ອ່ານເຖີດ...ຖ້າຢາກລວຍ...ເປັນຄຳອວຍພອນປີໃໝ່
>>>> ສະບາຍດີທຸກທ່ານ ເນື່ອງໃນວາລະດີຖີປີໃໝ່ນີ້
ຂໍອວຍພອນໄຊອັນປະເສີດ ຈົ່ງເກີດມີແກ່ທ່ານທຸກປະການ
ຂໍໃຫ້ທ່ານຈົ່ງສຸຂີໝັ້ນ ຍາວນານວັນຢ່າໄດ້ເຫຼືອງລ່າ
ສິ່ງໃດດີທີ່ປາຖະໜາ ຈົ່ງສຳເລັດຕາມປະສົງທ້ອນ
ຂໍປະຕິຍານຕົນໃນປີໃໝ່ນີ້ ຄືເຮັດດີໃຫ້ຫຼາຍກວ່າເກົ່າ
ຄວາມໂງ່ງ່າວບໍ່ດີຊົ່ວຮ້າຍ ຢ່າເອົາເກັບໄວ້ໃສ່ໃຈ
ໃຫ້ປ່ອຍປະລະຖີ້ມ ຢ່າໂງໂຄ້ງຕ່າວເອົາຄືນ
ໃຫ້ບຸກບື່ນຕັ້ງຕໍ່ແຕ່ທາງດີ ຈະນຳຊີວີມີສຸກນັ້ນແທ້ເດີ
ແລະປະຕິຍານຕົນອີກເດີວ່າ ບໍ່ດື່ມນ້ຳເມົາເຫຼົ້າເບຍເດັດຂາດ
ຊີວິດນີ້ບໍ່ປະໝາດມີເງິນມີຄຳ ບໍ່ສົ່ງເສີມຊື້ນ້ຳເມົາ ເຊັ່ນ ເບຍ-ເຫຼົ້າ
ດຽວບໍລິສັດເຂົາຈະລວຍ ເພາະທຸກຄົນຊ່ວຍກັນໄປຊື້
ໃຫ້ຈຳຈື່ໄວ້ຫາເງິນໄດ້ແລ້ວ ຢ່າໃຊ້ຈ່າຍເພາະແລກນ້ຳເມົາ
ແລ້ວຊີວິດຂອງເຈົ້າ ຈະລວຍຮອດເທົ້າມື້ຕາຍ ພຸ້ນແລ
ໂດຍ: ສຸທັມໂມພິກຂຸ E-mail: kubakeo@dhammalao.net
>>>>>>>>>>>>>>>>>>>><<<<<<<<<<<<<<<<<<
ຈາກເວບໄຊທັມມະລາວ ຂໍຝາກຄະຕິທັມມາຕ້ອນ
ຕາມຫຼັກຄຳສອນບອກໄວ້ ໃຫ້ເວັ້ນຊົ່ວເຮັດແຕ່ດີ
ແລະມີຈິດໃຈໝັ້ນຄົງ ກົງຕໍ່ພຣະຣັດຕະນະໄຕ
ຈະເຮັດວຽກງານການໃດ ແມ່ນບໍ່ໃຫ້ປະໝາດນັ້ນແລ
www.dhammalao.net
ຂໍຂອບໃຈຫລາຍໆແລະຂໍໃຫ້ພອນອັນປະເສີດນີ້ຈົ່ງໄດ້ກັບຄືນໄປຫາຕົວທ່ານ
ດ້ວຍ, ໂຊກດີປີໃໝ່.
ສາທຸ ຂະນ້ອຍຈະເຊົາດື່ມແລ້ວ ເພື່ອເກັບມ້ຽນເງິນ ໄວ້ໃຊ້ໃນທາງທີ່ດີກວ່າ
ເຈົ້າຊິເຊົາໃດ້ບໍ ແຕ່ຂ້ອຍຍັງເຊົາບໍ່ໃດ້ ,ວິທີເຂົາລື່ມເຮັດແນວໃດບອກແດ່
