ຖ້າຫຼາຍຄົນໄດ້ຕິດຕາມວົງການເພງຂອງບ້ານເຮົາ ຄົງຈະຮູ້ວ່າມີເພງລາວຫຼາຍເພງທີ່ໂດ່ງດັງ ສັງຄົມນິຍົມຊົມຊອບ ແຕ່ດ້ວຍເຫດຜົນຄືເງື່ອນໄຂບາງປະການໂດຍສະເພາະແມ່ນເຫດຜົນທາງດ້ານເນື້ອໃນ ຈຶ່ງເຮັດໃຫ້ເພງເຫຼົ່ານັ້ນບໍ່ໄດ້ຖືກສົ່ງເສີມໃຫ້ເຜີຍແຜ່ພາຍໃນປະເທດ. ແຕ່ຍ້ອນວ່າແຕ່ລະເພງທີ່ບໍ່ຖືກສົ່ງເສີມນັ້ນພັດມີຄົນນິຍົມຊົມຊອບຫຼາຍແລ້ວ ຫຼືເວົ້າຢ່າງໜຶ່ງວ່າມັນໄດ້ດັງໄປແລ້ວ ເມື່ອບໍ່ເໝາະທີ່ຈະຜະລິດຢູ່ພາຍໃນ ກໍກັບກາຍເປັນຄົນຕ່າງປະເທດມາຊື້ໄປຜະລິດຂາຍຢູ່ຕ່າງປະເທດ ສຸດທ້າຍກໍກັບມາຂາຍໃຫ້ຄົນລາວຊື້ຟັງອີກຄືເກົ່າ.
ເຊັ່ນດຽວກັນກັບ “ປາຄໍ່ໃຫຍ່” (ມົນຮັກສາວຜູ້ໄທ) ສຽງລຳຜູ້ໄທປະຍຸກ ທີ່ເຄີຍໂດ່ງດັງໃນໄລຍະ ທ້າຍປີ 2010 ຫາຕົ້ນປີ 2012 ຂອງບ້ານເຮົາ ກໍຖືກນັກຮ້ອງດັງຂອງໄທຄື “ມົນແຄນແກ່ນຄູນ” ເອົາໄປຂັບຮ້ອງ, ເຮັດດົນຕີ ແລະສ້າງວິດີໂອໃສ່ໃໝ່ ໄດ້ຟັງໄດ້ຊົມແລ້ວຫຼາຍຄົນກໍຄິດວ່າເປັນເພງທີ່ໄດ້ຄຸນນະພາບດີ, ແຕ່ເລື່ອງສະເໜ່ຂອງເພງດັ່ງກ່າວຈະຫຼວງຫຼາຍຄືຕອນໝໍລຳ “ຊຽງສະຫວັນ” ຮ້ອງ ຫຼືບໍ່ນັ້ນ ກໍເວົ້າບໍ່ໄດ້.
ມີໂອກາດໄດ້ເຂົ້າຊົມໃຊ້ Facebook.com ລະບົບເຄືອຂ່າຍສື່ສານສະໄໝໃໝ່ທີ່ທັນສະໄໝ ແລະກຳລັງໄດ້ຮັບຄວາມນິຍົມຊົມຊອບທີ່ສຸດຂອງຄົນທັງໂລກໃນປັດຈຸບັນ ກໍເລີຍມີໂອກາດໄດ້ເຫັນທັດສະນະກ່ຽວກັບວົງການບັນເທີງຂອງລາວຂອງຜູ້ຄົນໃນໂລກໄຊເບີ ໂດຍສະເພາະແມ່ນ ກຸ່ມ “ຄົນເຮັດວຽກໃນວົງການບັນເທີງລາວ” ແລະຢູ່ບ່ອນນີ້ເອງທີ່ຜູ້ຂຽນພົບກັບກອນລຳ “ປາຄໍ່ໃຫຍ່ ເວີຊັ່ນຂອງມົນແຄນແກ່ນຄູນ”.
ຍົກເອົາກອນລຳ “ປາຄໍ່ໃຫຍ່” ມາເວົ້ານີ້ຢ່າມາຫາເລື່ອງວ່າຜູ້ຂຽນໜີໄປຍ້ອງນັກຮ້ອງບ້ານເພິ່ນເດີ້ ພຽງແຕ່ຢາກໃຫ້ຜູ້ອ່ານຮູ້ວ່າ ກອນລຳດັ່ງກ່າວນັ້ນບໍ່ແມ່ນດັງທຳມະດາ ບໍ່ແມ່ນດັງແບບຄົນມັກຊື່ໆ ແຕ່ຍັງດັງແບບມີຄຸນນະພາບ, ຜູ້ອື່ນຍັງຕ້ອງເອົາໄປຮ້ອງ ແລະຫາປະໂຫຍດຈາກມັນໄດ້ນຳອີກ…
http://www.youtube.com/watch?v=SjEmgTa9jHk&feature=related ເຂົ້າເບິ່ງເພງປາຄໍ່ໃຫຍ່ຂອງມົນແຄນແກ່ນຄູນຢູ່ລີ້ງນີ້ເນີ່
ຜັກກະເດົາຂົມ
ຢູ້ບ້ານຂ້ອຍລະເປີດແຊວຊະ....ຈັກປາຄໍ້ໃຫຍ່, ຂີ້ໂມ້ ສະລະພັດເພງ...ລຳໂພງໃຫຍ່ກາໃຫຍ່ ເຕັ່ນກັນຈົນຂີ້ຝຸ້ນກຸ້ມ....ແຕ່ຕ້ອນນີ້ຂີ້ຕົມຊະ ເພາະວ່າຝົນຕົກ....
ປາຄໍ່ໃຫຍ່ທີ່ລາວອີສານເອົາໄປຮ້ອງບໍ່ມ່ວນທໍ່ຊຽງສະຫວັນຮ້ອງຊໍ້າ. ຂອງອໍຣີຈິນອລມ່ວນກວ່າຫຼາຍເທົ່າ!
ມັນຕາຍຍາກອິຫລີໄດປາຄໍ່ໃຫຍ່ໂຕນີ້. ຈະວ່າຫຍັງຢູ່ລາວຫລືໄທຍ ຢູ່ອາເມຣິກາກໍຍັງດັງ ເວົ້າສະເພາະເມືອງຂ້ອຍຢູ່ຫັ້ນ ຄົນລາວສີ່ຣ້ອຍກ່ວາຄອບຄົວມີ vcd ປາຄໍ່ໃຫຍ່ນີ້ເກືອບໝົດທຸກຫລັງຄາເຮືອນ ຫລີ້ນຂອງແທ້ອີກດ້ວຍບໍ່ມີຂອງກອປປີແລະກໍເປັນຂອງ ອໍຣີຈີນ ( origin ) ດົນຕຣີແລະສຽງລຳຂອງ ຊຽງ ສະຫວັນ ໂຕຈິງ. ບໍ່ແມ່ນມັກແຕ່ຫລຸ້ນຜູ່ເຖົ້າຜູ່ແກ່ ເບິ່ງຫລຸ້ນລູກຫລຸ້ນຫລານເກີດມື້ວານນີ້ພາກັນເຕັ້ນກັນຟ້ອນວ່າຊັ້ນ...ໃນງານວັດ ແລະງານສ້າງສັນຕ່າງໆ.
Anonymous wrote:ຢູ້ບ້ານຂ້ອຍລະເປີດແຊວຊະ....ຈັກປາຄໍ້ໃຫຍ່, ຂີ້ໂມ້ ສະລະພັດເພງ...ລຳໂພງໃຫຍ່ກາໃຫຍ່ ເຕັ່ນກັນຈົນຂີ້ຝຸ້ນກຸ້ມ....ແຕ່ຕ້ອນນີ້ຂີ້ຕົມຊະ ເພາະວ່າຝົນຕົກ....
ເກືອບເສັ້ນເຂົ້າປຽກອອກດັງ
