງທາງເມືອງໄດ້ຕັ້ງເປົ້າຫມາຍເອົາໄວ້ວ່າພາຍໃນ 5 ປີດອກສ້ຽວຈະເບັ່ງບານງົດງາມປະດັບເມືອງຫົງສາ ພ້ອມຈະສາມາດດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດໄປທ່ຽວຊົມຫົງສາຫລາຍຂຶ້ນ.
ການປູກຕົ້ນດອກສ້ຽວ ໃນປີນີ້ມີທັງຫມົດ 20.000ເບ້ຍ ແລະ ຈະມີການຈັດພິທີເປັນທາງການຂຶ້ນໃນວັນທີ1 ມີຖຸນາ 2013 ນີ້ທີ່ເດີ່ນກີລາເມືອງຫົງສາ ແລະ ຈະສືບຕໍ່ປູກລຽບເສັ້ນທາງຫລັກຈາກແຂວງ ໄຊຍະບູລີ ຈົນເຖິງເມືອງເງິນ, ບັນດາເສັ້ນທາງພາຍໃນເມືອງຫົງສາ ແລະ ໃນປີຕໍ່ໆໄປຈະສືບຕໍ່ປູກເພີ່ມຂຶ້ນເລື້ອຍໆເບ້ຍຕົ້ນດອກສ້ຽວໃນປີນີ້ໄດ້ມີການແບ່ງປັນໃຫ້ບັນດາຫ້ອງການ, ຫມູ່ບ້ານ,ໂຮງຮຽນຕ່າງໆເຊັ່ນ: ສຳນັກງານປະທານປະເທດ 220ເບ້ຍ,ຫ້ອງການກະສິກຳເມືອງຫົງສາ 2.000ເບ້ຍ,ຫ້ອງການກະສິກຳເມືອງເງິນ 2.000ເບ້ຍ,ພາຍໃນໂຄງການໄຟຟ້າຫົງສາ 10.000ເບ້ຍ ,ບັນດາຫມູ່ບ້ານ,ໂຮງຮຽນ,ຫ້ອງການຕ່າງໆອ້ອມຂ້າງເມືອງ 5.780 ເບ້ຍ.
ທີ່ປະເທດໄທຍ ດອກສ້ຽວແມ່ນດອກໄມ້ປະຈຳຈັງຫວັດ ຕາກ ແລະ ນ່ານ
ຢາກໃຫ້ລາວເຮົາຕັ້ງກົກໄມ້ຂື້ນປະຈຳແຂວງຄືກນ ເພື່ອໃຫ້ຄົນໃນແຂວງນັ້ນໆ ມີຈິດສຳນຶກຮັກ
ແລະໃຫ້ຄວາມສຳຄັນກັບກົກໄມ້
มีสีฟ้าด้วยนะ แต่หารูปไม่เจอ
Anonymous wrote:มีสีฟ้าด้วยนะ แต่หารูปไม่เจอ
ຕົ້ນສ້ຽວມີທົ່ວໄປໃນປະເທດລາວ, ສະເພາະຜູ້ທີ່ຢູ່ໃນວຽງຈັນກໍ່ຈະພົບເຫັນຕາມຖະໜົນລ້ານຊ້າງ
ເຊັ່ນລະຫວ່າງທາງເຂົ້າກະຊວງສຶກສາທິການໄປຫາຕະຫຼາດເຊົ້າ, ຕົ້ນດອກສ້ຽວຈະອ້າກີບເບັ່ງບານ
ໃສ່ໃນລະຫວ່າງບຸນປີໃໝ່ລາວ. ຢູ່ທາງພາກເໜືອຈະສັງເກດໄດ້ງ່າຍໆວ່າຢູ່ພູຜາປ່າດົງບ່ອນໃດມີ ຕົ້ນສ້ຽວຫຼາຍໆແລະບ່ອນນັ້ນລະຈະອາບເອ້ໄປດ້ວຍສີສັນແລະນົກຕັງລໍກໍ່ພວມຫ້າວແລະສົ່ງສຽງ ທັງງາມຕາທັງມ່ວນອອນຊອນໃຈ. ແຕ່ວ່າຕົ້ນໄມ້ແລະດອກໄມ້ທີ່ຫອມຫວນໃນຊ່ວງເວລານັ້ນຕ້ອງຍົກໂປ້ໃຫ້ຕົ້ນດອກຊໍ້ແລະດອກ ເປືອຍເລີຍ!
ສ່ວນວ່າດອກຊໍ້ນີ້ແມ່ນເພິ່ນເອົາມາຕາກແຫ້ງແລະບົດໃຫ້ເປັນຝຸ່ນແລ້ວນຳໄປເຮັດເຂົ້າໜົມດອກຊໍ້
ໃນຍາມບຸນປີໃໝ່ລາວ.
ສຳຫຼັບຍອດຫຼືໃບອ່ອນຂອງຕົ້ນສ້ຽວນັ້ນສາມາດເອົາມາແກງໃສ່ໜໍ່ໄມ້ໄດ້ແລະກໍ່ແຊບອີກດ້ວຍ.
