ທ່ານຫົວຫນ້າຮັບຜິດຊອບສວນເຈົ້າອານຸວົງ ຊີ້ແຈງຕໍ່ກັບຫາງສຽງສັງຄົມວ່າ ສວນເຈົ້າອານຸວົງບໍ່ສະອາດຂີ້ເຫຍື້ອຊະຊາຍ ເລື່ອງນີ້ບໍ່ເປັນຄວາມຈິງ ເພາະຄວາມສະອາດເປັນຫນຶ່ງໃນບຸລິມະສິດ, ສ່ວນສະພາບຄວາມແອອັດການສັນຈອນ ແລະ ການຈອດລົດບໍ່ເປັນລະບຽບ ຍອມຮັບເຜີຍ! ມາຈາກຫລາຍສາເຫດຕ້ອງຮ່ວມກັນແກ້ໄຂ ຂະນະທີ່ປະຈຸບັນເຈົ້າຫນ້າທີ່ຈະລາຈອນເຂົ້າມາຈັດລະບຽບແລ້ວ.
ທ້າຍອາທິດຜ່ານມາ ຫນັງສືພິມເສດຖະກິດ-ສັງຄົມໄດ້ຮັບໂທລະສັບຈາກປະຊາຊົນຜູ້ບໍ່ປະສົງອອກນາມສ່ອງແສງເລື່ອງຄວາມສະອາດ, ການຈັດລົດບໍ່ເປັນລະບຽບຢູ່ສວນເຈົ້າອານຸວົງ ທາງທີມງານໄດ້ສອບຖາມໄປຍັງພາກສ່ວນທີ່ກ່ຽວຂ້ອງ, ຕໍ່ກັບບັນຫາດັ່ງກ່າວ ທ່ານ ແສງທອງ ມະນີຈັນ ຫົວຫນ້າຮັບຜິດຊອບສວນເຈົ້າອານຸວົງໄດ້ຊີ້ແຈງໃຫ້ຮູ້ວ່າ ສວນເຈົ້າອານຸວົງແຄມຂອງບໍລິເວນທ່າວັດຈັນ ເມືອງຈັນທະບູລີ ເປັນການສຳປະທານຂອງກຸ່ມບໍລິສັດດາວເຮືອງ ຈຳກັດ ກັບບໍລິສັດເດີແກຣນແມ່ຂອງ ຈຳກັດ ໃນໄລຍະ 30 ປີ ສ່ວນຫາງສຽງສັງຄົມສ່ອງແສງມາວ່າ ສວນເຈົ້າອານຸວົງຄວາມສະອາດເລີ່ມລົດນ້ອຍຖອຍລົງ ແລະ ຖິ້ມຂີ້ເຫຍື້ອຊະຊາຍບໍ່ເປັນຄວາມຈິງ ເພາະເລື່ອງຄວາມສະອາດເປັນຫນຶ່ງໃນບຸລິມະສິດທີ່ທາງກຸ່ມບໍລິສັດສຳປະທານກໍ່ຄືຜູ້ຮັບຜິດຊອບສວນເຈົ້າອານຸວົງໃຫ້ຄວາມສຳຄັນ ເຊິ່ງໃນແຕ່ລະວັນທາງສວນໄດ້ຈັດພະນັກງານອະນາໄມແຕ່ລະວັນເລີ່ມແຕ່ເວລາ 7:00 ໂມງຍາມເຊົ້າໂດຍບໍ່ມີວັນພັກ ສ່ວນການອະນາໄມໃນຕະຫລາດກາງຄືນໄດ້ຈັດພະນັກງານປະຈຳ ເພື່ອອະນາໄມໃນເວລາເລີກຕະຫລາດ ພ້ອມທັງຈັດວາງຖັງຂີ້ເຫຍື້ອແຕ່ລະຈຸດ ປະຈຸບັນ ສະເພາະບໍລິເວນສວນເຈົ້າອານຸວົງມີຖັງຂີ້ເຫຍື້ອປະມານ 70-80 ຖັງ ຄິດສະເລ່ຍ 1020 ແມັດ ຈະມີຖັງຫນຶ່ງ.
ທ່ານ ແສງທອງ ມະນີຈັນ ຫົວຫນ້າຮັບຜິດຊອບສວນເຈົ້າອານຸວົງ ເປີດເຜີຍອີກວ່າ: ບັນຫາຫາງສຽງສັງຄົມຈົ່ມວ່າຄວາມແອອັດການສັນຈອນໄປມາຂອງຍານພາຫະນະໃນຖະຫນົນເຈົ້າຟ້າງຸ່ມກໍ່ຄືຖະຫນົນແຄມຂອງ ໂດຍສະເພາະໃນເວລາເລີກການຫາປະມານ 18:00 ໂມງ ລວມທັງການຈອດລົດບໍ່ເປັນລະບຽບ ເນື່ອງຈາກວ່າມາຈາກຫລາຍສາເຫດ ເພາະເຂດນີ້ ເບື້ອງແຄມຂອງຈະເປັນເຂດສວນເຈົ້າອານຸວົງຮັບຜິດຊອບອີກເບື້ອງເປັນເຂດທີ່ຢູ່ອາໄສຂອງປະຊາຊົນ ລວມທັງການຈອດລົດໄວ້ຫນ້າບ້ານທີ່ສຳຄັນໃນເວລາລົດພວງຂົນສົ່ງສິນຄ້າທີ່ເຈົ້າຫນ້າທີ່ອະນຸຍາດໃຫ້ເຂົ້າເມືອງ ເຊິ່ງສ່ວນໃຫຍ່ຈະມັກໃຊ້ຖະຫນົນນີ້ ຈິ່ງເປັນສາເຫດເຮັດໃຫ້ການຈະລາຈອນແອອັດອີກຢ່າງສະຖານທີ່ຮອງຮັບການຈອດສະເພາະລົດໃຫຍ່ສະເພາະແຂກຄົນທີ່ມາທ່ຽວມາຊົມຈັບຈ່າຍຊື້ສິນຄ້າທີ່ຕະຫລາດກາງຄືນແຄມຂອງແຫ່ງນີ້ ກໍ່ຍັງບໍ່ພຽງພໍ ປະຈຸບັນດ້ານຈອດລົດມີພຽງ 2 ສະຖານທີ່ ຈະສາມາດຮອງຮັບລົດໄດ້ປະມານ 500-600 ຄັນເທົ່ານັ້ນ.
ແນວໃດກໍ່ຕາມ ສຳລັບບັນຫາການຈອດລົດບໍ່ເປັນລະບຽບ ແລະ ຄວາມແອອັດການສັນຈອນໄປມາບໍ່ແມ່ນບັນຫາ ຫລື ຄວາມຮັບຜິດຊອບຜູ້ໃດຜູ້ຫນຶ່ງ ແຕ່ມັນເປັນຫນ້າທີ່ຂອງຫມົດທຸກຄົນທີ່ຈະຕ້ອງຮ່ວມກັນແກ້ໄຂຫລ້າສຸດທາງສວນເຈົ້າອານຸວົງໄດ້ສົມທົບກັບພະແນກຈະລາຈອນ ຈັດວາງກຳລັງເຈົ້າຫນ້າທີ່ເຂົ້າມາຈັດລະບຽບຈອດລົດ ເພື່ອຫລຸດຜ່ອນຄວາມແອອັດໃນ ການສັນຈອນ, ທ່ານ ແສງທອງ ມະນີຈັນ ກ່າວ.
ນັກຂ່າວກະຈ້າແທ້ໆເນາະ ໄດ້ຍິນເຂົາເວົ້າວ່າເປີະເປື້ອນ ກະລົງພື້ນທີ່ໄປຖ່າຍຮູບເອົາບ່ອນທີ່ມັນເປື້ອນເປີະຊັ້ນຕົວະ
ຊິແລ່ນໄປຖາມຫາຕາຍຫຍັງຫົວໜ້າຜູ້ຄຸມສວນ
ຈ້າແທ້ໆ!!!!!!!!!!!!!
ແມ່ນຽຽຽຽ ທຳມະດາກະຕ້ອງລົງໄປເບີງໂຕຈີງກ່ອນ ອັນນີ້ແມ່ນຫັຍງໃປຖາມເອົາ ເຮັດວຽກບໍ່ສົມກັບກີນເງີນເດືອນຈາກພາສີປະຊາຊົນເລີຍ
ໄປຖ່າຍ ເອົາບ່ອນເປື້ອນເປິ ພໍດີ ຖືກເພິ່ນຮ້າຍ
ແຕ່ຖ້າເພິ່ນເອົາເງິນຍັດໃສ່ຖົງໃຫ້ ກໍຄືຈະເວົ້າຫຍັງບໍ່ອອກ
ແລະ ກໍ່ລາຍງານ ແຕ່ສິງສວຍໆ ງາມໆ ເທົ່ານັ້ນ
ເມື່ອຍໃຈ ນໍາສັງຄົມລາວອີ່ຫຼີ່
ເລື່ອງຈະເວົ້າແບບແກ້ຕົວນັ້ນແມ່ນເວົ້າໄດ້ທຸກຮູບແບບ, ແຕ່ຜູ້ຕັດສີນແມ່ນມະຫາຊົນເດີທ່ານຫົວໜ້າສວນເອີຍ. ຜູ້ບໍລິຫານທີ່ດີຄວນພິຈາລະນາທົບທວນເບີ່ງຄຳຕຳນິຂອງມະຫາຊົນ. ຄົນຂາຍເຄື່ອງກີນແຊວຊະ ຄົນຖືຂອງກີນໄປກີນກໍ່ເຕັມ ລະດັບຄວາມຮູ້ຂອງຄົນກໍ່ບໍ່ຄືກັນ ກີນແລ້ວກໍ່ຖີ້ມລົງຕະຫລີ່ງນ້ຳຂອງ ມີແຕ່ຂີ້ເຫຍື້ອ ກະລອງໄປເບີ່ງແດ່
ຢ່າມາພາກັນຕິນັກຂ່າວຜູ້ທີ່ມີອຳນາດບາດນ້ອຍເລີຍ ຜູ້ເພິ່ນມີອຳນາດບາດໃຫຍ່ເອົາມືຊີ້ບາດດຽວ ກໍຫຳຫົດໄປແລ້ວ. ເລື້ອງໃດກໍຢ່າ ຂ່າວຫຍັງກໍຕາມ ຖ້າໄປແຕະຕ້ອງເຖີງຂັ້ນເທີງ ນັກຂ່າວຕ້ອງຖືກສັ່ງໃຫ້ປົກປິດໄວ້ໝົດ ຖ້ານັກຂ່າວຄົນໃດບໍ່ປະຕິບັດຕາມກໍຈະຖືກຈັບກຸມຂຸມຂັງໃນຂໍ້ຫາລະເມີດຕໍ່ຄຳສັ່ງຂອງຂັ້ນເທິງ.
ຄັນຊັ້ນກໍ່ເຊົາເປັນນັກຂ່າວສາດີກວ່າເດີ
ນັກຂ່າວລາວຄືຊິແມ່ນນັ່ງຂາຂື້ນຫ້າງຖ້າຂ່າວແລ່ນມາຫາຢູ່ໂຮງການເນາະX
ຜູ້ລົງຂ່າວນີ້ຄົງຈະໄດ້ຫລາຍກີບຢູ່ເນາະ
ເວົ້າປານຄົນເຂົາຫູຫນວກຕາບອດ ໄປ ຕ..ຊະ
