Pasalao

ເອກະຊົນຫວຽດນາມຄຶກຄັກຮັບຂ່າວນັກລົງທຶນຕ່າງຊາດ ຍ້າຍຖານການຜະລິດ ອຸດສາຫະກຳຈາກປະເທດເພື່ອນບ້ານເຂົ້າຫວຽດນາມ ໂດຍສະເພາະຢ່າງຍິ່ງທຶນຍິປຸ່ນທີ່ໄດ້ຮັບຜົນກະທົບຢ່າງຮຸນແຮງຕໍ່ເນື່ອງຈາກໄພທຳມະຊາດ ທັງໃນປະທດ ແລະຕ່າງປະເທດ

       ແຜ່ນດິນໄຫວກັບໄພພິບັດຄື້ນສຶນາມິແລະໂຮງໄຟຟ້ານິວເຄຼຍໃນເດືອນ ມີນາ ປີນີ້ ອຸທົກກະໄພຄັ້ງໃຫຍ່ໃນຂະໜະນີ້ຢູ່ປະເທດໄທ ສະກຸນເງິນຢ໋ວນແຂງຄ່າຕໍ່ເນື່ອງ ແລະນະໂຍບາຍການໃຊ້ທີ່ດິນໃໝ່ຂອງຈີນລ້ວນແຕ່ເປັນບັນຫາໃຫຍ່ຂອງນັກລົງທຶນ ຍິປຸ່ນ ເຊິ່ງຈະຕ້ອງຍ້າຍຖານການຜະລິດໄປສູ່ປະເທດອື່ນ ລວມທັງຫວຽດນາມດວ້ຍ     
       ປະຈຸບັນການຜະລິດອຸດສາຫະກຳຕ່າງໆໃນຫວຽດນາມ ໂດຍສະເພາະຢ່າງຍິ່ງ ອຸດສາຫະກຳ ອີເລັກໂຕຼນິກ ອຸດສາຫະກຳເຄື່ອງຈັກກົນ ກຳລັງເລັ່ງເຄື່ອງເຕັມອັດຕາເພື່ອຊົດເຊີຍຄວາມເສຍຫາຍ ທີ່ບໍ່ສາມາດຜະລິດໄດ້ໃນປະເທດໄທ ຫຼທປະເທດອື່ນໆ
       
       ການສຳຫຼວດໂດຍສຳນັກນິກເຄອິແຫ່ງຍີ່ປຸ່ນຫວ່າງໄວໆມານີ້ຍັງພົບວ່າ ນັກລົງທຶນຍີ່ປຸ່ຈັດຫວຽດນາມຢູ່ ອັນດັບ 4 ໃນບັນດາປະເທດເອເຊນຕາເວັນອອກສຽງໃຕ້ ທີ່ມີສະພາບແວດລ້ອມ ແລະສັກກະຍະພາບດ້ານການຄ້າ ດີຍ໋ຽມໃນໄລຍະຍາວ ແລະເປັນອັນດັບ 3 ໃນໄລຍະປານກາງ ເຊິ່ງເຮັດໃຫ້ຫວຽດນາມ ມີໂອກາດຢ່າງສູງ
       
       ກວ່າ 60% ຂອງນັກລົງທຶນຍີ່ປຸ່ເຫັນວ່າ ຫວຽດນສເປັນປະເທດນຳໜ້າ ແລະໜ້າສົນໃຈຫຼານທີ່ສຸດໃນການຕັ້ງຖານການຜະລິດ ສຳນັກຂາວ ເຢິນຈີ໋ລາຍງານ
       
       ຢ່າງໃດກໍ່ດີກະຊວງອຸດສະຫະກຳ ແລະການຄ້າຫວຽດນາມ ລວມທັງນັກລົງທຶນຍີ່ປຸ່ນເອງຕ່າງກໍ່ມີຄວາມກັງວົນໃນປະເດັນທີ່ສຳຄັນຄື: ດ້ານກົດໝາຍແລະກົດລະບຽບຂອງຫວຽດນາມ ເຊິ່ງຍັງຫຼ້າຫຼັງຫາກທຽບກັບການພັດທະນາດ້ານການລົງທຶນຂອງໂລກໃນຊ່ວງ 10ປີມານີ້ ແລະຍັງບໍ່ທັນການຕໍ່ການພັດທະນາເສດຖະກິດ
       
       ທ່ານ ຮິເດໂອະ ນາອິໂຕະ ແຫ່ງທະນາຄານເພື່ອຄວາມຮ່ວມມືລະຫວ່າງປະເທດຍີ່ປຸ່ນ (JBIC) ກ່າວວ່າການລົງທຶນໃນຫວຽດນາມຍັງມີບັນຫາແລະ " ສິ່ງກີດຂວາງ " ອີກຫຼາຍ ລວມທັງບັນຫາລະບົບການຄົມມະນາຄົມທີ່ຍັງບໍ່ທົ່ວເຖິງ ການຂາດແຄນບຸກຄະລາກອນລະດັບບໍລິຫານ ກັບຂະບວນການທາງກົດໝາຍທີ່ສະຫັຼບຊັບຊ້ອນ ຈຳເປັນທີ່ຈະຕ້ອງເລັ່ງພັດທະນາ ແລະປັບປຸງແກ້ໄຂ
       
       ເຈົ້າໜ້າທີ່ຂອງ JBIC ແນະນຳໃຫ້ຫວຽດນາມເພີ່ມຄວາມເອົາໃຈໃສ່ຕໍ່ອຸດສະຫະກຳ ປະກອບລົດຍົຮ ແລະອຸດສາຫະກຳອີເລັກໂຕຼນິກ ເຊິ່ງຈະດຶງດູດນັກລົງທຶນຍີ່ປຸ່ນໄດ້ຫຼາຍ
       
       ຍັງມີອີກຫາຼຍບັນຫາທີ່ຈະຕ້ອງປັບປຸງແກ້ໄຂລວມທັງ ການຈັດຫາແຫຼ່ງເງິນທຶນໃຫ້ທຸລະກິດຂະໜາດກາງ ແລະນ້ອຍໃຫ້ພຽງພໍ ເຝິກຝົນບຸກຄະລາກອນໃຫ້ພຽງພໍກັບອຸດສາຫະກຳຂະແໜງຕ່າງໆ ແລະການຈັດການປັນຫາກ່ຽວກັບການໃຊ້ທີ່ດິນ ແລະການເວນຄືຮທີ່ດິນໃຫ້ວ່ອງໄວຍິ່ງຂຶ້ ເຢິນຈີ໋ ລາຍງານ