ມື້ວານນີ້ຂ້າພະເຈົ້າໄດ້ໄປເລາະຢູ່ເຂດເສັ້ນທາງR3 (ແຂວງຫຼວງນ້ຳທາ)ແລະໄດ້ນັ່ງແວ່ເຊົາຝົນຢູ່ຕູບຂາຍເຄື່ອງແຄມທາງ ໄດ້ພົບຊາຍໜຸ່ມຄົນໜຶ່ງອາຍຸປະມານ16ປີ ເຜົ່າລາວເທິງ ໄດ້ຈູງລົດຈັກທີ່ຕີນຮົ່ວເຂົ້າມາແວ່ຕູບທີ່ຂ້າພະເຈົ້ານັ່ງຫຼົບຝົນຢູ່ ຜູ້ກ່ຽວຖາມຕິດໜີ້ຄ່າຢາງໃນລົດຈັກນຳເຈົ້າຂອງຮ້ານເນື່ອງຈາກຜູ້ກ່ຽວບໍ່ມີເງິນ ເພາະວ່າເງິນ20000ກີບ ໄດ້ຊື້ນ້ຳມັນໃສ່ລົດແລ້ວ ໂດຍມີຂອງມັດຈຳຄືຜັກກູດ ແລະຍອດໝາກນ້ຳເຕົ້າ ຜູ້ກ່ຽວເວົ້າວ່າເມື່ອຂາຍໝາກຂ່າຢູ່ຕະຫຼາດແຂວງແລ້ວຈະເອົາເງິນມາໃຊ້. ເມື່ອຂ້າພະເຈົ້າແນມເບິ່ງແລ້ວເກີດຄວາມສົງໄສ ແລະສົງສານຈຶ່ງສອບຖາມ ແລະຮູ້ວ່າທ້າວນ້ອຍຄົນນັ້ນໄດ້ຂີ່ລົດຈາກມາຈາກບ້ານນ້ຳຕະລານ(ທາງສຳຮອງ ທາງພູ ໂດຍຜ່ານບ້ານຫ້ວຍຫົກ ແລະບ້ານນ້ຳຂອນ(ແນ່ນອນຫຼສຍທ່ານຄົງບໍ່ຮູ້ວ່າຢູ່ໃສ))ຈະເອົາເຂົ້າ ແລະຂອງກິນມາສົ່ງນ້ອງຊາຍທີ່ຮຽນຢູ່ ມສ ບ້ານນານ້ອຍ ເມືອງຫຼວງນ້ຳທາ (ສ່ວນຜູ້ກ່ຽວໄດ້ອອກໂຮງຮຽນແລ້ວເນື່ອງຈາກຄອບຄົວຫຍຸ້ງຍາກ) ຊຶ່ງເວລາຂັບລົດມານຳທາງມີຝົນຕົກ ແລະທາງມື່ນຫຸ້ງຍາກຫຼາຍ(ຂ້າພະເຈົ້າຮູ້ໂດຍການເບິ່ງເຄື່ອງນຸ່ງທີ່ເຕັມໄປດ້ວຍຕົມແດງ). ໃນນາມຄູ ສ່ວນຕົວຂ້າພະເຈົ້າຮູ້ສຶກສັງເວດ ທີ່ໄດ້ຮັບຮູ້ສະພາບຂອງ ທ້າວນ້ອຍ ທີ່ຕ້ອງໄດ້ອອກໂຮງຮຽນກ່ອນໄວເພື່ອຈະສົ່ງເສີມໃຫ້ນ້ອງຕົນໄດ້ຮຽນຕໍ່ຊົ້ນມັດທະຍົມ ໃນເວລາດຽວກັນກໍ່ຊົມເຊີຍຄວາມເສຍສະລະຂອງລາວທີ່ຈະເປັນຜູ້ຊຸກຍູ້ນ້ອງຊາຍ. ຂ້າພະເຈົ້າຄິດວ່າ ຖ້ານ້ອງຊາຍຂອງທ້າວນ້ອຍຮຽນຈົບມັດທະຍົມມາກໍ່ອາດຈະບໍ່ເຮັດໃຫ້ອະນາຄົດຂອງສອງອ້າຍນ້ອງດີຂຶ້ນປານໃດດອກ ເນື່ອງຈາກວ່າລາວຄົງບໍ່ສາມາດ ຊອກໝາກຂ່າ ໝາກຫວາຍ ຂາຍສົ່ງນ້ອງຮຽນໃຫ້ຈົບວິຊາອາຊີບທີ່ສາມາດເຮັດໃຫ້ຊີວິດຂອງທັງສອງດີຂຶ້ນໄດ້ ອີກດ້ານໜຶ່ງທ້າວນ້ອຍຄົງບໍ່ສາມາດແຂ່ງຂັນກັບຜູ້ອື່ນໆ ທີ່ມີເງິນຊື້ທຶນຮຽນ ຫຼືຊື້ຕຳແໜ່ງບ່ອນເຮັດວຽກເວລານ້ອງຊາຍຮຽນຈົບ. ນີ້ລະຫວ໋າຄວາມເທົ່າທຽມ ແລະທ່ຽງທຳ??
ຂໍໂທດທີ່ບໍ່ສາມາດຂຽນໃຫ້ຈະແຈ້ງໄດ້ກວ່ານີ້ ເນື່ອງຈາກວ່າຂ້າພະເຈົ້້າຫົດຫູ່ໃຈຫຼາຍ ແລະບໍ່ຮູ້ຊິເລີ່ມແນວໃດ ພຽງແຕ່ຢາກໃຫ້ຫຼາຍຄົນຮູ້ນຳ
ອ່ານແລ້ວກໍ່ເສົ້າໃຈແທນ, ຂ້ານ້ອຍຄົນນຶ່ງທີ່ບໍ່ໄດ້ຮັບຄວາມຍຸຕິທັມຈາກສັງຄົມ
ເສັງຈົບຊັ້ນອຸດົມໄດ້ຄະແນນດີເລີດ ແຕ່ຊີວະປະວັດບໍ່ແຈ້ງ(ລູກທະຫານເກົ່າ)
ເພິ່ນຈຶ່ງບໍ່ຄັດເລືອກຂຶ້ນໄປຮຽນຕໍ່ອາຊີວະສຶກສາຢູ່ວຽງຈັນ
ກໍ່ເລີຍໄດ້ອອກມາຮຽນຕີຄຸຂາຍຊ່ອຍອ້າຍເຂີຍຈົນໄດ້ເງິນຄ່າຂ້າມຟາກມາຮຽນຕັດຫຍ້າລ້ຽງຊີບ.
ສ່ວນນັກຮຽນຜູ່ທີ່ເປັນລູກຫຼານນັກປະຕິວັດ ແກ້ສົມຜົນຂັ້ນສາມບໍ່ໄດ້ກໍ່ຍັງມີຊື່ໄປຮຽນຕ່າງປະເທດເສີຍ.
ໜີຈາກບ້ານຈາກເມືອງມາຫຼາຍປີ ຄິດວ່າບັນຫານີ້ຈະຖືກແກ້ໄຂ
ແຕ່ອ່ານຄໍາເຫັນຂອງທ່ານແລ້ວ ມັນຍັງເປັນບັນຫາຊໍາເຮື້ອມາຮອດທຸກວັນນີ້.
ເຈົ້ານາຍໃຫຍ່ຕົວະເຈົ້ານາຍນ້ອຍກອບໂກຍເອົາເງິນເຂົ້າຖົງ
ເຈົ້ານາຍນ້ອຍຕົວະແຫຼ້ງກອບໂກຍເອົາເງິນໃສ່ຖົງ
ແຫຼ້ງຕົວະປະຊາຊົນຄົນບ້ານຂູດຮີດເອົາເງິນໃສ່ຖົງ
ບ່ອນອ່ອນແທງ ບ່ອນແຂງເວັ້ນ
ເວນ500ຊາດ ຕາຍແລ້ວເກີດ ເກີດແລ້ວຕາຍ ສຸດທ້າຍ ມີສິ່ງດຽວທີ່ແນ່ນອນແລະສະເໝີພາບໃນສັງຄົມ ຄືຄວາມຕາຍ. ບາງຄົນກໍຕາຍຍ້ອນອາຍຸສັງຄານຫຼາຍ ຫຼາຍໆຄົນກໍຕາຍ ກ່ອນເຖົ້າ ກ່ອນແກ່ ນີ້ຄືການຕາຍແບບບໍ່ເປັນທຳ ຄືການຕາຍດ້ວຍຄວາມຈຳເປັນ ເພາະຍ້ອນຊີວິດຄົງຕົວໃນຜືນແຜ່ນດິນແຫ່ງຄວາມໄຮ້ຍຸດຕິທຳ ຂອງສັງຄົມ.
ສັງຄົມເຊີ່ງແມ່ນບຸກຄົນທົ່ວໄປເປັນອົງປະກອບ ເປັນສີແສງ ສະລັບ ສັບຊ້ອນ ໃນເມື່ອສັງຄົມຈະສົດໃສ ກໍຕໍ່ເມື່ອ ຄົນໃນສັງຄົມບໍ່ລິສຸດສົດໃສ ພ້ອມດ້ວຍຈິດໃຈແລະປັນຍາປະກອບສ້າງຄວາມສົດໃສໄຫ້ສັງຄົມ ສ້າງຄວາມສຸກສຳລານ ສ້າງຄວາມຍຸດຕິທຳ ໂດຍສະເພາະບຸກຄົນທີ່ມີອິດທິພົນໃນສັງຄົມບໍ່ວ່າແຕ່ທັງອຳນາດກໍຄືການສຶກສາ ໃນເມື່ອຊາຕາ
ກຳຂອງຊາດ ຫາກຕົກຢູ່ພາຍໄຕ້ ຄວາມບໍ່ຍຸດຕິທຳ ທຸກຢ່າງກໍໄປຕາມໆຢ່າງຊິ້ນເຊີງ ຄົນລວຍບໍ່ມີສິດເຂົ້າຄຸກ ຄົນທຸກບໍ່ມີສິດເຂົ້າໂຮງໝໍ
ສຶກສາດີ ມີຄວາມຮູ້
ເລື້ອງແບບນີ້ມີຄືກັນໃນທົ່ວໂລກ ທັງປະເທດຮັ່ງມີ ແລະທຸກຍາກ ບໍ່ມີລັດຖະບານປະເທດໃດດອກຈະສາມາດເຮັດໃຫ້ມີຄວາມເທົ່າທຽມກັນໝົດທຸກຄົນ ລັດຖະບານກໍ່ພຽງແຕ່ໃຫ້ຄວາມສະເໝີພາບໃນການມີສິດໄດ້ເຂົ້າຮຽນໃນທຸກໂຮງຮຽນ ທຸກລະດັບຊັ້ນຕາມຄວາມສາມາດຂອງໃຜລາວ ຜູ້ມີເງີນ ມີອຳນາດກໍ່ສາມາດເລືອກຮຽນໂຮງຮຽນດີໆໄດ້ ພວກບໍ່ມີກໍ່ຮຽນໂຮງຮຽນຂອງລັດ ຄັນຢູ່ບ້ານໄກກໍ່ຕ້ອງລຳບາກແດ່ຫັ້ນແລ້ວ, ກັບມາຫາທ່ານຜູ້ຕັ້ງກະທູ້ນີ້ ເມື່ອເຈົ້າອ້າງວ່າເປັນຄົນມີຄຸນນະທຳ ສົງສານຜູ້ອື່ນ ເປັນຫັຍງເຈົ້າບໍ່ຈ່າຍແທນລາວ ເງີນພຽງ 20,000ກີບ ຄືຊີ່ບໍ່ມີປັນຫາຕິເບາະ ອັນນີ້ອອກຄຳເຫັນບັກຄັກໆພັດບໍ່ຍອມໃຫ້ການຊ່ວຍເຫຼືອ ເຈົ້ານັ້ນແຫຼະເປັນຄົນ......
ຄວາມສະເໝີພາບ ແລະ ຄວາມເທົ່າທຽມກັນມັນບໍ່ມີຢູ່ໃສດອກໃນໂລກນີ້ ແຕ່ຄົນກໍ່ຍັງຍໍ່ຄືກັນ
ມີຜູ້ນ້ອຍຜູ້ໃຫຍ່ ຜູ້ດີ ຜ້ຮ້າຍ ມີຜູສະຫຼາດ ແລະ ກໍ່ມີຜູ້ໂງ່ຈ້າ ຈິດໃຈກໍ່ຕ່າງກັນ ມັນມີພຽງແຕ່ທິດສະດີເທົ່ານັ້ນ
ໃຜໄດ້ຂຶ້ນຈັບໄມເວົ້າກໍ່ດັງ ຮ້ອງເພັງກໍມ່ວນ ຂຽນກໍງາມ ຍ້ອງໂຕເອງຫຼາຍກວ່າ ແຕ່ຕົວຈິງແທ້ເຮັດໄດ້ສຳໃດ
ມັນບໍ່ພຽງແຕ່ຄວາມສະເໝີພາບ ແລະ ຄວາມເທົ່າທຽມການສຶກສາ ເລື່ອງອື່ນໆກໍເຊັ່ນກັນ.
ເພິ່ນເປີດໂອການໃຫ້ລົງຄຳເຫັນແມ່ນດີແລ້ວ ໄດ້ແຕ່ເຫົ່າຄືໝາເຫົ່າຊ້າງນີ້ແລະ ຊ້າງບໍ່ໄດ້ເອົາຫົວໃສ່ໃຈຊາດອກ
ເພາະເພິ່ນມີໝົດແລ້ວ ຄຳວ່າຈາກປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດປະຊາຊົນ ມີແຕ່ຢ່ໃນກະດາດ
Anonymous wrote:ເລື້ອງແບບນີ້ມີຄືກັນໃນທົ່ວໂລກ ທັງປະເທດຮັ່ງມີ ແລະທຸກຍາກ ບໍ່ມີລັດຖະບານປະເທດໃດດອກຈະສາມາດເຮັດໃຫ້ມີຄວາມເທົ່າທຽມກັນໝົດທຸກຄົນ ລັດຖະບານກໍ່ພຽງແຕ່ໃຫ້ຄວາມສະເໝີພາບໃນການມີສິດໄດ້ເຂົ້າຮຽນໃນທຸກໂຮງຮຽນ ທຸກລະດັບຊັ້ນຕາມຄວາມສາມາດຂອງໃຜລາວ ຜູ້ມີເງີນ ມີອຳນາດກໍ່ສາມາດເລືອກຮຽນໂຮງຮຽນດີໆໄດ້ ພວກບໍ່ມີກໍ່ຮຽນໂຮງຮຽນຂອງລັດ ຄັນຢູ່ບ້ານໄກກໍ່ຕ້ອງລຳບາກແດ່ຫັ້ນແລ້ວ, ກັບມາຫາທ່ານຜູ້ຕັ້ງກະທູ້ນີ້ ເມື່ອເຈົ້າອ້າງວ່າເປັນຄົນມີຄຸນນະທຳ ສົງສານຜູ້ອື່ນ ເປັນຫັຍງເຈົ້າບໍ່ຈ່າຍແທນລາວ ເງີນພຽງ 20,000ກີບ ຄືຊີ່ບໍ່ມີປັນຫາຕິເບາະ ອັນນີ້ອອກຄຳເຫັນບັກຄັກໆພັດບໍ່ຍອມໃຫ້ການຊ່ວຍເຫຼືອ ເຈົ້ານັ້ນແຫຼະເປັນຄົນ......
ຂອບໃຈທີ່ທ່ານໃຫ້ຄວາມສົນໃຈ ເວົ້າແທ້ແລ້ວຂ້ອຍກະບໍ່ໄດ້ຈ່າຍໃຫ້ລາວດອກ ແລະກໍ່ບໍ່ແມ່ນເຫັນແກ່ຕົວຫຍັງ ເພາະຢູ່ແຂວງຂອງຂ້ອຍມີຄົນແບບນີ້ຫຼາຍ ຖ້າວ່າຂ້ອຍເຫັນແລ້ວກໍ່ຈ່າຍຊ່ວຍສາ ທ່ານກໍຄົງເຂົ້າໃຈວ່າລາຍໄດ້ຂອງຂ້ອຍບໍ່ຮອດ100ໂດລາຕໍ່ເດືອນ ຂ້ອຍບໍ່ສາມາດແກ້ໄດ້ໂດຍລຳພັງດອກ. ຂ້ອຍໄດ້ເອົາກະທູ້ນີ້ຂຶ້ນມາເພື່ອໃຫ້ຫຼາຍຄົນຮັບຮູ້ເພື່ອເປັນປາກເປັນສຽງ ແລະຫາວິທີຊ່ວຍກັນ. ສ່ວນຕົວຂ້ອຍເອງແມ່ນໄດ້ແຕ່ສົງສານ ແລະສິ່ງທີ່ຂ້ອຍເຮັດໄດ້ມີພຽງແຕ່ສອນໜັງສືໃຫ້ເຂົາເຈົ້າມີຄວາມຮູ້ອ່ານໄດ້ຂຽນເປັນເພື່ອຈະມີຄວາມສາມາດຕິດຕໍ່ພົວພັນກັບໂລກພາຍນອກ ແລະສາມາດເອົາຕົວລອດຕາມສະພາບສັງຄົມປະຈຸບັນເທົ່ານັ້ນ
ເຫັນໃຈຢູ່,ແຕ່ສັງຄົມຄົົນເຮົາຕອ້ງເປັນແນວນີ້ຢູ່ແລ້ວບໍ່ວ່າຊາດໃດ!ສູ້ໆຕໍ່ໄປເດີ
“ຂອ້ຍກະຄົນຫຼວງນຳ້ທາ“
ສຽງຈົ່ມຂອງເດັກບ້ານນອກ (ສາມາດຮ້ອງເປັນສຽງແຫລ່ໄດ້)
ຂໍອະໄພໃນຄຳກ່າວ..........ເປັນເລື່ອງລາວພັນລະນາ
ຂໍສອດແຊກສັງຄົມຊາວນາ.... ໃຕ້ລຸ່ມຟ້າຄ່ານິຍົມ
ຢ່າໂກດເຄືອງເລື່ອງຊີ້ແຈງ...... ບໍ່ໄດ້ແຕ່ງມາທັບຖົມ
ເປັນເລື່ອງຈິງເດັກປະຖົມ ........ໃຈອົກຕຣົມຈາກການຮຽນ.....
ຮຽນຈົບກໍປໍຫ້າ..............ພໍ່ບອກວ່າຢ່າເຖາະຮຽນ ພໍອ່ານໄດ້ແລະຂຽນ........ອອກມາພຽນເຮັດນາເຮົາ ນ້ອງຍັງນ້ອຍຫລາຍຄົນ...ພໍ່ກໍຈົນລ້ຽງພວກເຈົ້າ ດຽວນີ້ຄອບຄົວເຮົາ.........ຊຸມພວກເຈົ້າພັດແຮງກິນ ສຽງພໍ່ວອນມາຮໍ່າຮອນ.....ໃຈສະທ້ອນເມື່ອໄດ້ຍິນ ອີຕົນພໍ່ສັບຊ່າວດິນ..........ຊອກຫາກິນລ້ຽງນ້ອງໆ ໝູ່ຮຸ່ນດຽວຮຽນຕໍ່.............ພວກເຂົາກໍຮຽນກາຍຫ້ອງ ສ່ວນຂ້ອຍເລາະລຽບໜອງ.......ແອວຂັດຂ້ອງເກັບຂຽດນາ... ເຮັດນາກໍມີກຽດ..............ບໍ່ຍັດຍຽດສໍ້ໂກງໃຜ ພໍ່ບອກຈົ່ງຕັ້ງໃຈ.............ເຮັດໄດ້ຫລາຍໄດ້ຂາຍເຂົ້າ ໄດ້ເງິນກໍບໍຣິສຸດ..............ບໍ່ໄດ້ຂູດດູດແຮງເຂົາ ໄດ້ທໍ່ໃດກໍແຮງເຮົາ..........ນີ້ຄືເຮົາເຝົ້າໄຮ່ນາ ດີກວ່ານາຍຄົນ.............ເຂົາສໍ້ສົນເໝືອນພໍ່ຄ້າ ຮຽນມາດີມີປັນຍາ...........ເຂົາກໍຫາວິທີໂກງ ແທນທີ່ຈະມີຄຸນນະທັມ.....ເຂົາສ້າງກັມໃຫ້ເຜົ່່າພົງ ເຂົາລໍ້າລວຍມີຫໍໂຮງ.........ຍ້ອນສໍ້ໂກງພົງປະຊາ ສ່ວນເຮົາເດັກດົງດອນ......ຕ້ອງກິນນອນຢູ່ທ້ອງນາ ກໍພູມໃຈຢູ່ບ້ານປ່າ...........ເຖິງຈະວ່າຮຽນບໍ່ສູງ ຮັກແພງພວກຍາດມິດ......ຄົນໃກ້ຊິດອາວອາລຸງ ຈະສົ່ງເສີມພວກນ້ອງໆໃຫ້ຮຽນສູງ.....ເຮົາເອງຄົງຢູ່ກັບນາ....
