ຂ່າວ: ພະນອມໄພ
ປະຊາຊົນລາວຈຳນວນຫນຶ່ງເປັນຫ່ວງເລື່ອງລາສິນຄ້າອຸປະໂພກ ແລະ ບໍລິໂພກ ນັບຈາກນີ້ອາດແພງຂຶ້ນ ຫລັງໄດ້ຮັບຂ່າວລັດຈະປັບຂຶ້ນໃຫມ່ເງິນເດືອນພະນັກງານລັດຖະກອນໂດຍປະຈຸບັນກະຊວງການເງິນກຳລັງລວບລວມຕົວເລກ ເພື່ອຄິດໄລ່ຮ່ວງລາຍຈ່າຍເງິນເດືອນປະຈຳສົກງົບປະມານຫນ້າ.
ເດືອນກັນຍາທີ່ຈະມາເຖິງນີ້ ນັບເປັນສົກງົບປະມານໃຫມ່ 2012-2013 ພ້ອມເປັນປີທີ 2 ຂອງຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII (2011-2015) ຂອງລັດຖະບານ ສປປ ລາວ ແລະ ກໍ່ຖືເປັນຂ່າວທີ່ດີພ້ອມເປັນຂວັນກຳລັງໃຈໃນການເຮັດວຽກຮັບໃຊ້ປະເທດຊາດ ແລະ ປະຊາຊົນຂອງພະນັກງານລັດຖະກອນທີ່ສົກງົບປະມານໃຫມ່ນີ້ຈະໄດ້ຮັບເງິນນະໂຍບາຍໃນຈຳນວນທີ່ເພີ່ມຂຶ້ນ ໂດຍການປັບຂຶ້ນຄັ້ງນີ້ ເພື່ອໃຫ້ສອດຄ່ອງກັບສະພາບການຂະຫຍາຍຕົວດ້ານເສດຖະກິດແກ້ໄຂຊີວິດການເປັນຢູ່ຂອງລັດຖະກອນກໍ່ຄືການແກ້ ໄຂຄວາມທຸກຍາກຂອງປະຊາຊົນເປັນຕົ້ນແມ່ນເຂດຫ່າງໄກສອກຫລີກ.
ອີງຕາມຂໍ້ມູນຈາກກົມງົບປະມານກະຊວງການເງິນເປີດເຜີຍຕໍ່ທີມຂ່າວເສດຖະກິດບໍ່ດົນມານີ້ວ່າ: ປະຈຸບັນກຳລັງເກັບກຳ ແລະ ລວບລວມຂໍ້ມູນຕົວເລກຂອງລັດຖະກອນ ເພື່ອສະຫລຸບຮ່ວງລາຍຈ່າຍເງິນເດືອນປະຈຳສົກປີ 2012-2013 ແລ້ວຈິ່ງມອບໃຫ້ຫນ່ວຍງານທີ່ກ່ຽວຂ້ອງຂອງແຕ່ລະກະຊວງ ແລະ ບັນດາແຂວງໃນຂອບເຂດທົ່ວປະເທດໄປເບີກຈ່າຍກັນເອງຕາມຄວາມເປັນຈິງຂອງ ແຕ່ລະພາກສ່ວນ.
ໂດຍການປະຕິບັດຄັ້ງນີ້ ແມ່ນອີງຕາມຄຳສັ່ງແນະນຳສະບັບເລກທີ 221/ລບ ລົງວັນທີ 30/5/2012 ວ່າດ້ວຍ ການຈັດຕັ້ງປະຕິບັດເງິນເດືອນ ແລະ ເງິນອຸດຫນູນຕ່າງໆຂອງພະນັກ ງານລັດຖະກອນ 2013-2015 ແລະ ໃຫ້ຈັດຕັ້ງປະຕິບັດພ້ອມໆກັນໃນຂອບເຂດທົ່ວປະເທດນັບແຕ່ເດືອນກັນຍານີ້ເປັນເປັນຕົ້ນໄປ.
ໂດຍການປັບຂຶ້ນໃຫມ່ແມ່ນເພີ່ມຂຶ້ນຈາກອັດຕາດັດຊະນີເງິນເດືອນ 3.500 ກີບມາ ເປັນ 4.800 ກີບຕໍ່ດັດຊະນີ ແລະ ຫລັງການປັບຂຶ້ນດັ່ງກ່າວຈະເຮັດໃຫ້ເງິນເດືອນພື້ນຖານຂອງລັດຖະກອນຢູ່ ສປປ ລາວ ຕ່ຳສຸດຢູ່ທີ່ລະດັບ 648.000 ກີບຕໍ່ເດືອນຈາກ 472.000 ກີບ ທີ່ໄດ້ຈັດຕັ້ງປະຕິບັດແຕ່ລະເດືອນໃນປະຈຸບັນ ນອກຈາກເງິນເດືອນພື້ນຖານແລ້ວ ພະນັກງານລັດຖະກອນກໍ່ຍັງຈະໄດ້ຮັບເງິນອຸດຫນູນຄ່າຄອງຊີບອີກ 760.000 ກີບຕໍ່ຄົນຕໍ່ເດືອນຄຽງຄູ່ກັນນັ້ນ ຍັງມີເງິນອຸດຫນູນຕຳແຫນ່ງ, ອຸດຫນູນຜູ້ເຮັດວຽກກ່ຽວກັບທາດເບື່ອ, ລູກ ແລະ ເມຍອີກທີ່ລວມເຂົ້າກັນເຮັດໃຫ້ພະນັກງານລັດຖະກອນບຸກຄົນຫນຶ່ງໃນ 1 ເດືອນ ສາມາດມີລາຍຮັບເພີ່ມສູງຂຶ້ນອີກລ້ານກວ່າກີບກົມງົບປະມານລະບຸ.
ຢ່າງໃດກໍ່ຕາມ ກ່ຽວກັບການຈະເພີ່ມຂຶ້ນດັ່ງກ່າວໄດ້ມີປະຊາຊົນ ແລະ ພະນັກງານລັດຖະກອນຈຳນວນຫລວງຫລາຍໃຫ້ຄວາມສົນໃຈ ແລະ ເຫັນພ້ອມນຳການປັບຂຶ້ນໃນເທື່ອນີ້ຂະນະທີ່ມີປະຊາຊົນຈຳນວນບໍ່ຫນ້ອຍສະແດງຄວາມເປັນຫ່ວງຕໍ່ຫນັງສືພິມ “ເສດຖະກິດ-ສັງຄົມ” ກ່ຽວກັບລາຄາສິນຄ້າ ໃນໄລຍະປັບຂຶ້ນໃຫມ່ຂອງເງິນເດືອນອາດເຮັດໃຫ້ສິນຄ້າຫລາຍຊະນິດປັບຂຶ້ນລາຄານຳໄດ້ ພ້ອມຮຽກຮ້ອງໃຫ້ເຈົ້າຫນ້າທີ່ກ່ຽວຂ້ອງຂອງພາກລັດຈົ່ງໄດ້ລົງຕິດຕາມ ແລະ ຄວບຄຸມຢ່າງເຂັ້ມງວດ ເພາະຜູ້ທີ່ຈະໄດ້ຮັບຄວາມເດືອດຮ້ອນຫລາຍກວ່າຫມູ່ແມ່ນປະຊາຊົນຄົນທົ່ວໄປທີ່ມີລາຍຮັບຕ່ຳ.
Anonymous wrote:ຂ່າວ: ພະນອມໄພ ປະຊາຊົນລາວຈຳນວນຫນຶ່ງເປັນຫ່ວງເລື່ອງລາສິນຄ້າອຸປະໂພກ ແລະ ບໍລິໂພກ ນັບຈາກນີ້ອາດແພງຂຶ້ນ ຫລັງໄດ້ຮັບຂ່າວລັດຈະປັບຂຶ້ນໃຫມ່ເງິນເດືອນພະນັກງານລັດຖະກອນໂດຍປະຈຸບັນກະຊວງການເງິນກຳລັງລວບລວມຕົວເລກ ເພື່ອຄິດໄລ່ຮ່ວງລາຍຈ່າຍເງິນເດືອນປະຈຳສົກງົບປະມານຫນ້າ. ເດືອນກັນຍາທີ່ຈະມາເຖິງນີ້ ນັບເປັນສົກງົບປະມານໃຫມ່ 2012-2013 ພ້ອມເປັນປີທີ 2 ຂອງຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII (2011-2015) ຂອງລັດຖະບານ ສປປ ລາວ ແລະ ກໍ່ຖືເປັນຂ່າວທີ່ດີພ້ອມເປັນຂວັນກຳລັງໃຈໃນການເຮັດວຽກຮັບໃຊ້ປະເທດຊາດ ແລະ ປະຊາຊົນຂອງພະນັກງານລັດຖະກອນທີ່ສົກງົບປະມານໃຫມ່ນີ້ຈະໄດ້ຮັບເງິນນະໂຍບາຍໃນຈຳນວນທີ່ເພີ່ມຂຶ້ນ ໂດຍການປັບຂຶ້ນຄັ້ງນີ້ ເພື່ອໃຫ້ສອດຄ່ອງກັບສະພາບການຂະຫຍາຍຕົວດ້ານເສດຖະກິດແກ້ໄຂຊີວິດການເປັນຢູ່ຂອງລັດຖະກອນກໍ່ຄືການແກ້ ໄຂຄວາມທຸກຍາກຂອງປະຊາຊົນເປັນຕົ້ນແມ່ນເຂດຫ່າງໄກສອກຫລີກ. ອີງຕາມຂໍ້ມູນຈາກກົມງົບປະມານກະຊວງການເງິນເປີດເຜີຍຕໍ່ທີມຂ່າວເສດຖະກິດບໍ່ດົນມານີ້ວ່າ: ປະຈຸບັນກຳລັງເກັບກຳ ແລະ ລວບລວມຂໍ້ມູນຕົວເລກຂອງລັດຖະກອນ ເພື່ອສະຫລຸບຮ່ວງລາຍຈ່າຍເງິນເດືອນປະຈຳສົກປີ 2012-2013 ແລ້ວຈິ່ງມອບໃຫ້ຫນ່ວຍງານທີ່ກ່ຽວຂ້ອງຂອງແຕ່ລະກະຊວງ ແລະ ບັນດາແຂວງໃນຂອບເຂດທົ່ວປະເທດໄປເບີກຈ່າຍກັນເອງຕາມຄວາມເປັນຈິງຂອງ ແຕ່ລະພາກສ່ວນ. ໂດຍການປະຕິບັດຄັ້ງນີ້ ແມ່ນອີງຕາມຄຳສັ່ງແນະນຳສະບັບເລກທີ 221/ລບ ລົງວັນທີ 30/5/2012 ວ່າດ້ວຍ ການຈັດຕັ້ງປະຕິບັດເງິນເດືອນ ແລະ ເງິນອຸດຫນູນຕ່າງໆຂອງພະນັກ ງານລັດຖະກອນ 2013-2015 ແລະ ໃຫ້ຈັດຕັ້ງປະຕິບັດພ້ອມໆກັນໃນຂອບເຂດທົ່ວປະເທດນັບແຕ່ເດືອນກັນຍານີ້ເປັນເປັນຕົ້ນໄປ. ໂດຍການປັບຂຶ້ນໃຫມ່ແມ່ນເພີ່ມຂຶ້ນຈາກອັດຕາດັດຊະນີເງິນເດືອນ 3.500 ກີບມາ ເປັນ 4.800 ກີບຕໍ່ດັດຊະນີ ແລະ ຫລັງການປັບຂຶ້ນດັ່ງກ່າວຈະເຮັດໃຫ້ເງິນເດືອນພື້ນຖານຂອງລັດຖະກອນຢູ່ ສປປ ລາວ ຕ່ຳສຸດຢູ່ທີ່ລະດັບ 648.000 ກີບຕໍ່ເດືອນຈາກ 472.000 ກີບ ທີ່ໄດ້ຈັດຕັ້ງປະຕິບັດແຕ່ລະເດືອນໃນປະຈຸບັນ ນອກຈາກເງິນເດືອນພື້ນຖານແລ້ວ ພະນັກງານລັດຖະກອນກໍ່ຍັງຈະໄດ້ຮັບເງິນອຸດຫນູນຄ່າຄອງຊີບອີກ 760.000 ກີບຕໍ່ຄົນຕໍ່ເດືອນຄຽງຄູ່ກັນນັ້ນ ຍັງມີເງິນອຸດຫນູນຕຳແຫນ່ງ, ອຸດຫນູນຜູ້ເຮັດວຽກກ່ຽວກັບທາດເບື່ອ, ລູກ ແລະ ເມຍອີກທີ່ລວມເຂົ້າກັນເຮັດໃຫ້ພະນັກງານລັດຖະກອນບຸກຄົນຫນຶ່ງໃນ 1 ເດືອນ ສາມາດມີລາຍຮັບເພີ່ມສູງຂຶ້ນອີກລ້ານກວ່າກີບກົມງົບປະມານລະບຸ. ຢ່າງໃດກໍ່ຕາມ ກ່ຽວກັບການຈະເພີ່ມຂຶ້ນດັ່ງກ່າວໄດ້ມີປະຊາຊົນ ແລະ ພະນັກງານລັດຖະກອນຈຳນວນຫລວງຫລາຍໃຫ້ຄວາມສົນໃຈ ແລະ ເຫັນພ້ອມນຳການປັບຂຶ້ນໃນເທື່ອນີ້ຂະນະທີ່ມີປະຊາຊົນຈຳນວນບໍ່ຫນ້ອຍສະແດງຄວາມເປັນຫ່ວງຕໍ່ຫນັງສືພິມ “ເສດຖະກິດ-ສັງຄົມ” ກ່ຽວກັບລາຄາສິນຄ້າ ໃນໄລຍະປັບຂຶ້ນໃຫມ່ຂອງເງິນເດືອນອາດເຮັດໃຫ້ສິນຄ້າຫລາຍຊະນິດປັບຂຶ້ນລາຄານຳໄດ້ ພ້ອມຮຽກຮ້ອງໃຫ້ເຈົ້າຫນ້າທີ່ກ່ຽວຂ້ອງຂອງພາກລັດຈົ່ງໄດ້ລົງຕິດຕາມ ແລະ ຄວບຄຸມຢ່າງເຂັ້ມງວດ ເພາະຜູ້ທີ່ຈະໄດ້ຮັບຄວາມເດືອດຮ້ອນຫລາຍກວ່າຫມູ່ແມ່ນປະຊາຊົນຄົນທົ່ວໄປທີ່ມີລາຍຮັບຕ່ຳ.
ດີຢູ່ເງິນເດືອນຂື້ນ
ແຕ່ເຖິ່ງແມ່ນເງິນເດືອນຂື້ນ ແຕ່ສິນຄ້າໃນທ້ອງກະຫລາດກະແພງຂື້ນ ພາສີອີຫຍັງກະເພີມຂື້ນ ກະຊຳບໍ່ຫວາ
ຂອງຂື້ນທຸກມື້ ( ຂອງຕະຫລາດ) ບໍຕ້ອງຢ້ານ....
