ລາວ ແລະ ຈີນ ທັງສອງຝ່າຍໄດ້ມີການລົງນາມເອກະສານຮ່ວມມືລະຫວ່າງສອງປະເທດ (12+1) ເມື່ອຕອນເຊົ້າຂອງວັນທີ 5 ພະຈິກ 2012 ຜ່ານມາ.
ການລົງນາມດັ່ງກ່າວປະ ກອບມີເອກະສານ 6 ສະບັບຫລັກ ໂດຍມີພະນະທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ, ພະນະທ່ານ ເວີນ ເຈຍ ປາວ ນາຍົກລັດຖະມົນຕີແຫ່ງ ສປ ຈີນ ເຂົ້າຮ່ວມເປັນສັກຂີພິຍານ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ.
1/ ລົງນາມເອກະສານການອະນຸສັນຍາ ວ່າດ້ວຍການກວດ ກາຊາຍແດນຮ່ວມລາວ-ຈີນ ຄັ້ງທີ 1
2/ ລົງນາມເອກະສານຫນັງສືມອບ-ຮັບອຸປະກອນຮັບໃຊ້ກອງປະຊຸມອາເຊັມຄັ້ງທີ 9
3/ ລົງນາມຮ່ວມກັນ 5 ສະບັບ ໃນນັ້ນ ມີສັນຍາ:
- ການຮ່ວມມືທາງດ້ານເສດຖະກິດ-ເຕັກນິກ ວ່າດ້ວຍລັດຖະບານ ສປ ຈີນ ສະຫນອງເງິນກູ້ໃຫ້ລັດຖະບານ ສປປ ລາວ ຈຳນວນ 60 ລ້ານຢວນ,
- ເອກະສານຮ່ວມມືລະຫວ່າງລັດຖະບານ ສປປ ລາວ ກັບລັດຖະບານແຫ່ງ ສປ ຈີນ ກ່ຽວກັບ ການຮ່ວມມືລົດໄຟລາວ-ຈີນ,
- ສັນຍາຂອບ ວ່າດ້ວຍ ສປ ຈີນ ສະຫນອງເງິນກູ້ພິເສດໃຫ້ແກ່ ສປປ ລາວເພື່ອປະຕິບັດໂຄງການສ້າງດາວທຽມລະບົບວິທະຍຸ, ໂທລະພາບ ແລະ ໂທລະຄົມມະນາຄົມມູນຄ່າ 245 ລ້ານຢວນ,
- ສັນຍາວ່າດ້ວຍ ສປ ຈີນ ສະຫນອງເງິນກູ້ພິເສດໃຫ້ແກ່ລັດຖະບານລາວ ເພື່ອປະຕິບັດໂຄງການແກ້ວໄຍແສງຍຸດທະສາດໄລຍະ 2 ມູນຄ່າ 589,5 ລ້ານຢວນ
- ແລະ ຫນັງສືມອບຮັບອຸປະກອນຮັບໃຊ້ຫ້ອງການທີ່ລັດຖະບານຈີນມອບໃຫ້ເປັນຂອງຂວັນແກ່ລັດຖະບານລາວ ມູນຄ່າ 1 ລ້ານຢວນ;
4/ ເປັນການລົງນາມຈຳນວນ 2 ສະບັບກ່ຽວກັບ:
- ສັນຍາເງິນກູ້ພິເສດສຳລັບໂຄງການກໍ່ສ້າງດາວທຽມລະບົບວິທະຍຸໂທລະພາບ ແລະ ໂທລະຄົມມະນາຄົມ,
- ສັນຍາເງິນກູ້ພິເສດແກ້ວໄຍແສງຍຸດທະສາດໄລຍະ 2;
5/ ລົງນາມເອກະສານຮັບປາກກ່ຽວກັບທະນາຄານພັດທະນາຈີນ ສະຫນອງເງິນກູ້ໃຫ້ແກ່ບໍລິສັດໄຟຟ້ານ້ຳອູມູນຄ່າ 770 ລ້ານໂດລາສະຫະລັດ ລະຫວ່າງ ທ່ານ ສີສະຫວາດ ທິຣະວົງ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ ແລະ ທ່ານ ເຕິ້ງ ຖົງຕົວ (DENG TINGDUO) ຜູ້ອຳນວຍການໃຫຍ່ທະນາຄານພັດທະນາຈີນ
6/ ລົງນາມສັນຍາເງິນກູ້ກ່ຽວກັບທະນາຄານພັດທະນາຈີນ ສະຫນອງສິນເຊື່ອໃຫ້ແກ່ທະນາຄານພັດທະນາລາວ ມູນຄ່າ 20 ລ້ານໂດລາສະຫະລັດລະຫວ່າງ ທ່ານ ບົວລຽນ ພົມມະວົງສາ ຮັກສາຜູ້ອຳນວຍການໃຫຍ່ທະນາຄານພັດທະນາລາວ ແລະ ທ່ານ ເຕິ້ງ ຖົງຕົວ ອຳນວຍການໃຫຍ່ທະນາຄານພັດທະນາຈີນ.
ພ້ອມດຽວກັນ ພະນະທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍພະນະທ່ານ ເວີນ ເຈຍປາວ (WEN JAIBAO) ນາຍົກລັດຖະມົນຕີ ສປ ຈີນ ໄດ້ຮ່ວມກັນເປີດນຳໃຊ້ໂຄງການກໍ່ສ້າງຫໍປະຊຸມແຫ່ງຊາດໄລຍະທີ 1 ຢ່າງເປັນທາງການ ໂດຍໂຄງການນີ້ ເປັນການຊ່ວຍເຫລືອຈາກລັດຖະບານ ສປ ຈີນ.
ຈົບ
Ecom
ຕາມທີ່ຂ້ອຍໄດ້ອ່ານຂ່າວຈາກເວັບໄຊວຽງຈັນໃໝ່ ປະຊາຊົນ ກອງທັບ ຂ່າວສານປະເທດລາວ
ເສດຖະກິດ-ສັງຄົມ senotimes vientianetimes ຕ່າງກໍ່ເວົ້າເປັນສຽງດຽວກັນວ່າ ສປປ ລາວ
ໄດ້ຮັບການຍົກຍ້ອງສັນລະເສີນຢ່າງຖ້ວມລົ້ນຈາກເວທີສາກົນ ແລະໄດ້ຮັບການສະໜັບສະໜູນ
ຊ່ອຍເຫຼືອຈາກປະເທດເພື່ອນມິດເປັນຈໍານວນເງິນຫຼາຍພັນລ້ານໂດລາ, ສະຫຼຸບແລ້ວແມ່ນໄດ້
ກໍາໄລເກີນຄາດໝາຍເພາະລົງທຶນປະມານ 200 ກ່ວາລ້ານເທົ່ານັ້ນ.
ອັນລາວຊິໃຫ້ຈີນ(ພາສາການທູດ)ອັນລາວຊິເສັຍ,ອັນຈີນຊິເອົາ(ພາສາຊາວບ້ານ)ບໍ່ສະຫຼຸບບໍ່ຂ້ານ້ອຍ?
ມັນເປັນການທີ່ໄດ້ແດ່ແລະກໍເສຍແດ່. ການໄດ້ກໍຄືຈີນໄດ້ຊອ່ຍໃຫ້ລາວມີຄວາມສາມາດຈັດການປະຊຸມທີ່ໃຫ່ຍທີ່ສຸດໄປໄດ້ດີ, ຢາ່ງດຽວກັບທີ່ຈີນໄດ້ຊອ່ຍໃຫ້ລາວມີຄວາມສາມາດຈັດການກິລາ SEA Games ທີ່ຜາ່ນມາແລ້ວ. ແຕ່ວ່າສິ່ງສຳຄັນທີ່ສຸດກໍຄືລາວໄດ້ຮຽນຫັຍງຈາກການປະຊຸມນີ້, ຈະສາມາດໄຊ້ບົດຮຽນນີ້ເພື່ອການພັດທະນາແລະສາ້ງສາປະເທດດວ້ຍໂຕເອງໄດ້ບໍ່ແຕ່ນີ້ຕໍ່ໄປລາວ. ຜົນສຸດທາ້ຍຢາ່ລືມວ່າແຕ່ນີ້ຕໍ່ໄປລາວຕອ້ງໄຊ້ໜີ້ຄືນໃຫ້ຈີນ.
I could tell someone who transtlated to chinese is lazy, it wrote in chinese < signing ceremony< but between which country to which country???
ໄດ້ໜີ້ຈາກຈີນ ແລະກໍເອົາໄວ້ໃຫ້ເຍົາວະຊົນລູກລາວຫລານລາວເປັນຜູ້ຮັບເຄາະໄຊ້ໜີ້ແທນໃນພາຍໜ້າ.
