ແຂວງໄຊຍະບູລີມີແຜນ ດຶງດູດນັກທ່່ອງທ່ຽວ ໂດຍອີງ ຕາມທ່າແຮງຂອງຊັບພະຍາກອນທຳມະຊາດ, ປະຫວັດສາດ ແລະ ວັດທະນະທຳເປັນຫລັກທີ່ຕິດພັນກັບຮີດຄອງປະເພນີບັນ ດາເຜົ່າທີ່ຄຽງຄູ່ກັບເຜົ່າຂອງຕົນ, ຂະນະດຽວກັນຄາດວ່າ ຈະເອົາບຸນຊ້າງທີ່ຈະຈັດຂຶ້ນໃນວັນ ທີ 17-19 ກຸມພາ 2012 ນີ້ ເປັນງານບຸນປະເພນີທັງເປັນເທດສະການຕ້ອນຮັບປີທ່ອງ ທ່ຽວລາວນຳ ຈາກນັ້ນ ສະເພາະໃນແຕ່ລະ ເດືອນກໍ່ຈະຈັດໃຫ້ມີກິດຈະ ກຳທີ່ເປັນເອກະລັກຂອງແຕ່ລະ ເມືອງເຊັ່ນດຽວກັນ. ທ່ານ ສັງວຽນ ແສງກັນນາລີ ຫົວຫນ້າພະແນກທ່ອງທ່ຽວ ແຂວງໄຊຍະບູລີທ່ານໃຫ້ຮູ້ວ່າ: ສຳລັບປີທ່ອງທ່ຽວລາວແລ້ວ ທາງແຂວງພວກເຮົາໄດ້ມີການ ກະກຽມຫລາຍດ້ານ ໂດຍສະ ເພາະກໍ່ແມ່ນສ້າງຂະບວນການ ຕ້ອນຮັບປີທ່ອງທ່ຽວລາວຫລາຍຈຸດຕາມເມືອງຕ່າງໆເຊັ່ນວ່າ: ງານບຸນປະເພນີ, ເທດສະການກອງເຂົ້າໃຫຍ່ຢູ່ເມືອງພຽງ; ບຸນຊ້າງ, ສວນອະນຸຮັກຕົ້ນ ໄມ້ເປັນຢາ, ສູນອະນຸຮັກຊ້າງ ແລະ ອ່າງນ້ຳຕຽງຢູ່ເມືອງໄຊ ຍະບູລີ, ບຸນດອກໄມ້ຢູ່ເມືອງຫົງສາ ແລະ ບຸນເຂົ້າຈີ່ໃຫຍ່ຢູ່ເມືອງ ບໍ່ແຕນເຫລົ່ານີ້ເປັນຕົ້ນ. ສຳລັບສວນອະນຸຮັກຕົ້ນໄມ້ເປັນຢາ ຕາມການສຳຫລວດມີປະມານ 72 ສາຍພັນຊະນິດທີ່ສາມາດນຳມາໃຊ້ເປັນຢາພື້ນເມືອງປິ່ນປົວ ໄດ້ ແລະ ຊະນິດອື່ນໆອີກສ່ວນການໂຄສະນາປະຊາສຳພັນ ຕາມສາຍທາງ ແລະ ສະຖານ ທີ່ທ່ອງທ່ຽວທາງພາກສ່ວນກ່ຽວຂ້ອງ ໄດ້ມີການຕິດປ້າຍໂຄສະນາ ເພື່ອດຶງດູດຈຸດສົນໃຈຂອງນັກທ່ອງ ທ່ຽວທີ່ເຂົ້າມາທ່ຽວໃນສະຖານ ທີ່ຕ່າງໆຂອງແຂວງ. ສຳລັບງານບຸນຊ້າງຂອງ ແຂວງໄຊຍະບູລີແມ່ນຈັດຂຶ້ນທຸກໆປີ ໂດຍ ຜັດປ່ຽນກັນພາຍໃນ 3 ຕົວເມືອງ ຄື ເມືອງປາກລາຍ, ເມືອງຫົງສາ ແລະ ເມືອງໄຊຍະບູລີ, ປີ2011 ຜ່ານມາ ຈັດຂຶ້ນທີ່ເມືອງປາກ ລາຍສ່ວນປີນີ້ ແມ່ນຈັດຂຶ້ນທີ່ເມືອງໄຊຍະບູລີຮັບກຽດເປັນ ເຈົ້າພາບ ແຕ່ລະປີຈະມີຂະບວນ ຊ້າງເຂົ້າຮ່ວມບໍ່ຕ່ຳກວ່າ 50-60 ໂຕ ເຊິ່ງເປັນຊ້າງທີ່ປະຊາ ຊົນເປັນຜູ້ລ້ຽງພາຍໃນງານປະກອບດ້ວຍຫລາຍ ກິດຈະກຳເຊັ່ນວ່າ: ເປີດຕະຫລາດນັດວາງສະ ແດງ, ຈຳຫນ່າຍສິນຄ້າທີ່ເປັນ ຜະລິດຕະພັນແບບລາວໆ, ຊົມການສະແດງສິລະປະ, ວັນນະຄະ ດີ,ກາຍະສິນ ເຊິ່ງເລີ່ມແຕ່ວັນທີ 10 ກຸມພາ ນີ້ ເປັນຕົ້ນໄປ ສ່ວນງານບຸນຊ້າງແທ້ໆຈະເລີ່ມ ແຕ່ວັນທີ 17-19 ກຸມພາ 2012 ພາຍໃນສອງວັນນີ້ ຈະໄດ້ຊົມຂະບວນແຫ່ງຊ້າງອອກເສິກ, ຊ້າງນຳທ່ຽວ, ຊ້າງນ້ອຍຄຳຮູ້, ຊົມສາທິດ ການໃຊ້ແຮງງານຂອງຊ້າງ, ບໍລິການຂີ່ຊ້າງນຳທ່ຽວ ຊົມທຳມະຊາດ, ເບິ່ງວິທິການ ເອົາຊ້າງອາບນ້ຳ ນອກນັ້ນ ກໍ່ຍັງມີການຄັດເລືອກຊ້າງງາມປະ ຈຳປີ ແລະ ບາສີສູ່ຂວັນໃຫ້ແກ່ຊ້າງອີກ ດ້ວຍ. ປະຈຸບັນ ທົ່ວແຂວງມີຊ້າງ ທັງຫມົດປະມານ 400 ກວ່າໂຕໃນຈຳນວນຊ້າງລ້ຽງ 560 ກວ່າ ໂຕ ໃນທ່ົວປະເທດປີຜ່ານມາ ມີ ລາຍຮັບຈາກການຈັດງານບຸນ ຊ້າງປະມານ 20 ກວ່າຕື້ ກີບເປັນຈຸດຫນຶ່ງທີ່ສ້າງຄວາມສົນໃຈເຮັດໃຫ້ນັກທ່ອງທ່ຽວເຂົ້າແຂວງຕະຫລອດປີ2011 ມີເຖິງ74.368 ຄົນ. ສ່ວນຫລາຍແມ່ນນັກທ່ອງ ທ່ຽວຈາກໄທຜ່ານເຂົ້າມາກວມ ປະມານ 80% ຄາດວ່າ ປີນີ້ ຈະມີນັກທ່ອງທ່ຽວເພີ່ມຂຶ້ນປະມານ 20%
ຂ້າພະເຈົ້າບໍ່ໄດ້ວິຈານຫຍັງທັງໝົດພຽນຢາກແນະນຳບາງບັນຫາດັ່ງນີ້ກ່ຽວກັບບຸນຊ້າງບ້ານເຮົາ
ການຈັດບຸນກະເຫັນດີຢູ່ແລະຄວນສົ່ງເສີມໃຫ້ຈັດເລື້ອຍໆ, ແຕ່ມາເບິ່ງການຝຶກຊ້າງຂອງບ້ານເຮົາແລ້ວທຽບ ໃສ່ປະເທດບ້ານໃກ້ເຮືອນຄຽງແລ້ວໄກກັນປານຟ້າກັບດິນເອົາໂລດ, ການຫລີ້ນບຸນຊ້າງກະມີພຽແຕ່ຊູ່ຂວັນໃຫ້
ຊ້າງ ແລະ ເກືອອາຫານຊ້າງຊື່ໆ ຂ້າພະເຈົ້າຄິດວ່າໜ້າຈະມີອີ່ຫຍັງທີ່ພິເສດກ່ວານີ້ເຊັ່ນ: ການຝຶກໃຫ້ຊ້າງ ເຮັດທ່າ ທາງຕ່າງໆເປັນຕົ້ນແມ່ນ ທ່າສະບາຍດີ ແລະ ອື່ນໆ ທີ່ມັນພິເສດ, ຈຶ່ງເຮັດໃຫ້ນັກທ່ອງທ່ຽວຕິດໃຈ ແລະ ຍາກມາທ່ອງທ່ຽວລາວຕື່ມອີກ.
ແນະນຳອີກວ່າກ່ອນຈະຝືກຊ້າງໃຫ້ຝືກຄົນນັ້ນກ່ອນ
ຄົນສະຫລາດແລ້ວ ຈື່ງຝືກຊ້າງໃຫ້ມັນສະຫລາດ
ການ ບໍລິຫານ ຈັດການ ຕອ້ງລະອຽດ ກວ່ານີ້ !
