ລາຍງານຂ່າວນີ້ສ້າງຄວາມ ປະຫລາດໃຈໃຫ້ກັບຫລາຍຄົນ ເນື່ອງຈາກວິສະວະກອນຈາກ Steve Yegge ໄດ້ ກະທຳການຜິດພາດ Googleໂດຍເຮັດໃຫ້ຂໍ້ມູນພາຍໃນບໍລິສັດຫລຸດອອກໄປທົ່ວອິນເຕີເນັດ ເຖິງວ່າຈະເປັນພຽງແຕ່ຄວາມຄິດເຫັນຂອງວິສະວະກອນຜູ້ຊ່ຽວຊານກໍ່ ຄືຕົວລາວເອງທີ່ມີຕໍ່ Google Plus ກໍ່ຕາມ ເຊິ່ງ Yegge ສະຫລຸບວ່າ Google+ ເປັນໂຄງການທີ່ບໍ່ປະສົບຜົນສຳເລັດ!!!
ເອກະສານພາຍໃນດັ່ງກ່າວ ຈະເປັນການວິເຄາະເຖິງວິກິດການກ່ຽວກັບຄວາມເຂົ້າໃຈສື່ສັງຄົມອອນ ລາຍນ໌ຂອງ Google ເອງ ເຊິ່ງລາວຕັ້ງໃຈຈະສົ່ງໃຫ້ກັບເພື່ອນຮ່ວມງານ ແຕ່ຜັດໂພດສຜິດເຮັດໃຫ້ມັນໄປເຜີຍແຜ່ໃນຫນ້າ Google+ ຂອງລາວ “Google+ ເປັນຕົວຢ່າງທີ່ຊັດເຈນທີ່ສຸດຂອງຄວາມບໍ່ປະສົບຜົນສຳເລັດທີ່ສຸດ ຕັ້ງແຕ່ຜູ້ນຳຝ່າຍບໍລິຫານລະດັບສູງສຸດລົງມາເຖິງພະນັກງານ ລະດັບຮາກຖານພວກເຮົາບໍ່ເຂົ້າໃຈມັນ (Social Media)ເລີຍ” Yegge ເຂົ້າໃຈວ່າຂໍ້ຄວາມນີ້ຫນ້າ ຈະຖືກສົ່ງໃຫ້ສະເພາະກຸ່ມເພື່ອນຮ່ວມງານນຳກັນໃນ Google Circle ເທົ່ານັ້ນ ແຕ່ຂໍ້ຄວາມດັ່ງກ່າວຖືກອະນຸຍາດໃຫ້ຜູ້ໃດກໍ່ໄດ້ສາມາດເບິ່ງ ເຫັນອີກ.
ຫລັງຈາກຕອນທຳອິດທີ່ລາວວິພາກວິຈານນາຍຈ້າງຄົນກ່ອນຂອງລາວທີ່ Amazon ຢ່າງຮຸນແຮງແລ້ວຈາກນັ້ນ Yegge ກໍ່ເລີ່ມເວົ້າໃສ່ Googleທີ່ບໍ່ປະສົບຜົນສຳເລັດໃນການສ້າງສັງຄົມອອນລາຍນ໌ໃຫ້ປະສັບ ຄວາມສຳເລັດເທົ່າ Facebook “Google+ ເປັນປະຕິກິລິຍາໂຕ້ຕອບແບບລວບໆໃຊ້ເວລາ ໃນການຄິດສັ້ນເກີນໄປ ແລະ ເດົາຂໍ້ສັງເກດທີ່ບໍ່ຖືກຕ້ອງວ່າ Facebook ສຳເລັດເນື່ອງຈາກພວກເຂົາສ້າງຜະລິດຕະພັນທີ່ຍິ່ງໃຫຍ່ແຕ່ບໍ່ຮູ້ ເຫດຜົນທີ່ແທ້ຈິງວ່າສຳເລັດເພາະຫຍັງກັນແທ້, Facebook ສຳເລັດເພາະພວກເຂົາສ້າງຜະລິດຕະພັນທີ່ມີແສງສະຫວ່າງໃນຕົວເອງ ໂດຍເປີດໂອກາດໃຫ້ຜູ້ໃຊ້ເປັນຜູ້ສ້າງສິ່ງນັ້ນຂຶ້ນມາ” Yegge ເອົາຂໍ້ ຄວາມນີ້ຂຶ້ນໄປໃສ່ Google+.
ແຕ່ລາວຍັງບໍ່ຈົບພຽງເທົ່າ ນັ້ນ “ນັ້ນຄືສິ່ງທີ່ Google ບໍ່ຖະ ຫນັດພວກເຮົາບໍ່ເຂົ້າໃຈວ່າ ແພລດຟອມແມ່ນຫຍັງ? ພວກເຮົາ ບໍ່ຮູ້ແທ້ເລື່ອງແພລດຟອມທ່ານ (ຜູ້ໃຊ້) ເຮັດບາງຢ່າງໄດ້ ແຕ່ທ່ານກໍ່ເຮັດໄດ້ຫນ້ອຍດຽວຂ້ອຍໄດ້ແຕ່ຫວັງວ່າແຮງກົດດັນຈາກຄູ່ ແຂ່ງຄື Microsoft ແລະ Amazon ລວມເຖິງ Facebook ຈະເຮັດໃຫ້ເຮົາຕື່ນຂຶ້ນ ແລະ ເລີ່ມຕົ້ນສ້າງບໍລິການໃຫ້ຄົບວົງຈອນທັງທີ່ມັນປ່ຽນເລື່ອງສຳຄັນ ລຳດັບຕົ້ນໆ ແຕ່ມັນເບິ່ງຄືວ່າມັນ (ການພັດທະນາ Google+) ຜັດຖືກຈັດອັນດັບຄວາມສຳຄັນໄວ້ເປັນອັນດັບທີ 10 ຫລື 11 (ແລ້ວຊິໄປສູ້ກັບຄູ່ແຂ່ງໄດ້ແນວໃດ?)”.
ນອກຈາກນີ້ ຫລັງຈາກແທຣຟຟິກຂອງ Google+ ທີ່ເຕີບໂຕແບບກ້າວກະໂດດເຖິງ 1.269% ພາຍໃນອາທິດດຽວ ເຊິ່ງມີສາເຫດມາຈາກການເປີດໃຫ້ບໍລິການກັບຜູ້ໃຊ້ທົ່ວໂລກ (ບໍ່ຕ້ອງ invite ຄືຕອນທຳອິດ) ແຕ່ຫລ້າສຸດ Chitika ບໍລິສັດວິໄຈຕະຫລາດໄດ້ສ້າງດັດຊະນີ ແທຣຟຟິກຂອງ Google+ ໂດຍສະແດງຜົນທີ່ໄດ້ຮັບຂອງແທຣຟຟິກອອກມາໃນຮູບກຣາຟ ເຊິ່ງຈະເຫັນໄດ້ຊັດເຈນວ່າ Google+ ຕົກລົງມາຢູ່ໃນບ່ອນເກົ່າພາຍໃນອາທິດດຽວ ໃນຂະນະດຽວກັນມີລາຍງານອີກວ່າປຸ່ມ +1 ບໍ່ໄດ້ຊ່ວຍດຶງດູດຜູ້ໃຊ້ປານໃດ?
ຫລ້າສຸດ Google ເຜີຍຍອດສະມາຊິກຫລາຍກວ່າ 40 ລ້ານຄົນແລ້ວ ໂດຍ Larry Page ກ່າວວ່າ Google+ ມີອັດຕາການເຕີບໂຕທີ່ຫນ້າອັດສະຈັນ ແລະ ນີ້ເປັນພຽງແຕ່ຂັ້ນເລີ່ມຕົ້ນເທົ່ານັ້ນ ນອກຈາກນີ້ ຍັງມີລາຍງານຜົນປະກອບການໄຕມາດທີ 3 ຂອງປີນີ້ ກຳໄລ 2,7 ພັນລ້ານໂດລາສະຫະລັດຈາກລາຍໄດ້ 9,7 ພັນລ້ານໂດລາສະຫະລັດທຽບກັບປີທີ່ຜ່ານມາໄຕມາດດຽວກັນກຳໄລ 2,2 ພັນລ້ານໂດລາສະຫະລັດ ຈາກລາຍໄດ້ 7,2 ພັນລ້ານໂດລາສະຫະລັດ ຄິດໄລ່ເປັນກຳໄລເຕີບໂຕ 23% ທຸກຢ່າງເປັນໄປແບບສວຍງາມ... ຍົກເວັ້ນອະນາຄົດຂອງ Steve Yegge ວິສະວະກອນຂີ້ໂມໂຫ.
