Pasalao

Anonymous wrote:

---

ຂ້ອຍແມ່ນຜູ້ເຄາະຮ້າຍທີ່ລູກຂອງຂ້ອຍຖືກໂຈນປຸ້ນໂດຍເອົາມີດຈີ້ເພື່ອບັງຄັບເອົາໂທລະສັບມືຖືຍີ່ຫໍ້ດັງ ມູນຄ່າ 5,4 ລ້ານກີບໄປ ຫຼັງຈາກນັ້ນປະມານເກືອບສອງເດືອນໝໍໂຈໄດ້ເປີດນຳໃຊ້ເບີດັ່ງກ່າວຄືນຂ້ອຍເລີຍໄປເອົາຂໍ້ມູນນຳເຄືອຂ່າຍໂທລະສັບເພື່ອກວດສອບຫາເບີທີ່ມັນໃຊ້ຕິດຕໍ່ຫາ ແລະກໍ່ໄດ້ຂໍ້ມູນມາປະມານສາມໜ້າເຈັ້ຍ ຈາກນັ້ນກໍ່ໄດ້ປະສານຫາ ປກສ ເມືອງໄຊເຊດຖາເພື່ອຕາມຈັບໂຈນດັ່ງກ່າວ ແຕ່ວ່າຍັງບໍ່ທັນໄດ້ເຮັດຫັຍງເທື່ອກໍ່ໃຫ້ນາຍໜ້າມາຖາມວ່າຖ້າຈັບໂຈນໄດ້ຈະຈ່າຍເທົ່າໃດ ນີ້ແມ່ນຄຳເວົ້າທີ່ເຮັດໃຫ້ຂ້ອຍເສຍໃຈທີ່ສຸດ ທີ່ເຈົ້າທີ່ຜູ້ຊຶ່ງໄດ້ສາບານຕົນໄວ້ກັບປະເທດຊາດ ແລະປະຊາຊົວ່າຈະປົກປ້ອງ ແລະຮັກສາຄວາມສະຫງົບສຸກໃຫ້ແກ່ປະຊາຊົນມີພຶດຕິກຳແບບນີ້ ຂ້ອຍເລີຍຕັດສີນໃຈໃຫ້ເພິ່ນຍຸດຕິການສອບສວນ ແລະໄດ້ຕິດຕໍ່ຫາໝູ່ຂອງອ້າຍທີ່ໄດ້ອ້າງຕະລອດວ່າຮູ້ຈັກຜູ້ໃຫ່ຍຂອງກົມຕຳລວດເພື່ອເອົາຂໍ້ມູນໄປຫາກົມສອບສວນເພື່ອດຳເນີນການຕໍ່ ເພິ່ນນີ້ຄືແຕ່ທຳອິດ ອ້າງວ່າກຳລັງຈະໄປຈັບຕົວແຕ່ຢາກໄດ້ເງີນຄ່ານ້ຳມັນລົດ ກັບຄ່າລ້ຽງເຂົ້າ ຂ້ອຍກໍ່ດີໃຈທີ່ເພິ່ນເວົ້າວ່າຈັບຕົວໄດ້ແລ້ວເລີຍຕົກລົງເອົາໃຫ້ 3ແສນ ແຕ່ເພິ່ນຂໍ 2000 ບາດ ແລ້ວກໍ່ອອກເຮືອນໄປ ຈົນຮອດມື້ນີ້ບໍ່ມີຂ່າວຫັຍງທັງໝົດ ຂ້ອຍກໍ່ເລີຍຄິດວ່າໂອຍມັນແມ່ນອັນດຽວກັນ.

ສິ່ງທີ່ຢາກສົນທະນາກັບເພື່ອນໆກໍ່ຄື: ມັນສົມຄວນບໍ່ທີ່ຕຳລວດມາຮຽກເກັບເງີນຈາກເຈົ້າທຸກເພື່ອໄປຈັບໂຈນ ຖ້າບໍ່ຈ່າຍເດຄືຊີ່ບໍ່ຈັບເນາະ, ກົງກັນຂ້າມກັບຂະແໜງການອື່ນ ຖ້າເຮົາເອົາຂໍ້ມູນໃຫ້ເພິ່ນຍັງໃຫ້ລາງວັນແກ່ເຮົາຊ້ຳ. ທີ່ເວົ້າມາບໍ່ໄດ້ໝາຍເຖິງຕຳລວດໝົດທຸກໆທ່ານ ແຕ່ມີສ່ວນນ້ອຍຈຶ່ງຍາກໃຫ້ປັບປຸງຄືນໃໝ່ບໍ ຢ່າສູ່ໃຫ້ຕຳລວດ ກັບ ໂຈນເປັນພວກດຽວກັນທ້ອນ.

---

 should we report this behaviour to National Assembly? there they may have beautiful answers for us.

ເວົ້າຕາມຄວາມເປັນຈີງຕຳຫຼວດລາວ ເຮັດໂຕປານໂຈນກໍ່ບໍ່ປານ

ແທນທີ່ຈະຊ່ອຍເຫຼືອປະຊາຊົນຜູ້ຖືກເຄາະຮ້າຍ ພັດຂູດຮີດເງີນປະຊາຊົນເອງຊໍ້າ

ຖ້າຖືກປຸ້ນຈີ້ ບໍ່ຈ້າງເງີນຕຳຫຼວດ ເຂົາເຈົ້າກໍ່ບໍ່ຍອມດຳເນີນເລື່ອງໃຫ້

ຖ້າຖືກລົດຕຳ ບໍ່ຈ່າຍຄ່ານໍ້າຄ່າໃນໃຫ້ ພັດຖືກຝ່າຍຜິດຊື້ໂຕໄປເຂົ້າຂ້າງເຂົາເຈົ້າຊໍ້າ

ຖ້າຕຳຫຼວດຈາລະຈອນ ຮອດມື້ຈ່າຍຫວຍມາ ປະກົດວ່າສາມແຈວາງເຕັມຖະໜົນ ລັດຖ້າເອົາເງີນຕາມທາງ

ຖ້າແມ່ນຕຳຫຼວດແຮງງານຕ່າງດ້າວ ພັດບຸກລຸກເຂົ້າມາເຮືອນປະຊາຊົນແບບບໍ່ມີຫນັງສືຫຍັງໝົດ ຢາກຈັບໃຜ

ກະຈັບໂລດ ເຮັດໂຕເອງປານໂຈນປຸ້ນ

ນີ້ຄືສະພາບຄວາມເປັນຈີງຂອງຕຳຫຼວດ(ສ່ວນໃຫຍ່) ທີ່ເຮັດໂຕຮ້າຍກ່ວາໂຈນຢູ່ບ້ານເຮົາ ແຕ່ຂັ້ນເທີງ

ກໍ່ຍັງບໍ່ຈິງໃຈແກ້ໄຂ ດັດສັນດານຕຳຫຼວດທີ່ເຮັດພືດຕິກັມຄືແນວນີ້ .......ພວກເຮົາຕ້ອງໄດ້ທຳໃຈ.

ໄປບອກ ພວກ ຂຕລ ກໍໄດ້ ເຂົ້າຈັດການໃຫ້ໂລດ

ເລື່ອງນີ້ເປັນປັນຫາໃຫຍ່ເລີຍ, ປຊຊ ຜູ້ທຸກຍາກເດ ຖ້າຖືກປຸ້ນ ຕຳຫຼວດກໍ່ຄົງຈະຊ່ອຍເຂົາບໍ່ໄດ້ເລີຍແມ່ນບໍ່ ຖ້າຫາກຕຳຫຼວດເປັນແນວ ແລ້ວ ປຊຊ ຈະໄປເພິ່ງພາອາໃສຜູ້ໃດລະ ຊິເປັນບ້ານເປັນເມືອງຢູ່ຫວາ!!

Anonymous wrote:

---

ໃຜກ່າມີແຕ່ຈົມແຕ່ວ່າ ຄືບໍ່ເຂົ້ໄປຫາ ລມຕ ກະຊວງປກສ ດ້ວຍຕົວເອງລອງເບີ່ງແດ່  ຢ່າມີແຕ່ກ້ານອກເຕົາຫຼາຍ ຄັນເຫັນບັນຫາກ່ຽວຂ້ອງແທ້ຄວນໄປຫາພໍ່ຕຳຫຼວດໂລດ ເອົາລາຍຊື່ໄປສະເໜີເພີ່ນພ້ອມ ຖ້າຢາກແກ້ບັນຫາດ້ວຍຄວາມຈີງໃຈ   

---

ທ່ານນິກະເວົ້າໂພດດອກ ເວົ້າຄືວ່າຊິເຂົ້າຫາເພິ່ນງ່າຍໆ ແມ່ນແຕ່ເຂົ້າໄປຫາຕຳຫຼວດຊັ້ນຜູ້ນ້ອຍ ກະເຈົ້າຍັງບໍ່ປິ່ນໜ້າມາລົມນຳເຮົາຊ້ຳ ຊຳຊາຊິເຂົ້າໄປຫາ ລມຕ ແມ່ນບໍ່ມີໂອກາດດອກທ່ານ ໄດ້ແຕ່ຈົ່ມນິລະ ຈົ່ມກະໄດ້ແຕ່ຈົ່ມຄ່ອຍໆ ຈົ່ມແຮງຫຼາຍກະບໍ່ໄດ້ ຈັກໜ້ອຍຊິຖືກແນວອື່ນ

Anonymous wrote:

---

ແຕ່ກີ້ມີຄຳຂັວນວ່າ (ຄົນລວຍບໍ່ໄດ້ເຂົ້າຄຸກ ຄົນທຸກບໍ່ໄດ້ເຂົ້າໂຮງໝໍ) ແຕ່ດຽວນີ້ປ່ຽນໄປແລ້ວ (ເປັນໂຈນບໍ່ໄດ້ຖືກຄຸກ ຖ້າໄປປົ້ນຄົນທຸກ ເພາະມັນບໍ່ມີເງີນຈ້າງຕຳລວດມາຈັບ)

---

ຍຶດເອົາດິນປູກຝັງຂອງຊົນເຜົ່າໄປໃຫ້ນາຍທຶນຕ່າງສໍາມະທານປູກຢາງພາລາ ກໍ່ແມ່ນການປຸ້ນຄົນທຸກຢູ່ບໍ່?