ເຮືອບິນແອບັສຮຸ່ນ A320 ໃນຈຳນວນ 2 ລຳທີ່ນຳເຂົ້າໃຫມ່ ຂອງລັດວິສາຫະກິດການບິນລາວລຳທຳອິດຈະມາຮອດເສົານີ້ ແລະ ອີກຫນຶ່ງລຳຈະເຖິງລາວໃນຕົ້ນເດືອນຫນ້າ.
ຫລັງຈາກທີ່ລັດວິສາຫະກິດ ການບິນລາວໄດ້ມີການເຊັນສັນຍາຊື້-ຂາຍເຮືອບິນ A320 ຈຳ ນວນ 2 ລຳກັບບໍລິສັດຜະລິດເຮືອບິນແອບັສຈາກຝຣັ່ງເມື່ອທ້າຍເດືອນສິງຫາຜ່ານມາ ໃນວັນທີ 5 ພະຈິກນີ້ ເຮືອບິນລຳທຳອິດກໍ່ຈະມາຮອດນະຄອນຫລວງວຽງຈັນ ຂະນະທີ່ລັດວິສາຫະກິດການບິນລາວ ແຈ້ງຈະມີພິທີມອບ-ຮັບຢ່າງເປັນທາງການໃນວັນທີ 8 ພະຈິກ ແລະ ຈະເລີ່ມນຳໃຊ້ປະຕິບັດການບິນຂົນສົ່ງຜູ້ ໂດຍສານເປັນປົກກະຕິສ່ວນເຮືອບິນລຳທີ 2 ແມ່ນຈະມາເຖິງລາວໃນຕົ້ນເດືອນທັນວາ.
ຢ່າງໃດກໍ່ຕາມ ດັ່ງທີ່ຂ່າວໄດ້ນຳສະເຫນີກ່ອນຫນ້ານີ້ລະບຸວ່າ: ໃນຈຳນວນເຮືອບິນແອບັສ 2 ລຳດັ່ງກ່າວຈະບິນສາຍຕ່າງປະເທດເປັນສ່ວນຫລາຍ ເຊິ່ງເປັນເຮືອບິນທີ່ຜະລິດຕາມມາດຖານພິເສດປະຢັດຄ່າໃຊ້ຈ່າຍ ແລະ ສາມາດບິນໄດ້ໄກຫລາຍກວ່າເຮືອບິນຮຸ້ນດຽວກັນມີຂະຫນາດ 142 ຕັ່ງນັ່ງ ໃນນັ້ນ 16 ຕັ່ງເປັນຊັ້ນທຸລະກິດ ແລະ ອີກ 126 ຕັ່ງນັ່ງເປັນຊັ້ນປະຢັດ.
ໂດຍລັດວິສາຫະກິດການບິນລາວໄດ້ມີການກູ້ເງິນຈາກທະນາຄານແຫ່ງ ສປປ ລາວ ແລະ ທະນາຄານການຄ້າຕ່າງປະເທດ ລາວມະຫາຊົນຈຳນວນ 90 ກວ່າລ້ານໂດລາສະຫະລັດ ເພື່ອຊື້ເຮືອບິນຈຳນວນດັ່ງກ່າວເຂົ້າປະຈຳການທັງໄດ້ເຮັດສັນຍາປະກັນໄພນຳບໍລິສັດຮ່ວມທຸລະກິດປະກັນໄພລາວ-ຫວຽດ ໃນວົງເງິນຄຸ້ມກັນເຖິງ 850 ລ້ານໂດລາສະຫະລັດ ເພື່ອຄຸ້ມກັນສຳລັບທຸກຄວາມສ່ຽງຂອງຕົວຍົນ ແລະ ຮັບຜິດຊອບຕໍ່ຜູ້ໂດຍສານຕະຫລອດຮອດບຸກຄົນທີ 3, ສຳພາລະພ້ອມສິນຄ້ານຳອີກ.
ຢາກເຫັນສາວ ແອຫ໋ອດສະເຕັດ ຂອງລາວ ຄື ຊິງາມ ແລະ ໃຫຍ່ ຄືຍົນ
ກະບໍ່ໃຫຍ່ປານໃດ ແຄ່ເບີ 40 ຊື່ໆ ຫາຍາກໜ້ອຍໜຶ່ງເດີ້ ແອລຸ້ນນີ້ .... 55555
