ໃນ ອາທິດ ຜ່ານມາ ຊື່ງເປັນຊ່ວງ ຂອງ ງານບຸນ ນະມັດການ ພຣະທາດຫຼວງ, ມີລົດເມ ໂດຍສານ ປະຈໍາທາງ ຖະໜົນ ເລກທີ 13 ສາຍ ວຽງຈັນ ສະຫວັນນະເຂດ ເກີດ ອຸບັດຕິເຫດ ປີ້ນ ຂ້ວມ ຕົກຈາກ ທາງ ມີຄົນ ໄດ້ຮັບ ບາດເຈັບ 10 ຄົນ.
ສາເຫດ ທີ່ພາໃຫ້ ລົດເມ ຂ້ວມ ໃນຄັ້ງນີ້ ແມ່ນຍ້ອນ ມີລົດ ກະບະ ຄັນນື່ງ ແລ່ນສວນທາງ ກັນນັ້ນ ເປີດຕາໄຟ ສູງ ໃສ່ ເຮັດໃຫ້ ຄົນຂັບ ລົດເມ ໂດຍສານ ຕົກໃຈ ແລະ ເສັຍຫລັກ. ຕາມທີ່ ພະນັກງານ ຂອງ ລົດເມ ປະຈໍາທາງ ຄັນນັ້ນ ໄດ້ເລົ່າ:
"ລົດສວນກັນ ເຂົາຍິງ ຕາສູງໃສ່ ລົດກະບະ ພິກອອກ ຈາກເຂົາ ພິກອອກຈາກ ເຂົາແລ້ວ ມາເປັນ ລົດໂງດ ແລ້ວມັນ ຈະຕົກທາງ ຈະຕົກ ເບື້ອງຂວາ ແລ້ວ ກໍດືງລົດຄືນ ດືງລົດຄືນ ມາແລ້ວ ບັດນີ້ ຈະມາ ຊ້າຍແຮງ ເພາະວ່າ ທາງມັນງ່ຽງ ເບື້ອງຊ້າຍ ເນາະ ມັນໜັກ ຫລັງຄາ ແຮງແລ້ວ ມັນປີ້ນ ແລ້ວມັນ ກໍຄ່ອຍ ໂຫງ້ຍລົງ. ໂອ້ສ່ວນມາກນີ້ ແລ່ນເຕັມທີ ເລີຍ ແລ່ນມາໜ້າ ເລີຍ ມັນກິນ ເລນຂວາ ມາເລີຍ ລົດກະບະນະ".
ອຸບັດຕິເຫດ ລົດໂດຍສານ ປະຈໍາທາງ ປີ້ນ ຂ້ວມ ທີ່ວ່ານີ້ ເກີດຂື້ນ ໃນວັນທີ່ 9 ພະຈິດ ຢູ່ທາງເລກ ທີ 13 ຕອນໃຕ້ ຫ່າງຈາກ ນະຄອນຫຼວງ ປະມານ 70 km, ມີຜູ້ໂດຍສານ ຈໍານວນ 32 ຄົນ ທີ່ຫວັງ ມຸ້ງໜ້າໄປ ຍັງ ນະຄອນຫຼວງ.
ຜູ້ທີ່ໄດ້ ຮັບບາດເຈັບ ນັ້ນ ສ່ວນຫລາຍ ແມ່ນ ຫົວແຕກ ຫຼື ແຂນຫັກ ເຈົ້າຂອງລົດເມ ໂດຍສານ ວ່າທາງ ບໍລິສັດ ປະກັນໄພ ກໍໄດ້ ມາປະເມີນ ຄ່າເສັຍຫາຍ ທັງໝົດ, ແຕ່ສໍາລັບ ການສ້ອມແປງ ລົດດນັ້ນ ເຈົ້າຂອງລົດ ຕ້ອງເສັຍເງິນ ເອງ ຍ້ອນວ່າ ບໍ່ແມ່ນ ກໍລະນີ ລົດຕໍາກັນ.
ທາງການ ໄດ້ກ່າວເຕືອນ ເລື້ອຍໆ ໃຫ້ຜູ້ຂັບຂີ້ ຍວດຍານ ພາຫະນະ ຈົ່ງໃຊ້ຄວາມ ລະມັດ ລະວັງ ບໍ່ໃຫ້ ປະມາດ ແລະ ໃຫ້ ປະຕິບັດ ຕາມກົດ ຈະລາຈອນ ເພື່ອປ້ອງ ກັນເຫດຮ້າຍ ທີ່ອາດ ເກີດຂື້ນໄດ້ ທຸກເມື່ອ.
ລົດເມ ມັນຄືມາເກົ່າແທ້
ຂ້ອຍເບິ່ງທໍາອິດ ນຶກວ່າ ລົດເມຖືກລະເບີດຊັ້ນດອກ
