ໃນຕອນເຊົ້າຂອງວັນທີ 13 ມິຖຸນາ 2012 ສະຖາບັນການຕ່າງປະເທດໄດ້ຈັດພິທີມອບລາງວັນຊະນະເລີດການປະກວດສັນຍະລັກ (ໂລໂກ) ກອງປະຊຸມເວທີພາກປະຊາຊົນອາຊີເອີຣົບ (AEPF) ຄັ້ງທີ 9 ໃຫ້ແກ່ນາງ ຂັນແກ້ວ ວື່ ວິຊາການພະແນກຄົ້ນຄວ້າ, ສະຖາບັນການຕ່າງປະເທດ, ກະຊວງການຕ່າງປະເທດເປັນຈຳນວນເງິນ 3.000.000 ກີບ, ໂດຍໃຫ້ກຽດ ມອບລາງວັນໃນຄັ້ງນີ້ແມ່ນທ່ານ ນາງ ສູນທອນ ໄຊຍະຈັກ ຮອງຫົວຫນ້າຄະນະພົວພັນຕ່າງປະເທດສູນກາງພັກ, ລັດຖະມົນຕີຊ່ວຍວ່າການກະຊວງການຕ່າງປະເທດ.
ໃນພິທີດັ່ງກ່າວມີ ທ່ານ ນາງ ຄຳເພົາ ເອີນທະວັນ ຫົວຫນ້າສະຖາບັນການຕ່າງປະເທດກະຊວງ ການຕ່າງປະເທດ, ພ້ອມດ້ວຍຄະນະກົມ, ຄະນະສະຖາບັນ ແລະ ພະນັກງານວິຊາການຈຳນວນຫນຶ່ງອ້ອມຂ້າງກະຊວງການຕ່າງປະເທດເຂົ້າຮ່ວມເປັນສັກຂີພິຍານ.
ການປະກວດອອກແບບສັນຍະລັກ (LOGO) ສຳລັບກອງ ປະຊຸມ AEPF 9 ໄດ້ເລີ່ມມາຕັ້ງແຕ່ວັນທີ 14 ຕຸລາ 2011 ເປັນຕົ້ນມາ ແລະ ໄດ້ມີຜູ້ສົ່ງຜົນງານຂອງຕົນເຂົ້າຮ່ວມປະກວດ 50 ກວ່າທ່ານ ແລະ ໄດ້ຜ່ານການຄັດເລືອກຈາກຄະນະຮັບຜິດຊອບກອງປະຊຸມເວທີພາກປະຊາຊົນອາຊີເອີຣົບ ຄັ້ງທີ 9 ໂດຍໃຫ້ຜູ້ແຂ່ງຂັນອະທິບາຍຄວາມຫມາຍຂອງໂລໂກແກ່ຄະນະດັ່ງກ່າວໄດ້ຮັບຮູ້ ແລະ ເຂົ້າໃຈຄວາມຫມາຍຂອງໂລໂກທີ່ສົ່ງເຂົ້າແຂ່ງຂັນ.
ຜ່ານການຄັດເລືອກຫລາຍລົບຫລາຍຕ່າວ ໂດຍຄະນະຮັບຜິດຊອບຄັດເລືອກໂລໂກດັ່ງກ່າວໄດ້ເຫັນດີເປັນເອກະພາບເລືອກເອົາຜົນງານການແຂ່ງຂັນ “LOGO” ໂດຍທ່ານ ນາງ ຂັນແກ້ວ ວື່ ໄດ້ຖືກຄັດເລືອກເປັນໂລໂກສຳລັບກອງປະຊຸມ AEPF 9 ເຊິ່ງມີເນື້ອໃນສອດຄ່ອງກັບຫົວຂໍ້ກອງປະຊຸມທີ່ວ່າ: “ຄວາມສາມັກຄີຂອງປະຊາຊົນ ເພື່ອຕ້ານຄວາມທຸກຍາກ ແລະ ເພື່ອການພັດທະນາແບບຍືນຍົງ: ສິ່ງທ້າທາຍຂອງຄວາມບໍ່ຍຸຕິທຳ ແລະ ການພັດທະນາບໍ່ເທົ່າທຽມກັນ, ສ້າງລັດຂອງປະຊາຊົນເພື່ອປະຊາຊົນ”.
ລາຍລະອຽດຄຳອະທິບາຍ ຂອງ LOGO ດັ່ງລຸ່ມນີ້:
ສີແດງຫມາຍເຖິງທຸງຊາດ, ເຊິ່ງທຸງຊາດເກືອບທຸກໆປະເທດ ແມ່ນປະກອບດ້ວຍສີແດງທີ່ເຂັ້ມແຂງ, ຫນ້າແຫນ້ນ.
ສີເຫລືອງຫມາຍເຖິງສີດອກຈຳປາ, ເຊິ່ງແມ່ນດອກໄມ້ປະຈຳຊາດຂອງ ສປປ ລາວ ແລະ ເປັນສີຜິວຂອງຄົນອາຊີ.
ສີຟ້າ ຫມາຍເຖິງສະຫະພາບເອີຣົບ.
ສີຂຽວອ່ອນ ຫມາຍເຖິງ ການຈະເລີນເຕີບໂຕ ຫລື ການຂະຫຍາຍຕົວທາງດ້ານເສດຖະກິດ-ສັງຄົມລະຫວ່າງ 2ທະວີບອາຊີ-ເອີຣົບ.
ສີຂຽວເຂັ້ມ ຫມາຍເຖິງ ຄວາມອຸດົມຮັ່ງມີ ຫລື ການພັດທະນາແບບຍືນຍົງ.
Ecom
ຜູ້ເສື້ອສີຂຽວນືກວ່າ ດຣ ນ ບຸນທອນ ຈັນທະລາວົງ-ວີເຊີ.
ດອກຈໍາປາ ເບິດປີ
ກາພະທາດຫຼວງ ເບິດປີ
ສັນຍາລັກຕ່າງໆ ບໍ່ມີຫຍັງ ໂດດເດັ່ນແຕກຕ່າງ ໃຫ້ເຂົ້າກັບຍຸກກັບສະໄໜເລີຍ
Anonymous wrote:ດອກຈໍາປາ ເບິດປີ ກາພະທາດຫຼວງ ເບິດປີສັນຍາລັກຕ່າງໆ ບໍ່ມີຫຍັງ ໂດດເດັ່ນແຕກຕ່າງ ໃຫ້ເຂົ້າກັບຍຸກກັບສະໄໜເລີຍ
ກະເຂົາເຫັນວ່າມັນເປັນສັນຍາລັກຂອງຊາດເນາະ...
