ອົງການຈັດຕັ້ງຂອງນະຄອນຫຼວງວຽງຈັນ ໄດ້ເອົາໃຈໃສ່ເບິ່ງແຍງດູແລເປັນພິເສດຕໍ່ຄອບຄົວນັກຮົບ ປະຕິວັດທີ່ອົງອາດກ້າຫານ ເສຍສະຫຼະເລືອດເນື້ອເພື່ອປະເທດຊາດ ເພື່ອຄວາມຢູ່ເຢັນເປັນສຸກຂອງພໍ່ແມ່ປະຊາຊົນ.
ໃນໂອກາດວັນສ້າງຕັ້ງກອງທັບປະຊາຊົນລາວ (20 ມັງກອນ) ທີ່ຈະໝູນວຽນມາ ຄົບຮອບ 63 ປີນີ້ ໃນວັນທີ 5 ມັງກອນຜ່ານມາ ທ່ານ ສາຍທອງ ແກ້ວດວງດີ ຄະນະປະຈຳພັກນະຄອນຫຼວງ ຮອງເຈົ້າຄອງນະຄອນຫຼວງວຽງຈັນ ກໍໄດ້ລົງໄປຢ້ຽມຢາມບັນດາຄອບຄົວນັກຮົບເກົ່າທີ່ເມືອງນາຊາຍທອງ ໃນນີ້ມີຄອບຄົວຂອງທ່ານ ທອງສາຍ ອັດສະວິນ ຢູ່ບ້ານໜອງສະ ຄອບຄົວທ່ານ ສົມມະນີ ຈຸນລະມະນີ ຄອບຄົວທ່ານ ອູລາ ພົມມະລີ ຢູ່ບ້ານຮ່ອງງົວ ແລະ ຄອບຄົວຂອງທ່ານ ທອງພັນ ຢູ່ ບ້ານນາຍາງ ໃນຈຳນວນຄອບຄົວນັກຮົບດັ່ງກ່າວນີ້ເຫັນວ່າມີຄຸນງາມຄວາມດີຕໍ່ ປະເທດຊາດ ໃນສະໄໝຕໍ່ສູ້ປົດປ່ອຍຊາດ ປັດຈຸບັນນີ້ ເຖິງຈະພັກຜ່ອນຮັບບຳເນັດບຳນານແລ້ວ ແຕ່ກໍຍັງສືບຕໍ່ເປັນແບບຢ່າງອັນດີໃຫ້ລູກໃຫ້ຫຼານຈົດຈຳບຸນຄຸນ ສືບທອດຕະຫຼອດກັນໄປ.
ເມື່ອທ່ານຮອງເຈົ້າຄອງນະຄອນຫຼວງວຽງຈັນ ເຫັນຊີວິດການເປັນຢູ່ຕົວຈິງແລ້ວ ເຫັນວ່າມີຄວາມຫຍຸ້ງຍາກລຳບາກສົມຄວນ ເພາະບາງທ່ານກໍເສຍອົງຄະບາງ ທ່ານກໍເກີດພະຍາດຈາກພິດໄພຂອງສົງຄາມ ສະນັ້ນ ທ່ານກໍໄດ້ໃຫ້ຄຳໝັ້ນສັນຍາວ່າ ພາຍໃນປີ 2012 ນີ້ ຈະຄົ້ນຄ້ວາທຶນຮອນມາຊ່ວຍເຫຼືອ ເປັນຕົ້ນແມ່ນການປຸກສ້າງເຮືອນຊານຂອງນັກຮົບທີ່ຍັງບໍ່ທັນແລ້ວ ນັ້ນໃຫ້ສຳເລັດ ເພື່ອໃຫ້ໄດ້ຢູ່ເຮືອນຫຼັງໃໝ່ຫຼັງງາມ ຮ່ວມຊີວິດກັບລູກກັບຫຼານຢ່າງມີຄວາມສຸກຄວາມອົບອຸ່ນຕະຫຼອດໄປ.
ດີໃຈນໍາເດີພໍ່ຕູ້ທີ່ຈະໄດ້ຢູ່ບ້ານຫຼັງໃໝ່ຫຼັງງາມ, ແຕ່ໜ້າເສຍດາຍທີ່ນັກຮົບເກັ່ງກ້າອີກຫຼາຍຮ້ອຍຄົນທີ່ຢູ່ເຂດຫ່າງໄກກາຍເປັນຄົນທີ່ເພິ່ນລືມ.
ດີໃຈນໍາເດີພໍ່ຕູ້ທີ່ຈະໄດ້ຢູ່ບ້ານຫຼັງໃໝ່ຫຼັງງາມ, ແຕ່ໜ້າເສຍດາຍທີ່ນັກຮົບເກັ່ງກ້າອີກຫຼາຍຮ້ອຍຄົນທີ່ຢູ່ເຂດຫ່າງໄກຍັງກາຍເປັນຄົນທີ່ເພິ່ນລືມ.
Anonymous wrote:ດີໃຈນໍາເດີພໍ່ຕູ້ທີ່ຈະໄດ້ຢູ່ບ້ານຫຼັງໃໝ່ຫຼັງງາມ, ແຕ່ໜ້າເສຍດາຍທີ່ນັກຮົບເກັ່ງກ້າອີກຫຼາຍຮ້ອຍຄົນທີ່ຢູ່ເຂດຫ່າງໄກຍັງກາຍເປັນຄົນທີ່ເພິ່ນລືມ.
ນາແລ້ວຂ້າຄວາຍເທິກ ເສິກແລ້ວຂ້າຄົນຫານ
ພາສິດນີ້ຈັ່ງແມ່ນເປັນອະມະຕະວາຈາ
ຜູ່ຂຽນນີ້ກໍເປັນໜຶ່ງໃນ ຄົນດີທີ່ໂລກລືມນັ້ນຄືກັນ
ເຖິງບໍ່ແມ່ນ ອະດິດພາລະກິດປົດປ່ອຍຊາດ 30 ປີກໍຈິງ, ແຕ່ເປັນລຸ້ນບຸກເບີກ ລະບອບໃໝ່
ຕັ້ງແຕ່ ຟື້ນຟູ ພງ ທຫ ຕລ ຈາກອ່ານບໍ່ໄດ້ຂຽນບໍ່ເປັນພຸ້ນລະມາ......
ແຕ່ດຽວນີ້ ກາຍເປັນກໍາພ້າຜີນ້ອຍ ນອກນິທານໄປແລ້ວ
ໜ້າສັງ ຊະຕາກໍາຂອງນັກປະຕີວັດເກົ່າແກ່ທັງຫຼາຍ
ເຫຼືອກິນເຫຼືອໃຊ້ປານນັ້ນ ກໍຄວນໂຍນຊີ້ນຕິດກະດູກມາໃຫ້ແດ່
ຢ່າພາກັນເນລະຄຸ ຄົນ...........
