ທະນາຄານໂລກລາຍງານທ່າອ່ຽງເສດຖະກິດຂອງ ສປປ ລາວ ຕໍ່ສື່ມວນຊົນໃນກອງປະຊຸມຖະແຫລງຂ່າວໃນວັນທີ 23 ພຶດສະພາທີ່ຜ່ານມານີ້ວ່າ: ອັດຕາເງິນ ເຟີ້ໂດຍລວມຂອງ ສປປ ລາວມີທ່າອ່ຽງຫລຸດລົງນັບແຕ່ເດືອນພະຈິກ 2011 ຜ່ານມາ ຊຶ່ງເປັນຜົນມາຈາກອັດຕາເງິນເຟີ້ໃນສ່ວນສະບຽງອາຫານ ແລະ ນ້ຳມັນ ເຊື້ອໄຟມີອັດຕາຕ່ຳລົງ ໃນນັ້ນ ອັດຕາເງິນເຟີ້ທົ່ວໄປຫລຸດລົງຈາກ 7.9% ຕໍ່ປີ ໃນເດືອນພະຈິກ 2011 ມາເປັນ 5.3% ໃນເດືອນມີນາ 2012 ຕົວຢ່າງອັດຕາ ເງິນເຟີ້ສະບຽງອາຫານໄດ້ຫລຸດລົງຈາກ 10.7% ມາເປັນ 8.2% ໃນໄລຍະດຽວກັນ ເຊິ່ງຜົນຈາກລາຄາເຂົ້າກິນຫລຸດລົງ ເຖິງແມ່ນວ່າລາຄາຊີ້ນໂດຍທຽບ ຖານຍັງຄົງສູງກໍຕາມ, ພ້ອມດຽວກັນນັ້ນກໍຍ້ອນລັດຖະບານລາວ ໄດ້ມີມາດຕະການຄວບຄຸມການສົ່ງນຳເຂົ້າ-ສົ່ງອອກ ໄດ້ຢ່າງມີປະສິດທິຜົນ. ແນວໃດກໍດີ ລາຄາພະລັງງານຍັງຄົງສືບຕໍ່ເພີ່ມຂຶ້ນ ແຕ່ໃນຈັງຫວະຊ້າລົງເມື່ອທຽບໃສ່ປີ 2011.
ທະນາຄານໂລກຍັງຊີ້ແຈງວ່າ: ລັດຖະບານ ແຫ່ງ ສປປ ລາວຍັງສືບຕໍ່ ປະຕິບັດນະໂຍບາຍສ້າງສະຖຽນລະພາບອັດຕາແລກປ່ຽນຕໍ່ສະກຸນເງິນຫລັກ. ໃນໄລຍະ 6 ເດືອນຜ່ານມາ ( ຕຸລາ 2011-ມີນາ 2012) ເງິນກີບລາວໄດ້ແຂງຄ່າຂຶ້ນ 0.3% ທຽບໃສ່ໂດລາສະຫະລັດ ຍ້ອນຄວາມຕ້ອງການເງິນກີບລາວທີ່ມີສູງ ແລະ ການໄຫລເຂົ້າຂອງເງິນຕາຕ່າງປະເທດທີ່ຕິດພັນກັບການລົງທຶນ ແລະ ການສົ່ງອອກ. ພອ້ມດຽວກັນນັ້ນ ເງິນກີບລາວຍັງແຂງຄ່າຂຶ້ນທຽບໃສ່ເງິນບາດໄທ 1% ໃນໄລຍະດຽວກັນ, ສ່ວນໃຫຍ່ແມ່ນເປັນຍ້ອນການອອ່ນຄ່າຂອງເງິນບາດໄທທຽບໃສ່ເງິນໂດລາ.
Source: KPL
ຂອບໃຈຫລາຍໆເດີທ່ານຊະນະໄພທີ່ນໍາເອົາຂ່າວດີນີ້ມາໃຫ້ອ່ານ. ຖ້າທ່ານມີເວລາ ບໍ່ໄດ້ອອກໄປຕີ golf ກະຣຸນາຊ່ອຍອະທິບາຍໃຫ້ຟັງແດ່ວ່າການທີ່ເງິນກີບແຂງຕົວມີຜົນດີແນວໃດຕໍ່ການສົ່ງອອກສິນຄ້າແລະອຸດສະຫະກໍາການທ່ອງທ່ຽວ? ຂອບໃຈ.
