ວິທະຍາໄລສົງອົງຕື້ຮ່ວມມືກັບໂຄງການເມດຕາທັມ ແນະນຳປຶ້ມຄູ່ມືການຮຽນ-ການສອນ “ທັກສະຊີວິດທາງພຸດທະສາສະຫນາ ຫລື ພຸດທະສາສະຫນາກັບບັນຫາໄວຫນຸ່ມ” ແຕ່ ມ.1 ຫາ ມ.7 ອອກສູ່ສາຍຕາມວນຊົນ ຫລັງໃຊ້ເວລາສ້າງຍາວນານເຖິງ 11 ປີ.
ພິທີແນະນຳປຶ້ມຄູ່ມືທັກສະຊີວິດທາງພຸດທະສາສະຫນາໄດ້ຈັດຂຶ້ນໃນຕອນແລງຂອງວັນທີ 12 ມັງກອນທີ່ຜ່ານມາທີ່ສາລາ ໂຮງທັມວັດອົງຕື້ ເມືອງຈັນທະບູລີ ນະຄອນຫລວງວຽງຈັນ ເປັນປະທານຂອງພະອາຈານໃຫຍ່ ດຣ. ມະຫາ ຊາລີ ກັນຕະສີໂລ ຮອງປະທານສູນກາງອົງການພຸດທະສາສະຫນາສຳພັນລາວ (ອພສ), ຍາທ່ານ ເວດ ມະເສ ໃນຄະນະປະຈຳ ອພສ ສູນກາງມີທ່ານພະອາຈານ ອພສ ເມືອງ ພ້ອມດ້ວຍອອກຕົນຍາດໂຍມທີ່ກ່ຽວຂ້ອງເຂົ້າຮ່ວມ.
ພະອາຈານ ບຸນສີ ວົງພູມີ ຫົວຫນ້າໂຄງການເມດຕາທັມ ໄດ້ອະທິບາຍວ່າ: ປຶ້ມຄູ່ມືການຮຽນ-ການສອນ “ທັກສະຊີວິດທາງພຸດທະສາສະຫນາ” ໄດ້ດຳເນີນມາແຕ່ປີ 2001-2011 ຈິ່ງສຳເລັດລົງ ໂດຍແມ່ນການຮ່ວມມືລະຫວ່າງວິທະຍາໄລສົງອົງຕື້ກັບໂຄງການເມດຕາທັມ ເພື່ອ ປຸກລະດົມ ພະສົງລາວ ແລະ ຜູ້ນຳຊຸມຊົນປະກອບສ່ວນເຂົ້າໃນການຊ່ວຍເຫລືອສັງຄົມ ໂດຍສະເພາະບັນຫາໂລກເອດ, ຢາເສບຕິດ, ການ ດື່ມສິ່ງມຶນເມົາ, ອຸບັດເຫດຕາມທ້ອງຖະຫນົນຫລວງ, ການຄ້າມະນຸດ, ການຮັກສາສະພາບແວດລ້ອມ ແລະ ອື່ນໆ ເຊິ່ງປຶ້ມຄູ່ມືທັກສະຊີວິດທາງພຸດທະສາສະຫນານີ້ຈະໄດ້ນຳໃຊ້ເຂົ້າໃນການຮຽນ-ການສອນຕາມສະຖາບັນການສຶກສາຕ່າງໆນັບແຕ່ ມ.1 ຫາ ມ.7.
ພະອາຈານ ບຸນສີ ວົງພູມີ ອະທິບາຍຕື່ມອີກວ່າ: ຄຳວ່າ: ທັກສະຊີວິດທາງພຸດທະສາສະຫນາປະກອບດ້ວຍ 3 ອົງປະ ກອບຄື: 1. ທັກສະ (ກຸ່ມທັກສະດ້ານສະຕິປັນຍາ, ສັງຄົມ, ອາລົມຈິດ ເຊິ່ງທາງພຸດທະສາສະຫນາເອີ້ນວ່າປັນຍາ, ສິນ, ສະມາທິ), 2. ຫລັກພຸດທະສາສະຫນາ (ຄັດເລືອກມາໃຊ້ໃຫ້ເຫມະສົມກັບສະພາບການ ແລະ ກຸ່ມເປົ້າຫມາຍ) ແລະ 3. ຂະ ບວນການຮຽນຮູ້ແບບມີສ່ວນຮ່ວມ (ການຮຽບແບບເອົາຜູ້ ຮຽນເປັນສູນກາງ Child Center Apprach).
ເພີ່ນຊິໃຊ້ສອນໃນໂຮງຮຽນຕ່າງຯ ມໍ1 ຫາ ມໍ7 ຫມາຍເຖີງດໂຮງຮຽນທົ່ວໄປຫຼືວ່າສະເພາະແຕ່ໂຮງຮຽນສົງ?
ໃຜຮູ້ຊ່ວຍບອກແດ່
ຂອບໃຈຫຼາຍຫຼາຍເດີ
