ເລື້ອງມັນມີຢູ່ວ່າ ຂ້າພະເຈົ້າຮຽນຈົບສາຍອາຊີບ ວິຊາໄຟຟ້າອີເລັກໂທຣນິກ ຈາກໂຮງຮຽນເຕັກປາກປ່າສັກມາໄດ້ຫຼ້ຍປີແລ້ວ, ແຕ່ພໍຮຽນຈົບພັດເສັງໄດ້ທຶນຊ່ວຍເຫືຼອຂອງອົງການຕ່າງ
ປະເທດແຫ່ງໜື່ງທີ່ສັງກັດຢູ່ລາວເຮົານີ້ລະ ໃນສາຂາຄອມພີ່ວເຕີ່ ເມື່ອຮຽນຈົບກໍ່ໄດ້ປະກອບສ່ວນຊ່ວຍວຽກນຳອົງການດັ່ງມາໄດ້ໄລຍະໜື່ງ ຈາກນັ້ນກໍ່ອອກມາເຮັດຖຸລະກິດສ່ວນຕົວ
ເປັນຮ້ານສ້ອມແປງຄອມ ແຕ່ວ່າບໍ່ເຄີຍໄດ້ນຳໃຊ້ວິຊາທີ່ຈົບຈາກໂຮງຮຽນເຕັກນິກນັ້ນເລີຍ ດັ່ງນັ້ນ, ຕົນເອງຈື່ງພະຍາຍາມປີນໄຕ່ຫາປະສົບການສົມທົບຍ້ອນໃຈຮັກມັກທີ່ວິຊາຕົນເອງ
ຮຽນຈົບມາບວກກັບທັກສະທາງດ້ານຄອມພີວເຕີ່ທີ່ໂຕເອງມີມາ ຈື່ງໄປຖອດຖອນບົດຮຽນນຳປະເທດບ້ານໃກ້ເຮືອນຄຽງທີ່ເພິ່ນມີປະສົບການມາກລົ້ນ ສຸດທ້າຍຈື່ງລົງເອີຍຖາມຕົນເອງ
ແລະຄົນອ້ອມຂ້າງວ່າ: ຖ້າເຮົາມີຄວາມຮູ້ຄວາມສາມາດແລ້ວຢາກປະກອບສ່ວນຊ່ວຍພັກລັດ ເພື່ອພັດທະນາບ້ານເກີດເມືອງນອນໃຫ້ຈະເລີນຮຸ່ງເຮືອງ ເຮົາຕ້ອງສຸມໃສ່ທ່າແຮງຫຍັງ
ແດ່ທີ່ປະເທດເຮົາຍັງບໍ່ຄ່ອຍມີ ກໍ່ເລີຍວ່າມາເອົາລົງເລິກດ້ານທີ່ວ່າມານັ້ນ ຍ້ອນວ່າມັນທ້າທາຍແລະເປັນສີ່ງທີ່ຫຼາຍຄົນມອງຂ້າມ ອີກຢ່າງໜື່ງຄິດວ່າຖ້າຄົນໃນປະເທດເຮົາສາມາດເຮັດ
ກໍ່ຈະເປັນການຫຼຸດຜ່ອນການນຳເຂົ້າຈາກຕ່າງປະເທດ ພ້ອມຍັງຈະໄດ້ເອກອ້າງໃຫ້ຊາດອື່ນເຫັນວ່າລາວເຮົາກໍ່ມີຄວາມສາມາດເຮັດໄດ້ບໍ່ຕ່າງຫຍັງກັບຊາດອື່ນ ແລະ ທີ່ສຳຄັນຊາດທີ່ເຂົາ
ມັກດູໝິ່ນດູແຄນເຮົາເຂົາຈະໄດ້ຮູ້ວ່າລາວເຮົາກໍ່ບໍ່ໄດ້ນ້ອຍໜ້າກວ່າຊາດອື່ນໃດ.
ດ້ວຍເຫດນັ້ນຂ້າພະເຈົ້າຈື່ງຢາກສຶກສາກ່ຽວກັບກົດໝາຍທີ່ກ່ຽວຂ້ອງທີ່ວ່າມານີ້ກ່ອນລົງມືປະຕິບັດໃຫ້ເປັນຮູບເປັນຮ່າງ ເພື່ອບໍ່ໃຫ້ມີການຂັດກັບອຳນາດລັດ ຖ້າຫາກທ່ານໃດພໍມີຂໍ້ມູນ
ທີ່ວ່ານີ້ກະລຸນາແນະນຳໃຫ້ຂ້າພະເຈົ້າແດ່ເນາະເພື່ອຈະໄດ້ເອົາໄປບ່ອນອີງໝູນໃຊ້ຕົວຈີງ ສ່ວນຄວາມສາມາດແລະລະດັບວິຊາການແມ່ນຄິດວ່າຕົນເອງໜ້າຈະເຮັດໄດ້ດີພໍສົມຄວນ
ເພາະເຄີຍປະກອບແລະທົດລອງມາແລ້ວໃນແບບຄວາມແຮງຕ່ຳໆ ຖ້າເຮັດແຮງຫຼາຍຢ້ານມັນກວນຄື້ນຂອງເພີ່ນ ຈັກໜ້ອຍເພີ່ນຊິເອົາໄປນອນກິນເຂົ້າແຫ້ງຢູ່ໃນຄຸກ 555
ສ່ວນຮູບພາບຂ້າງລຸ່ມນີ້ເປັນການປະກອບທົດລອງຫຼີ້ນໆທົດລອງຄວາມສາມາດຕົນເອງ້ຳeee..
