Pasalao

Anonymous wrote:

---

ບໍ່ວ່າຕຳແໜ່ງໃດໆ ຢູ່ເມືອງລາວເຮົານີ້ ຊື້ກັນທາງນັ້ນແລ້ວ ເວົ້າຫຼາຍມັນກະຜິດໃຈເຈົ້ານາຍເພີ່ນ ຈັກໜ້ອຍເພີ່ນຈັບເຂົ້າຄຸກ , ເວົ້າເລື່ອງຊື້ຕຳແໜ່ງແມ່ນແຕ່ເຂົ້າຮຽນກໍ່ຍັງຊື້ເຂົ້າ, ເຂົ້າເຮັດວຽກ

ຢູ່ນຳພັກລັດ ກໍ່ຍັງຊື້ເຂົ້າ ຫາກຜູ້ບໍ່ມີເສັ້ນ, ບໍ່ມີພວກ, ບໍ່ມີພໍ່ແມ່ເປັນນາຍ ຕ້ອງໄດ້ຊື້ໄດ້ຈ້າງໜົດ . ໃຫ້ເຮົາມາຄິດນຳກັນວ່າ ການບັນຈຸພະນັກງານເຂົ້າເຮັດວຽກຢູ່ຫ້ອງວ່າການປົກຄອງແຂວງ

ໃນແຕ່ລະແຂວງເພີ່ນເຄີຍປະກາດຮັບເອົາພະນັກງານຢູ່ບໍ ? ແຕ່ພະນັກງານເຮັດວຽກຢູ່ຫ້ອງວ່າການມີແຕ່ຄົນມີເສັ້ນເທົ່ານັ້ນ, ລູກຕາສີຕາສາ ບໍ່ໄດ້ເຮັດວຽກດອກ ຮຽນຍັງບໍ່ຈົບບາງຄົນ ຍ້ອນບໍ່ມີເງີນ

ເຖີງຮຽນຈົບກໍ່ອອກເຕະຝຸ່ນລ້າໆ , ຂ້າພະເຈົ້າຖືກມາແລ້ວເຄີຍໄປສຳພາດເຂົ້າເຮັດວຽກຢູ່ຫ້ອງວ່າການປົກຄອງແຂວງ . ຂ້າພະເຈົ້າບໍ່ມີພີ່ນ້ອງເປັນພັກນັກງານແຕ່ມີໜູ່ຄູ່ເຮັດວຽກຢູ່ທີ່ນັ້ນແນະນຳ

ເຂົ້າໄປຢືນເອກະສານ ,ແຕ່ສຸດທ້າຍກໍ່ບໍ່ໄດ້ເຮັດ ຍ້ອນເຫດຜົນທີ່ວ່າ : ຄົນຜູ້ທີ່ເພີ່ນຈະເອົາເຂົ້າມີແລ້ວ . ຄືມີແຕ່ລູກຫລານຂອງຫົວໜ້າ.

ຂໍໂທດເດີທີ່ເວົ້າຄວາມໃນໃຈອອກມາ , ຖ້າຜິດໃຈທ່ານໆທັງຫຼາຍກໍ່ຂໍໂທດຂໍອະໄພນຳທ່ານທັງຫຼາຍ.

---

 ກໍ່ຄົງຈະເປັນແນວນັ້ນລະ ຜູ້ບໍ່ມີເສັ້ນສາຍ ກໍ່ຕ້ອງອາໄສເງີນ, ກໍ່ເຫັນຜູ້ທີ່ໄດ້ເປັນອຳນວຍການລັດວິສະຫະກິດຈຳນວນໜື່ງທີ່ໄດ້ມາແບບບໍ່ສົມມາພາຄວນ ແລະ ກໍ່ມີຫາງສຽງວິພາກວິຈານວ່າຊື້ເອົາເທົ່ານັ້ນ ເທົ່ານີ້

ພໍແຕ່ເຂົາໄດ້ເປັນອຳນວຍການປັບ ວິສະຫະກິດຂອງລັດແກ່ງນັ້ນກໍ່ເທົ່າກັບວ່າເປັນຂອງເຂົາ ມີແຕ່ຟັນເອົາຢ່າງດຽວ ຈາກຄົນທຳມະດາສາມັນ ຈົນເປັນຄົນລ້ຳລວຍ

ມີໝູ່ຂອງຂ້າພະເຈົ້າຄົນໜື່ງ ພື້ນຖານເສດຖະກິດເຂົາກໍ່ພໍມີຢູ່ມີກີນ, ເຂົາຢາກເປັນຫົວໜ້າໂຄງການ ກໍ່ລົງທືນໃສ່ບໍ່ແມ່ນທຳມະດາ ກວ່າຈະໄດ້ເປັນ ແລ້ວກໍ່ໄຕ່ເຕົ້າຂື້ນໄປຕໍ່