ຈີນ ປ່ຽນຈາກ ເປັນຜູ້ ຮ່ວມລົງທຶນ ມາເປັນເຈົ້າໜີ້ ຂອງລາວ ຫລັງຈາກທີ່ ເຫັນວ່າ ຂໍ້ຕົກລົງ ບໍ່ໄດ້ ຕາມໃຈມັກ ຂອງຕົນ.
Screen captured from Samakomlao video
ເສັ້ນທາງຣົດໄຟ ໃນເຂດລາວ ເລີ້ມຈາກ ບໍ່ຮ່ານບໍ່ເຕັນ ຫາ ນະຄອນຫຼວງ ວຽງຈັນ
ຟັງສຽງໄດ້ທີ່ນີ້:
ຈີນ ຜີກໂຕຈາກ ການເປັນຄູ່ຮ່ວມ ລົງທຶນ ມາເປັນເຈົ້າໜີ້ ລາຍໃຫຍ່ ຂອງສປປ ລາວ ໂດຍບໍ່ຄໍານຶງ ເຖີງສີ່ງທີ່ຕ້ອງ ປະຕິບັດຕາມ ຂໍ້ຕົກລົງ ທີ່ໄດ້ເຊັນກັນ ໃນບົດບັນທຶກ ຄວາມເຂົ້າໃຈ ຫລື MOU ກ່ຽວກັບການ ຮ່ວມມື ໃນໂຄງການ ສ້າງທາງຣົດໄຟ ເມື່ອວັນທີ 7 ເມສາ 2010. ຕາມຄໍາເຫັນຂອງ ນັກສັງເກດການ.
ນັກສັງເກດການ ເວົ້າວ່າ ສາເຫດທີ່ພາໃຫ້ ຈີນ ປ່ຽນທິດທາງ ບໍ່ຮ່ວມລົງທຶນ ຫລື ເປັນຮຸ້ນສ່ວນກັບ ສປປລາວນັ້ນ ອັນສໍາຄັນທີ່ສຸດ ກໍແມ່ນຜົນທີ່ໄດ້ ຈາກການສຶກສາ ຄວາມເປັນໄປໄດ້ ຂອງໂຄງການ ທີ່ຈະເປັນໄປຕາມ ເຈຕນາ ທີ່ທາງການລາວ ຕ້ອງການນັ້ນ ມັນຈະບໍ່ເກີດ ປະໂຫຍດທີ່ຄູ້ມຄ່າ ແລະໄວວາໃຫ້ແກ່ຈີນ ໂດຍສະເພາະ ຢ່າງຍິ່ງ ກໍຄື "ຈີນ" ເຄີຍຄາດຫວັງວ່າ ຈະໄດ້ຄອບຄອງ ແລະ ສະແຫວງຫາ ຜົນປະໂຫຍດ ຈາກຜືນທີ່ດິນ ທີ່ຢູ່ພາຍໃຕ້ ໂຄງການ ທີ່ຈີນຄາດວ່າ ຕ້ອງມີເນື້ອທີ່ ທັງໝົດ ເຖິງ 840 ກິໂລແມັດ ມົນທົນ ແລະ ສັມປະທານ ເປັນເວລາ 90 ປີ ແຕ່ຕາມແຜນການ ຂອງສປປລາວ ແລ້ວນັ້ນ ໄດ້ຈັດສັນທີ່ດິນ ສໍາລັບໂຄງການນີ້ ໃນເນື້ອທີ່ພຽງ 30.5 ກິໂລແມັດ ມົນທົນ ເທົ່ານັ້ນ.
ເຖິງຢ່າງໃດກໍດີ ຝ່າຍລາວຕ້ອງການ ຢາກພັທນາປະເທດ ໃຫ້ເປັນປະເທດ ເຊື່ອມຕໍ່ທາງ ຄົມມະນາຄົມ ໃນພູມີພາຄ ຈຶ່ງໄດ້ຕັດສີນໃຈ ເລືອກເປັນຜູ້ ລົງທຶນ "ເອງ" ໂດຍຈີນ ສເນີໃຫ້ຢືມເງິນ ຈາກຈີນ.
ສະມາຊິກ ສະພາ ແຫ່ງຊາດລາວ 9 ທ່ານ ອອກສຽງ ບໍ່ເຫັນພ້ອມ ໃນໂຄງການ ຣົຖໄຟ ຄວາມໄວສູງ ລາວ-ຈີນ ເພາະເຫັນວ່າ ສປປ ລາວ ຈະເສັຽປຽບ ໃນທຸກດ້ານ ໃຫ້ແກ່ຈີນ.
RFA
ໂຄງການ ສ້າງທາງຣົດໄຟ ທີ່ຈີນ ບິດເບືອນ ປ່ຽນແປງ ສແວງຫາ ແຕ່ຜົນໄດ້ ຈາກສປປລາວ ມາໂດຍຕລອດ
ເຖິງແມ່ນວ່າ ໃນກອງປະຊຸມ ສະພາ ແຫ່ງຊາດ ສປປ ລາວ ສມັຍວິສາມັນ ທີ່ໄດ້ຕົກລົງ ຮອງຮັບເອົາ ໂຄງການຣົຖໄຟ ຄວາມໄວສູງ ລາວ-ຈີນ ໃນວັນທີ່ 18 ຕຸລາ 2012 ດ້ວຍຄະແນນສຽງ ທີ່ຖ້ວມລົ້ນ ກໍ່ຕາມ ແຕ່ກໍຍັງມີສຽງ ຄັດຄ້ານ ຈາກສະມາຊິກ ສະພາ 9 ທ່ານ ຍ້ອນເຫັນວ່າ ໂຄງການຣົຖໄຟ ຄວາມໄວສູງ ລາວ-ຈີນ ຈະເຮັດໃຫ້ລາວ ເສັຽປຽບ ໃຫ້ຈີນ ໃນທຸກດ້ານ ດ້ວຍເຫດຜົລ ທີ່ວ່າ:
1- ນອກຈາກຈີນ ຈະຍົກເລີກ ການລົງທຶນ ຮ່ວມແລ້ວ ຈີນຍັງຈະເປັນ ເຈົ້າຫນີ້ລາຍໃຫຍ່ ຂອງສປປ ລາວ ຊື່ງຈະກົດດັນ ໃຫ້ລາວ ປະຕິບັດຕາມ ເງື່ອນໄຂທີ່ຈີນ ຕ້ອງການ. ຈີນ ຈະໄດ້ທາງຣົຖໄຟ ລ້າໆ ເພື່ອຂົນສົ່ງສິນຄ້າ ຈາກຈີນ ໂດຍບໍ່ຕ້ອງລົງທຶນ ຊ້ຳຍັງໄດ້ດອກເບັ້ຽ ຈາກເງິນກູ້ນຳອີກ ສ່ວນສປປ ລາວ ກໍຕ້ອງ ການເກັບພາສີ ຈາກການສົ່ງ ສີນຄ້າຈາກຈີນ ຜ່ານລາວ ເພາະຈີນ ເປັນຜູ້ຜລິດ ລາຍໃຫຍ່ ໃນຂົງເຂດ ຫາກປາສຈາກ ການເກັບພາສີ ຜ່ານທາງຣົຖໄຟ ສາຍນີ້ແລ້ວ ສປປ ລາວ ກໍຂາດຣາຍໄດ້ ໄປອີກ.
2- ຣັຖບານລາວ ຕ້ອງໄດ້ຄ້ຳປະກັນ ເງີນກູ້ຈາກຈີນ 100% ດ້ວຍຊັພຍາກອນ ທັມມະຊາດ ຢູ່ໃນດິນລາວ ໃນອັດຕຣາດອກເບັ້ຽ 2% ຕໍ່ປີ ໃນຣະຍະ 30 ປີ ເຖິີງແມ່ນວ່າ ຈະມີການໃຫ້ ເວລາປອດການ ຊຳຣະຫນີ້ ໃນຊ່ວງ 10 ປີ ທຳອິດ ຂອງການກູ້ເງີນ ກໍຕາມ ແຕ່ຍັງຈະຄິດໄລ່ ຕັ້ງແຕ່ປີທຳອິດ ຂອງການກູ້ຢືມ ໃຫ້ເປັນເງີນຕົ້ນ ນຳອີກ.
3- ການຄ້ຳປະກັນ ເງິນກູ້ດ່ັງກ່າວ ຂອງຣັຖບານລາວ ກໍຈະແມ່ນມາຈາກ ຣາຍຮັບສ່ວນແບ່ງ ຈາກບໍ່ແຮ່ 2 ແຫ່ງ ທີ່ຈີນລົງທຶນ ໃນລາວ ໃນນັ້ນ ກໍຫມາຍເຖິງ ບໍ່ຄຳ ແລະ ທອງແດງເຊໂປນ ຢູ່ເມືອງ ວິຣະບູຣີ ແຂວງ ສວັນນະເຂດ ແລະ ອີກແຫ່ງນື່ງ ກໍແມ່ນບໍ່ບອກໄຊ ຢູ່ແຂວງ ຈຳປາສັກ ທີ່ດົງບໍຣະເວນ ຊື່ງກໍຖືວ່າ ເປັນບໍ່ບອກໄຊ ທີ່ໃຫຍ່ ທີ່ສຸດ ໃນຂົງເຂດ ເອເຊັຽ.
ຖ້າຫາກ ຣັຖບານລາວ ຍອມຮັບເອົາເຂື່ອນໄຂ ຂອງຈີນ ກໍຫມາຍຄວາມວ່າ ຣົຖໄຟ ຄວາມໄວສູງ ໃນລາວ ຈະຕ້ອງຕົກຢູ່ ພາຍໃຕ້ ການຄວບຄຸມ ຂອງຈີນ ໂດຍຈີນບໍ່ຕ້ອງ ລົງທຶນ ດ້ວຍໂຕເອງ. ເຖິງແມ່ນວ່າ ທາງການລາວ ຈະໃຫ້ການ ຢືນຢັນວ່າ ໂຄງການຣົຖໄຟ ຄວາມໄວສູງ ຈະສ້າງປະໂຫຍດ ໃຫ້ແກ່ ສປປລາວ ໃນຣະຍະຍາວ ກໍຕາມ.
ຜີ ມັນມີທັງຜີບ້ານ ແລະ ຜີປ່າ ພີ່ນ້ອງເອີຍ
Anonymous wrote: ຈີນໃຊ້ທາງຣົດໄຟ ໜີບລາວເອົາຊັພຈໍາປາທອງ2012-10-25ຈີນ ປ່ຽນຈາກ ເປັນຜູ້ ຮ່ວມລົງທຶນ ມາເປັນເຈົ້າໜີ້ ຂອງລາວ ຫລັງຈາກທີ່ ເຫັນວ່າ ຂໍ້ຕົກລົງ ບໍ່ໄດ້ ຕາມໃຈມັກ ຂອງຕົນ.Screen captured from Samakomlao videoເສັ້ນທາງຣົດໄຟ ໃນເຂດລາວ ເລີ້ມຈາກ ບໍ່ຮ່ານບໍ່ເຕັນ ຫາ ນະຄອນຫຼວງ ວຽງຈັນ ຟັງສຽງໄດ້ທີ່ນີ້:ຈີນ ຜີກໂຕຈາກ ການເປັນຄູ່ຮ່ວມ ລົງທຶນ ມາເປັນເຈົ້າໜີ້ ລາຍໃຫຍ່ ຂອງສປປ ລາວ ໂດຍບໍ່ຄໍານຶງ ເຖີງສີ່ງທີ່ຕ້ອງ ປະຕິບັດຕາມ ຂໍ້ຕົກລົງ ທີ່ໄດ້ເຊັນກັນ ໃນບົດບັນທຶກ ຄວາມເຂົ້າໃຈ ຫລື MOU ກ່ຽວກັບການ ຮ່ວມມື ໃນໂຄງການ ສ້າງທາງຣົດໄຟ ເມື່ອວັນທີ 7 ເມສາ 2010. ຕາມຄໍາເຫັນຂອງ ນັກສັງເກດການ.ນັກສັງເກດການ ເວົ້າວ່າ ສາເຫດທີ່ພາໃຫ້ ຈີນ ປ່ຽນທິດທາງ ບໍ່ຮ່ວມລົງທຶນ ຫລື ເປັນຮຸ້ນສ່ວນກັບ ສປປລາວນັ້ນ ອັນສໍາຄັນທີ່ສຸດ ກໍແມ່ນຜົນທີ່ໄດ້ ຈາກການສຶກສາ ຄວາມເປັນໄປໄດ້ ຂອງໂຄງການ ທີ່ຈະເປັນໄປຕາມ ເຈຕນາ ທີ່ທາງການລາວ ຕ້ອງການນັ້ນ ມັນຈະບໍ່ເກີດ ປະໂຫຍດທີ່ຄູ້ມຄ່າ ແລະໄວວາໃຫ້ແກ່ຈີນ ໂດຍສະເພາະ ຢ່າງຍິ່ງ ກໍຄື "ຈີນ" ເຄີຍຄາດຫວັງວ່າ ຈະໄດ້ຄອບຄອງ ແລະ ສະແຫວງຫາ ຜົນປະໂຫຍດ ຈາກຜືນທີ່ດິນ ທີ່ຢູ່ພາຍໃຕ້ ໂຄງການ ທີ່ຈີນຄາດວ່າ ຕ້ອງມີເນື້ອທີ່ ທັງໝົດ ເຖິງ 840 ກິໂລແມັດ ມົນທົນ ແລະ ສັມປະທານ ເປັນເວລາ 90 ປີ ແຕ່ຕາມແຜນການ ຂອງສປປລາວ ແລ້ວນັ້ນ ໄດ້ຈັດສັນທີ່ດິນ ສໍາລັບໂຄງການນີ້ ໃນເນື້ອທີ່ພຽງ 30.5 ກິໂລແມັດ ມົນທົນ ເທົ່ານັ້ນ.ເຖິງຢ່າງໃດກໍດີ ຝ່າຍລາວຕ້ອງການ ຢາກພັທນາປະເທດ ໃຫ້ເປັນປະເທດ ເຊື່ອມຕໍ່ທາງ ຄົມມະນາຄົມ ໃນພູມີພາຄ ຈຶ່ງໄດ້ຕັດສີນໃຈ ເລືອກເປັນຜູ້ ລົງທຶນ "ເອງ" ໂດຍຈີນ ສເນີໃຫ້ຢືມເງິນ ຈາກຈີນ.
RADIO SERI ASIA: XONTEEN.. MAAR HUBSAI EE PHOR AMERICA.. THUI.!!
||ລາວເປັນເຈົ້າມືຜູດຽວ ....ໃຊ້ຫນີ້ຈີນສິບຊາດກະບໍ່ຫມົດ..||http://www.rfa.org/english/news/laos/train-10192012123940.html
no idea up them
ບໍ່ແຮ່ບໍ່ຄຳ ວັນຫນຶ່ງກໍ່ຕ້ອງຫມົດໄປ ແຕ່ເສັ້ນທາງລົດໄຟສ້າງແລ້ວບໍ່ມີວັນຫມົດ
ຢ່າເປັນຄົນຢ້ານນັ້ນຢ້ານນີ້ ສຸດທ້າຍບໍ່ສ້າງບໍ່ສາຫຍັງ ແລ້ວຈະທັນໂລກເຂົາໄດ້ແນວໃດ
Anonymous wrote: ບໍ່ແຮ່ບໍ່ຄຳ ວັນຫນຶ່ງກໍ່ຕ້ອງຫມົດໄປ ແຕ່ເສັ້ນທາງລົດໄຟສ້າງແລ້ວບໍ່ມີວັນຫມົດຢ່າເປັນຄົນຢ້ານນັ້ນຢ້ານນີ້ ສຸດທ້າຍບໍ່ສ້າງບໍ່ສາຫຍັງ ແລ້ວຈະທັນໂລກເຂົາໄດ້ແນວໃດ
ບໍ່ຄໍາຖ້າບໍ່ຂຸດມັນກໍ່ບໍ່ໝົດ, ປູ່ຍ່າຕາຍາຍເພິ່ນຮັກສາໃຫ້ເຮົາເປັນພັນໆປີເພິ່ນກະຍັງຮັກສາໄດ້ຫັ້ນເດຊັ້ນນະ
ຄົນລຸ້ນເຮົາຊິຮັກສາໄວ້ໃຫ້ລຸ້ນລູກລຸ້ນຫຼານໃຊ້ໃນຍາມຈໍາເປັນຊິບໍ່ໄດ້ຫວາ?
Anonymous wrote:Anonymous wrote: ບໍ່ແຮ່ບໍ່ຄຳ ວັນຫນຶ່ງກໍ່ຕ້ອງຫມົດໄປ ແຕ່ເສັ້ນທາງລົດໄຟສ້າງແລ້ວບໍ່ມີວັນຫມົດຢ່າເປັນຄົນຢ້ານນັ້ນຢ້ານນີ້ ສຸດທ້າຍບໍ່ສ້າງບໍ່ສາຫຍັງ ແລ້ວຈະທັນໂລກເຂົາໄດ້ແນວໃດ ບໍ່ຄໍາຖ້າບໍ່ຂຸດມັນກໍ່ບໍ່ໝົດ, ປູ່ຍ່າຕາຍາຍເພິ່ນຮັກສາໃຫ້ເຮົາເປັນພັນໆປີເພິ່ນກະຍັງຮັກສາໄດ້ຫັ້ນເດຊັ້ນນະຄົນລຸ້ນເຮົາຊິຮັກສາໄວ້ໃຫ້ລຸ້ນລູກລຸ້ນຫຼານໃຊ້ໃນຍາມຈໍາເປັນຊິບໍ່ໄດ້ຫວາ?
ເລື່ອງວ່າ ມີ ມັນກໍ່ດີກວ່າ ບໍ່ມີ ແມ່ນຖືກຕ້ອງທີ່ສຸດ. ແຕ່ການທີ່ເຮົາຈະເຮັດໃຫ້ມີຂື້ນນັ້ນຄວນເຮັດໃນເວລາໃດ ແລະ ໃນສະພາບເງື່ອນໄຂ
ແນວໃດ?. ອັນນີ້ ຜູ້ຢູ່ໃນລະດັບປັນຍາຊົນແລ້ວ ຕ້ອງໄດ້ສືກສາ ພິຈາລະນາໃຫ້ຖີ່ຖ້ວນ ກ່ອນຕັດສີນໃຈ
